Марха

Марха (да) (эрс: ураза́, пост, Ӏар. الصوم‎) — бусалбаша сатасса йолаеннача хана денз марх чубиззалца хӀама ца юаш, къинош дуташ (бӀаргашца а, кулгашца а, меттаца а деш дола) ха яккхар (марха кхабар). ЦӀай денош (Мархий-цӀай, ГӀурбан-цӀай, Ташрикъа денош) мел доацача дийнахьа кхаба йиш йолаш да марха. Кхер белгалонаш гучаяьннача хьаькъале волчаи халача лазаре мел воацача бусалба сага Мархий бетта 29 е 30 дийнахьа марха кхабар параз да.

Этимологи

Ас-са́ум яхар Ӏарбий меттала «шийга кхаба» яхилга да.

Суннат мархаш

Кхаьбача деза дола марха:

• Бусалба ханорга хьалхарча Мухьаррам бетта хьалхарча дийнахьа;
• хӀара оршотаи ерачеи дийнахьа (бетта ханоргах);
• ХӀара бетта бетта (эрс: лунный месяц) кӀай денош: кхойтталагӀеи, дийтталагӀеи, пхийтталагӀеи денош (бутт буза денш);
• Зульхьиджата хьалхара итт ди;
• Шаваль бетта 6 ди.

Литература

• Гогиберидзе Г. М. Исламский толковый словарь. — Ростов н/Д.: Феникс, 2009. — 266 с. — (Словари). — 3000 экз. — ISBN 978-5-222-15934-7.

ТӀатовжамаш

• Пост — одно из лучших лекарств
• Рамадан. Пост в Священный Месяц: смысл, правила, действия
• Книги о мусульманском посте