Медаранаькъан Хасолтий Мухьмад

Медаранаькъан Хасолтий Мухьмад
Ваь таьрахь	10 ардара 1924(1924-10-10)
Ваь моттиг	Наьсаре, ГӀалгӀай автономе область, РСФСР
Кхелха ха	14 бекарга 2025(2025-04-14) (100 шу)
Кхелха моттиг	Наьсаре, ГӀалгӀай Республика, Россе Федераци
БӀорахол	СССР →  Россе Федераци
БӀун тайпа	гӀашлой эскар
БӀул даь шераш	1941—1945
Сраженеш/тӀемаш	Сийлахь-Боккха Даьхен тӀом, Москванна кӀал тӀом
СовгӀаташи премеши

Медаранаькъан Хасолтий Мухьмад (эрс: Магомед Хасултанович Медаров; 10 ардара 1924, Наьсаре — 14 бекарга 2025, Наьсаре, ГӀалгӀайче) — советий тӀема хьовда, гӀалгӀашта юкъе Сийлахь-Боккхача Даьхен тӀема тӀеххьара ветаран. Наьсарен пхье сийлен бӀорахо.

Биографи

Медаранаькъан Мухьмад ваьв 1924 шера ардара бетта 10-ча дийнахьа Наьсаре ГӀалгӀай автономе областе. БӀул де тӀавийха хиннав аьтинга бетта 1941-ча шера. Сийлахь-Боккхача Даьхен тӀема юхьиге хиннача Москванна кӀал тӀема тӀа дакъа лаьца. Цу юкъа шийгара къонахчал а турпалал а гойтарах «Даьхен тӀема 1 даржа орден» а, «Майралах мейдилг» а яьккхай Медаранаькъан Мухьмада. Шозза човнаш яь хиннай Мухьмад́а.

1942 шe доладелча Медаранаькъан Мухьмад лаьрххӀа КӀайэрсече дӀавахийтав — партизаний лелам вӀашагӀболлареи дӀаболабари духьа. Цхьа ха яьлча дукхача къамай нах юкъе а болча ординга хьовда хиннав цох. Шин шера́ Медаранаькъан Мухьмад керте а латташ тӀом беш хиннача ординга дукха толамаш даха каяьннай: 15 совгӀа цӀермашений эшелон йохаяьй; техникацеи, доагамцеи, сага низацеи 1500 немций салтеи эпсари дӀавийнав, иштта 50 совгӀа фашистий агенташи, шпионаши, гадехкараши.

Медаранаькъан Мухьмад веннав 100 шу даьнна волаш 2025 шера бекарга бетта 14-ча дийнахьа ше ваьхача Наьсаре.

Белгалдаккхар

ТӀатовжамаш

• Пресс-служба Главы и Правительства РИ. Глава Ингушетии навестил единственного ветерана ВОВ республики (эрс.) // ingushetia.ru : офиц. сайт Республики Ингушетия. — 2024. — 10 октября.