Маькенаькъан Абукара Асхьаб

Маькенаькъан Абукара Асхьаб
Маькенаькъан Абукара Асхьаб
	эрс: Мякиев Асхаб Абукарович
Ваь таьрахь	7 лайчилла 1934
Ваь моттиг	Наьсаре, Наьсарен шахьар, Нохч-ГӀалгӀай АССР, СССР
Венна таьрахь	9 маьцхали 2014 (79 шу)
БӀорахол	СССР →; Россе Федераци
Леладу гӀулакх	йоазонхо, оазархо
Дебют	1964

Маькенаькъан Абукара Асхьаб (эрс: Мякиев Асхаб Абукарович; 7 лайчилла 1934, ДаьттагIа, ГӀалгӀайче — 9 маьцхали 2014) — гӀалгӀай паччахьалкхен гӀулакхче, йоазонхо, оазархо, «Сердало» газета хьалха хинна редактора когаметтаоттар.

Биографи

Маькенаькъан Асхьаб ваьв 1934-ча шера лайчилла бетта 7-ча дийнахьа Нохч-ГӀалгӀай АССР-а Шолжа шахьарерча ДаьттагӀа. Из итт шу даьнна бер хиннад гӀалгӀайи нохчийи мехках боахача хана. 1959-ча шера цо дийша йистеяьккхай С. М. Кирова цӀерагӀа йолча Казахий Паччахьалкхен университета хоамбоаржабара факультет.

Болх

Асхьаба болх баьб «Сердало» газета отдела кулгалхо а, ответсекретарь а, редактора когаметтаоттар а волаш. 15 шера баьб цо газете болх. 1977-ча шера цо дийша йистеяьккхай ЦК КПСС юкъарча Ӏилмай Академи. Академи яьккхачул тӀехьагӀа из цӀавенав. 1972-ча шера денз хиннав партена юкъе болх беш. Цу дарже цо къахьийгад 11 шера. 1979-ча шера цо къахьийгад КПСС Наьсарерча райкома секретарь волаш. 1981-ча шера КПСС 26-ча гулламе из викал хиннав. 1990-ча шера денз цо болх баьб Нохч-ГӀалгӀай Лакхехьарча Совета отдела кулгалхо волаш. 2000-ча шера кӀимарса бетта 1-ча дийнахьа денз ГӀалгӀай Мехка Доалчен тхьамадан когаметтаоттар хиннав из. 2003—2008 шерашка ГӀалгӀайчен мехкдаь администраце кулгалхочун когаметтаоттачун дарже болх баьб. 2007-ча Асхьаб пенсех ваха́в паччахьалкхен балхара. Иштта 2008-ча шера денз 2011-ча шерага кхаччалца цо ГӀалгӀай мехка Халкъа Гулламе депутаталла къахьийгад.

Асхьаб волавеннав 1964-ча шера денз. Духхьашха книжка арахийцад 1967-ча шера — «Лувкхера». ТӀеххьа арадийнад книжкаш «СелаӀад» (1969), «Маьлха сердал» яха дувцарий гуллам (1972), «Поле жизни» яха байтий гуллам (1974)^[1]. Цун байташ кепаетташ арайийнай «Жизнь национальностей» (2003), «Антология народов Северного Кавказа» (2003) яхача журналаш тӀа. 2006-ча шера Асхьаба арахийцаб «Постижение крутизны» яха байтий гуллам. «Мелодия гор» яха документальни кино даьккхар а из ва (2006)^[2]. 1964-ча Шолжа-ГӀалий тӀа цо иштта кепатеха арадаьккхад «Сердало» газета оттара никъ бувцаш дола «Сердало — 40 шу» яха книжка.

СовгӀаташ

• «КарагӀдаьннарех» яха орден

Белгалдаккхар

↑ книжно-иллюстративная выставка «асхаб мякиев: поэт и чиновник (эрс.). https://nbri.ru/ (.11.2024). Хоам хьаийца таьрахь: 16.09.2025.
↑ Глава Ингушетии выразил соболезнования в связи с кончиной известного общественного и политического деятеля Асхаба Мякиева (эрс.). https://ingushetia.ru/ (9.08.2014). Хоам хьаийца таьрахь: 16.09.2025.

Литература

Патиев Я. С. Писатели Ингушетии. — Ростов-на-Дону : «Южный Издательский дом», 2015. — 77 с.

[1] книжно-иллюстративная выставка «асхаб мякиев: поэт и чиновник (эрс.). https://nbri.ru/ (.11.2024). Хоам хьаийца таьрахь: 16.09.2025.

[2] Глава Ингушетии выразил соболезнования в связи с кончиной известного общественного и политического деятеля Асхаба Мякиева (эрс.). https://ingushetia.ru/ (9.08.2014). Хоам хьаийца таьрахь: 16.09.2025.

[1]

[2]