Посессив

Посесси́в (лат: possessivus «доалахьа хилар») — моллагӀдола хӀама цхьан субъекта доалахьа хилар хьахьокхаш да, субъект я доала дожаре латтар.

Эрсий «родительни падеж» яхача дожарцара башхало я духхьал доал мара хьацахьокхари, кхыдола грамматически декхараш кхоачаш цадари. Посессив дукхача метташта юкъе я, къаьстта агглютинативни оттамах долча метташта юкъе. Доала дожар эрсий метта юкъе а да, цхьабакъда цо белгалдеша белгалонаш хьаийцай, кхыча тайпара аьлча, адъективаци Ӏаткъай цунна: мама — мамин, брат — братов.

ХӀиндий-европай генитив духхьашха посессив хиннай, иштта цхьацца долча хӀиндий-европай метташта юкъе йисай посессив, масала, немций метта юкъе боккъонца лелаеш я. Посессив ингалсий метта юкъе цаӀ мара доаца синтетически хьахулаш дола дожар да.

Ингалсий мотт

Ингалсий доала дожар хьахул аффикс -’s чаккхе цхьоален таьрахье тӀакхетарцеи дукхален таьрахье цул совгӀа апостроф хьарак -’ оттадарцеи. Са чу ца доаллача цӀердешай посессив хилац, доал хьахьокхаш дешхьалхе of лелаю.

Чуваший мотт

Чуваший метта доала дожар хьахул -ăн (-ĕн) яхача аффиксий новкъосталца, цо хьахьокх:

1. Цхьа объект субъекта доалахьа хилар: Наташӑн юлташӗ («Наташай доттагӀа»), кӗнекен хуплашки («Кинишкай беттагарг»).
2. Цхьа моллагӀа хьал тӀаэцаш йола е дер кийчдеш йола пассивни дера субъект юхь йоацача предложенена юкъе: манӑн Парижа кайса курас килет («мне хочется побывать в Париже»), манăн гитара каламалла («мне нужно играть на гитаре»).

Кечуа

Кечой меттала посессив хьахул -р чаккхе мукъа оазаши -ра чаккхе мукъаза оазаш яьлча оттайича.

Посессив йола кхыдола метташ

• Алтайхой мотт
• Цигаьний мотт
• Угрий-финий метташ
• Ифкуиль
• Эльфий мотт

Хьажа иштта

• Доала дожар

Белгалдаккхар