Тебойнаькъан Ӏаьлий Илез

Тебойнаькъан Ӏаьлий Илез
Тебойнаькъан Ӏаьлий Илез
	эрс: Тибоев Илез Алиевич
Ваь таьрахь	8 лайчилла 1998 (27 шу)
Ваь моттиг	МагӀалбик, Нохч-ГӀалгӀай АССР
Паччахьалкхе	Россе Федераци
Ӏилман никъ	Тархьархо
Белха моттиг	ГӀалгӀай паччахьалкхен университет

Тебойнаькъан Ӏаьлий Илез (эрс: Тибоев Илез Алиевич 8 лайчилла 1998, МагӀалбике, ГӀалгӀайче) — Ӏилманхо, тархьархо, ГӀалгӀай паччахьалкхен университета аспирант, 5-6 классашка Ӏомадеча тархьара кинижкий авторех цаӀ, тархьара факультета воккхагӀвола хьехархо^[1].

Биографи

Тебойнаькъан Илез ваьв 1998-ча шера лайчилла бетта 2-ча дийнахьа МагӀалбике.

Дешар

2007—2015 шерашка цо дийша йистеяьккхай № 4 йола юххьанцара ишкол, 2016—2017 шерашка цо йистеяьккхай МагӀалбике № 3 йола ишкол. Цу юкъа из дешаш хиннав МагӀалбикерча мукъама ишколе. 2017—2021 шерашка Илеза дийшад ГӀалгӀай паччахьалкхен университета тархьара факультете, бакалавра (эрс.) (гӀа. дарже волаш из йистеяьккхай цо. 2021-ча шера из деша дӀаэттав магистратуре, 2024-ча шера цӀе диплом даккхарца цо ший «1944 шераш, гӀалгӀай вахаре бола дагалоаттам» яха магистерски диссертаци (эрс.) (гӀа. бакъъяьй. 2024-ча шера из дӀахо деша эттав ГӀалгӀай паччахьалкхен университета аспирантуре. Цун кандидата диссертаци я «Сийлахь-Боккха Даьхен тӀема хана хинна Нохч-ГӀалгӀай бераши кагирхойии»^[1].

Болх

Тебойнаькъан Илез V къамашта юкъерча тархьара ишколе

2021—2022 шерашка ГӀалгӀай паччахьалкхен университета зӀамагӀвола Ӏилман болхло.

2021—2024 шерашка Даьхен тархьар, Юкъара тархьар яхача кафедрашка цо болх баьб ассистенталла. 2024-ча шера Илез воккхагӀвола хьехархо ва тархьара факультете^[1].

Цо хьех дисциплинаш: Керда Даьхен тархьар (Новейшая отечественная история), ГӀалгӀаййчен тархьар, Эрсечен тархьар ширача хана денз XVII бӀаьшерашка кхаччалца.

Цо язбаьб 40 совгӀа Ӏилман болх, 4 методически пособи, иштта из юкъе ва 5-7 классашта лаьрхӀа дола тархьара книжкаш оттадеш къахьийгарашта. Из дакъа лоацаш хиннав дукхача Ӏилман вӀашагӀкхетарашка^[2].

Ӏилман болх

• Сийлахь-Боккха Даьхен тӀом хиннача хана бераши кагирхоши дакъалацар дагакхабара монументальни практикаш (Къулбаседа Кавказа республикаш юсташ), 2024
• Сийлахь-Боккха Даьхен тӀема хана М. Ю. Лермонтов цӀерагӀа дола эрсий драматически театреи Нохч-ГӀалгӀай драматически театреи къахьегам, 2025
• Сийлахь-Боккха Даьхен тӀом болабеннача хана юхь духьала моастагӀчоа духьале яргахьа кагирхоша дакъа лацар
• Сийлахь-Боккха Даьхен тӀема хана гӀалгӀай дешархой вахарера денош, 2024
• Сийлахь-Боккха Даьхен тӀом болабеннача хана зарбан балхагахьа хинна кхайкама поэтически кепаш (2025)
• Сийлахь-Боккха Даьхен тӀема хана нохч-гӀалгӀай тӀемахой дезалашта гӀо Ӏалашдар (2024), ВАК
• Сийлахь-Боккха Даьхен тӀемах бола дагалоаттам лорабеш, «МагӀалбик» яхача лехара тоабо бу болх (2024) ВАК
• XX бӀаьшерашка хиннача гӀалгӀай мехкара дӀаахарах дола цхьацца хаттараш (2022 шу), ВАК
• ISSUES OF SOCIO-ECONOMIC CONSEQUENCES OFINGUSHETIA'S ACCESSION TO RUSSIA (2022 шу), Скопус

СовгӀаташ

• ГӀалгӀай паччахьалкхен 100 шу дузаш, дукхача шерашка хьинаре къахьегарах ГӀалгӀайчен мехкдас енна майдилг (2025 шу)
• Халкъа Гуллама Сийлен Грамота дукхача шерашка хьинаре къахьегарахи, Ӏилман болх барахи, говзанчаш кийчбарахи (2024 шу)

Белгалдаккхар

↑ ¹ ² ³ История Исторический факультет (эрс.). inggu.ru/. Хоам хьаийца таьрахь: 29.09.2025.
↑ Представитель Ингушского госуниверситета принял участие в V Международной исторической школе (неопр.). gazetaingush.ru/. Хоам хьаийца таьрахь: 29.09.2025.

[ис-1] ¹ ² ³ История Исторический факультет (эрс.). inggu.ru/. Хоам хьаийца таьрахь: 29.09.2025.

[2] Представитель Ингушского госуниверситета принял участие в V Международной исторической школе (неопр.). gazetaingush.ru/. Хоам хьаийца таьрахь: 29.09.2025.

[1]

[2]