Сискал
| Сискал | |
|---|---|
 | |
| Компоненташ | |
| Керттера | жувр, хий, тух |
 РУВИКИ.Медиа чура файлаш | |
Сискал (эрс: чурек) — жуврах хи тӀа кийчдеш дола датта гӀалгӀай даар да.
Кийчча сискал истола тӀа хьу кӀодарца е тӀайца е мистача берхӀаца. Сискала́ юкъе мухь йоалаш а хул, цудухьа цох цӀи йоаккх «мухь теха сискал» аьле. Из кийчъю кӀайча а ӀажагӀча а жуврах, керттера да жувр шозза-кхозза лайса хилар. Из кӀаьдагӀа мел хула, сискал а чамегӀа хул.
Сискал кийчъяр
Хьалхара сискал хи тӀа еш хиннай, жуврах бод кийчабийя. Бод бикъа боллаш хиннабац, жувро тӀоадал сиха чуозандаь. ТӀехьагӀо болабеннаб сискал ята́ шура е мордз детташ, кийчъе. Цул совгӀа морзаца еча сискалах тох фуаш, тӀоа, сода. Из чона Ӏаька чу пишка чу а лакхе пишка тӀа а йотт мело йоагача цӀера тӀа. Эггара хьалха цхьа оагӀув йотт, тӀаккха кӀалтӀайоаккх, шоллагӀйола оагӀув цӀийлургйолаш. Йистеяьнначул тӀехьагӀа, сискал юъ тӀайца а, кӀодарца а, миста берхӀаца а, кӀолдаца, е шурийла Ӏочукагйийя[1][2].
Сискалах хьабоала пайда
Хьалха жуврах мара чӀаьпилгаш кийчдеш хиннадац. Жувр дегӀа́ низ луш бола кхоачам ба[3]. Цо цӀаккха ворставац, цхьабакъда хьинарах цӀаккха ваккхац. Массаза жувр буа нах башха ба хьинаргахьа, мел гӀийла бале а[4].
ГӀойберда хӀанз Кайпийга ла а дувгӀацар. Юха а пишка тӀабартал уллача чона Ӏаькъанна тӀалаттар гӀелалла чукхийтта цун ши бӀарг.
— йоаг мотт сона из сискал, Кайпа.
Саг йистхилац. Сискалах хьалъухача Ӏанара хоза хьаж кхийтта, ше ваггӀача мочхал хьоадир ГӀойберда. Саьми шийна кӀал латта гударг а токхаяь вена шуна улув Ӏохайра. Пишка тӀа улла вож сискал хоарца а яь, мукъаяьннача Ӏаькъа чу цхьаькха йиллар Кайпас. Бераш а ма дий хӀама даанза, хьабахка безаш ИсмаӀал а Мурад а ба шоай исташца. Берашта яхьа а еза. Боккхийчар-м сатохаргдар. Делкъел тӀехьагӀа цӀа ма боагӀарбий уж, вордаш етта а баьнна
Кайпас пешка дӀатӀа а яха, Ӏаькъа хьал а айяь, сискал хьалъийцар.
— Ӏоа, ма цӀийеннай из! — иккхар Саьмега.
— Хоза еттай, — аьлар ГӀойберда, Кайпас из сискал юха зӀаькъанна кӀалйоллар кхераш санна.
— Еттай, вай даьра, хоза-м.
— Сахилале гӀеттаяр со, — йоахар Кайпас, кагьеш сискала чӀегилгаш шун тӀа Ӏо а ехкаш.— КӀаьнка саготдеш кхоаяьяц-кх.
.