Сайнарой Мухьмада Бексолт

Сайнарой Мухьмада Бексолт
Ваь таьрахь	20 маьтсела 1938(1938-05-20)
Ваь моттиг	Галашке, ЧИАССР, СССР
Венна таьрахь	31 наджгоанцхой 2022(2022-01-31) (83 шу)
Венна моттиг	Москва, Россе Федераци
Паччахьалкхе	СССР  Эрсече
Ӏилман никъ	юриспруденци
Белха моттиг	Шолжа-ГӀалий тӀара паччахьалкхен мехкадаьттан технически университет
Дешар	Москвера паччахьалкхен юридически университет[d]
Ӏилманхой дарж	юристий Ӏилмай доктор
Ӏилманхой звани	профессор
Ӏилман кулгалхо	О. Н. Садиков
СовгӀаташи премеши

Сайнарой Мухьмада Бексолта (эрс: Бексултан Магомедович Сейнароев) — гӀалгӀай юкъарлен а политикайи къахьегамхо, Ӏилманхо, профессор, юристий Ӏилмай доктор. ГӀалгӀай къаман лелама хьалххоех цаӀ ва. «О реабилитации репрессированных народов» яха закон а, «Об образовании Ингушской Республики в составе Российской Федерации» яха закон тӀаэцар вӀаштӀехьдаьккхачарех ва.

Биографи

Сайнарой Бексолта ваьв Галашка 1938 шера маьтсела бетта 20-гӀча дийнахьа. 1944 шера саькура бетта 23-гӀча дийнахьа мехках ваьккхав дерригача къаманца цхьана. Казахий ССР Павлодара областе ваьхав. 1963 шера Ерригсоюза юридически институт яьккхай. 1958 шера денз 1978 шерага кхаччалца Павлодарерча кӀа́ла заводе болх баьб. 1978—1981 шерашка Павлодара мехкадаьтта чакхдоаккхача комбината генеральни директора когаметтаоттар хиннав. 1981—1987 шерашка доцент а, профессор а волаш болх баьб Шолжа-ГӀалий тӀарча мехкадаьтта институте. 1987 шера Шолжа-ГӀалий Ленина шахьара халкъа кхелахо хила хержав. 1991—1995 шерашка Тюменерча мехкадаьттагаза университета профессор а, Тюменерча къамашта юкъерча бокъони экономикайи институте кафедра кулгалхо а хиннав.

1989 шера оагӀой бетта 30-гӀча дийнахьа ГӀалгӀайчен автономи меттаоттаяра оргкомитета тхьамадалла хержав. 1991 шера ардара бетта 7-гӀча денга кхаччалца хиннав цу дарже. Цу дийнахьа керда вӀашагӀъеллача ГӀалгӀайчен Халкъа Совета тхьамадалла хержав. 1992 шера оагӀой бетта 27-гӀча дийнахьа, ше цу балхара дӀа а ваьнна, Москве ваха дӀавахав. 1995—2008 шерашка Россе Федерацен Лакхехьарча Арбитражни кхе́ле́ кхелахо хиннав.

Ший Ӏилман белхагахьа 90 совгӀа болх арахийцаб, царца цхьана 3 монографи а. «На трудном пути создания Ингушской Республики» яхача книжка яздаьд.

Сайнарой Бексолт веннав 2022 шера наджгоанцхой бетта 31-гӀча дийнахьа. ДӀавелла воалл Шолжа-Пхье.

СовгӀаташ

• ГӀалгӀай мехка орден «КарагӀдаьннарех» (2005 шу).
• ЧИАССР дукха дика хӀамаш карагӀдийна юрист (1987 шу).
• Россе Федерацен дукха дика хӀамаш карагӀдийна юрист.

Белгалдаккхар

Литература

• Ингушетия: популярная иллюстрированная энциклопедия / Сост. Я. С. Патиев; науч. ред. М. Г. Цароева, Т. Х. Матиев. — Магас : «Сердало», 2023. — 816 с. — ISBN 978-594452-185-9.

ТӀатовжамаш