Малсаганаькъан Ӏаьлий Роза
| Ма́лсаганаькъан Ӏаьлий Роза́ | |
|---|---|
| Ваь таьрахь | 14 ардара 1970 (54 шу) |
| Ваь моттиг | Аьлте-Юрт |
| Мохк |
 Россе Федераци →  СССР |
| Белха-говзалаш | иллиалархо, мукъамхо |
| Жанраш | илли, лирика йиш |
| Наградаш | ГӀалгӀай Мехка Халкъа артист, дукха дика хӀамаш карагIдийна артист |
Ма́лсаганаькъан Ӏаьлий Роза́ (эрс: Мальсагова Роза Алиевна) ― Г1алг1ай Халкъа дукха дика х1амаш караг1дийна иллиалархо.
Биографи
Малсаганаькъан Роза яьй Аьлте-Юрта 1970-ча шера ардара бетта 14-ча денна. Роза хьалкхийнай итт дезалхочоа юкъе. Дошлакъий-Юртара юкъера ишкол яьккха йоаллаше, из деша эттай Грознерча мукъама училище оаза (вокальни) отделене. 1993-ча шера из балха эттай Хамхой А. цӀерагӀа йолча паччахьалкхен филармоне. Иштта цу шерашка из болх беш хинна ГӀалгӀай паччахьалкхен телерадиокомпане, мукъама перадачаши «Хоамаш» яха перадачи лелаеш. ГӀалгӀай кӀезига хиннаб цу факультете, Розайл хьалхагӀа цига деша яьгӀай Ахценаькъан Хаччат. Роза деша эттача хана училища кулгалхо хиннав Меданаькъан Альберт. Нанна а даьна а лайнад цо цига дешар, цхьабакъда нана из дийша яллалца яьхаяц.
Розай эггара цӀихезагӀа дола илли да «Бабий воӀ» яхаш, цун дешаш яздаьр хиннав Угурчанаькъан Азамат-Гири. Илле хьалхара цӀи «Хьо ца воагӀаш ма Ӏелахь» яхаш хиннай. Мукъам язбаьр Роза ше хиннай. Илли арадаьннад 1993-ча шера. Иштта цун иллешка ларде дийшад Гаьганаькъан Гирихана, Пхьиленаькъан Махьмад-СаӀида, Тамасхананаькъан Лейлай дешаш. Кердача мукъамхоех цун дукхагӀа дола иллеш яздаьр ва Татренаькъан Исроапал.
2024-ча шера оагӀой бетта тӀехьарча деношка цо дӀадихьар ший сольни концерт. Наха дукха хана денз довза, деза иллеш дар цо дӀа мел аьннараш. Царна юкъе дар «Са са», «Безам», «Керда шу», «Дог», «ГӀалгӀай Байракх» яха иллеш.
СовгӀаташ
• Шера иллиалархо (эрс: Певица года)
• Дукха дика хӀамаш карагӀдийна иллиалархо
• Къаман артистка
Белгалдаккхар
ТӀатовжамаш
- Ужахова Ната. Роза Мальсагова: «Я остаюсь на сцене». Сердало (газет) (21.12.2016). Хоам хьаийца таьрахь: 12.01.2025.