Угурчанаькъан Шовхала Азмат-Гири

Угурчанаькъан Шовхала Азмат-Гири
Угурчанаькъан Шовхала Азмат-Гири
Ваь таьрахь	26 тов 1945 (79 шу)
Ваь моттиг	Акмолинск, Казахехье
БӀорахол	СССР
Леладу гӀулакх	йоазонхо, оазархо, хоамбоаржабархо
Лостам	исбахьален литература
Жанр	оазарле
Кхолламий мотт	inh
Дебют	ишкола 9-гӀча классе вагӀаш язъяь «Ленина никъ» яхача газета тӀа кепатеха байт

Угурчанаькъан Шовхала Азмат-Гири (эрс: Угурчиев Азамат-Гири Шаухалович) — гӀалгӀай оазархо, хоамбоаржабархо, СССР йоазонхой юкъарлон доакъашхо, СССР хоамбоаржабархой юкъарлон доакъашхо.

Биографи

Угурчанаькъан Азмат-Гири ваьв 1945-ча шера тов бетта 26-ча дийнахьа Целиноградски областа Есиль яхача станице. 1953-ча шера из цхьоалагӀча классе деша вахав. 1957-ча шера ший даьй баьхача Наьсарен шахьара чуйоагӀача Экажакъонгий-Юрта ва́ха цӀавенав Азмат-Гири. 1963-ча шера цо йистеяяьккхай юкъера ишкол. 1964-ча шера волавеннав ишколе гӀалгӀай мотти литературеи хьеха. Шолжа-ГӀалий тӀа ва́ха дӀавахачул тӀехьагӀа, 1968-ча шера из балха эттав Нохч-ГӀалгӀай АССР радиони телевиденеи комитете. Радиокомитете болх баьчул тӀехьагӀа цо болх бу «Сердало» газета редакце, юххьанца корректор волаш. Цул тӀехьагӀа цо редакце кхаь шера къахьийгад корреспондент волаш, дӀахо товшхала отдела кулгалхочун когаметтаоттачун болх беш. 1983-ча шера денз СССР хоамбоаржабархой юкъарлонна юкъе хиннав. 1990-ча шера из дӀаийцав СССР йоазонхой юкъарлон мугӀарашка.

Кхоллам

9-ча классе дешаш волча хана язъяьй цо ший хьалхара байт. Из кепатеха араяьннай «Ленина никъ» яхача газета тӀа. Цул тӀехьагӀа оазархочун байташ кепаетташ арайийннай «Сердало» газета тӀа а «Лоаман Ӏуйре» яхача альманаха тӀа а, «Маьтлоам» яхача журнала тӀа а. 1971-ча шера арабаьннаб цун «Стихаш» яха байтий гуллам. Цунна тӀеххьа «Дега уйлаш», «Нана-ДаьгӀасте» (1991), «Са дега безам — ГӀалгӀайче», «Дега мерзаш» яха гулламаш. ЦӀихезача байташта юкъе я «Юртага сатувсаш», «ГӀалгӀайче», «Са юрт», «Са даьй», «ГӀалгӀай», «Даьхенга», «Дагалоацам», «Наьна лоамаш» яха байташ.

Мехках бахар

Кхер со чӀоагӀа, тӀема ала,

Дуне лоацаш, укх вай лаьтта,

ЦӀаьхха балар кхер.

Дагабеча Ӏаьржа бала,

Даьшта дайнар духьал этта,

Бувхьаш хул со кер.

Литература

Евлоева А.М., Мартазанова Х. М. ХӀанзара гӀалгӀай литература / Сост.И.А.Дахкильгов. — Нальчик : Республиканский полиграфкомбинат им. Революции 1905 г., 2011. — 423 с.