Мартазанаькъан Яхььяй Муса
| Мартазанаькъан Яхььяй Муса | |
|---|---|
 | |
| Ваь таьрахь | 9 маьтсела 1975 (51 шу) |
| Ваь моттиг | Наьсаре, Наьсарен шахьар, Нохч-ГӀалгӀай АССР, СССР |
| БӀорахол |
 СССР → Россе Федераци |
| Леладу гӀулакх | |
| Дебют | 2002 |
Мартаза́нанаькъан Яхььяй Му́са́ (Тимур) (эрс: Мартазанов Муса Яхьяевич; 9 маьтсела 1975, Наьсаре, Нохч-ГӀалгӀай АССР) — гӀалгӀай суртанча, оазархо, ГӀалгӀай Мехка Халкъа суртанча. ГӀалгӀай суртанчий юкъарлон кулгалхо, ГӀалгӀай йоазонхой юкъарлони, Эрсечен йоазонхой юкъарлони доакъашхо, Даьй-ноаной къаман ассоциаце доакъашхо, исбахьален студе кулгалхо, ГӀалгӀай мехка ВОД «Матери России» бӀарглокхар, Россе Федераце Президента тешаме викал, хоржамашка юкъара тӀахьожархо[1].
Биографи
Мартазанаькъан Муса (Тимур) ваьв 1975-ча шера маьтсела бетта 10-ча дийнахьа Нохч-ГӀалгӀай АССР Наьсаре. 1978-ча шера Мартазананаькъан ба́ха дӀабахаб Илдарха-ГӀалий тӀа. Байташ язъе а, сурташ дехка а волавеннав бӀул кхоачашдеш волча хана.
Мусас лакхера дешар дийшад кхаь даькъе: экономикеи, психологии, исбахьалеи. ТӀеххьара цо яьккхай Краснодарера паччахьалкхен университет. 2001-ча шера денз юкъара болх лелабеш ва. Цо болх баьб Россе Федерацен Президента тешаме викал волаш а, хоржамашка юкъара тӀахьожамхо волаш а, иштта 2018-ча шера хоржамашка тӀахьожараш кийчбеш, царна хьехаш хиннав из. 2019—2024 шерашка Мусас болх баьб ГӀалгӀай мехка Юкъарча палатан дешарахи, товшхалахи, Ӏилмахи йолча комиссен тхьамада волаш[1][2].
2002-ча шера дӀабихьаб цо ший хьалхара персональни гойтам. Цига хьекха хиннад цун сурташ «Мой край» (Са мохк), «Башни» (ГӀалаш), «Видение» (Зер). 2005-ча шера цунна еннай ГӀалгӀай Мехка Халкъан суртанчан цӀи[3].
Кхоллам
• Слепок души
• Лира мечты[4]
СовгӀаташ
• РФ юкъарча палатан баркал юкъара тӀахьожам лелабарах
• ГӀалгӀайчен мехкдаь Келаматанаькъан Макшарипа Махьмуд-Ӏаьлийгара баркал
• Къахьетама орден
• «Добрые люди мира» майдилг
• «ГӀалгӀайчен 25 шу дузаш» майдилг
• «ГӀалгӀайче Эрсеченца йола 250 шу дузаш» майдилг
• Россе Федераце Президента баркал
• «ГӀалгӀайчен 30 шу дузаш» майдилг[5]
Белгалдаккхар
- ↑ 1 2 Художнику, поэту, педагогу и общественному деятелю Мусе Мартазанову сегодня исполнилось 50 лет! https://www.museumizori.ru/. Хоам хьаийца таьрахь: 15.09.2025.
- ↑ Патиев, оа. 2015.
- ↑ Оздоева Мадина. Души моей серебряные нити. https://magas.bezformata.com/l (17.09.2020). Хоам хьаийца таьрахь: 16.09.2025.
- ↑ Сад окутали стужи. https://lgz.ru/ (2.10.2019). Хоам хьаийца таьрахь: 16.09.2025.
- ↑ Мартазанов Тимур Яхъяевич. https://2023.oprf.ru/. Хоам хьаийца таьрахь: 16.09.2025.
Литература
- Патиев Я. С. Писатели Ингушетии. — Ростов-на-Дону : Южный Издательский дом, 2015.