Темарзанаькъан Яхььяй Ислам

Темарзанаькъан Яхььяй Ислам
Темарзанаькъан Яхььяй Ислам
Шийх бола хоам
МаӀа е кхал хилар	маIа
Паччахьалкхе	Россе Федераци
Специализаци	Бокс
Ваь таьрахь	9 наджгоанцхой 1983 (43 шу)
Ваь моттиг	Нохч-ГӀалгӀай АССР
Кхелха таьрахь	31 маьцхали 2015 (32 шу)
Кхелха моттиг	Наьсаре, ГӀалгӀайче, Эрсече;
Лакхал	1.83 см
Дозал	+ 91 кийла
Спорта звани	Россе чемпион (2001), Европай чемпион (2006), Дунен Кубок яьккхар (2005)

Те́марзанаькъан Яхьья́й Исла́м (эрс: Темурзиев Ислам Яхьяеивич; 9 наджгоанцхой 1983, Наьсаре, Нохч-ГӀалгӀай АССР — 31 маьцхали 2015, Наьсаре, ГӀалгӀайче) — Эрсечен, Европай юниорски хьалхаленах толамаш даьха вола (2001), Россе чемпион]хинна (2001), Европай чемпиона хинна (2006) боксер ва. Цул совгӀа цун толамашта юкъе я цо 2005-ча шера яьккха Дунен Кубок. Из хиннав боксах дукха дика хӀамаш карагӀдийнача Эрсечен спорта говзанчашта юкъе 2008-ча шера денз.

Ва́хара юхьиг

Темарзанаькъан Ислам ваьв 1983-ча шера наджгоанцхой бетта 9-ча дийнахьа Наьсаре. Боксе юкъевенача хана 12 шу даьнна хиннав из. Илдарха-ГӀала тӀа ба́ха дӀабахачул тӀехьагӀа, цигарча боксера секце волавеннав Ислам бокс Ӏомае. Цун тренер хиннав Йовлой Ахьмада Башир, из воацар кхы тренер хиннавац Ислама. Цо хьалхара ший толам баьккхаб 1999-ча шера кадеташта юкъерча Европай чемпионате, хӀаьта 2001-ча Дунен юниорашта юкъе из хьалхарча метте лаьттав^[1].

Спортацара болх

2001-ча, 2006-ча шерашка Европай чемпиона титулах латаш цо эшавир Роберт Хелениус.

2007-ча шера Россе боксах йолча чемпионатах шоллагӀа моттиг яьккхар, хьалхара моттиг яьккхар вар Владимирера боксер Денис Сергеев^[2].

Цу шера вар из кӀезига-дукха могаш воацаш. Лазар доладенна тоъал ха яр. Чикаго дӀайихьача Дунен первенстве цун аьттув баьлар четвертьфиналах чакхвала. ТӀехьарча даькъе могашал эшар бахьан долаш юхаваьлар из, хала-атта из котаваьлар, Америкера Майкл Хантер эшавеш. Ахфинал яьнначул тӀехьагӀа Роберто Камарелле цӀи йолча спортсменаца лата аравоалаваланзар. Россе боксах йолча Федераце баьча хоамах, чоап бахьан долаш, турнира чура араваккха вийрзар. Ӏаткъаш хиннар дар доладенна дола цӀи йоаца лазар (эрс: опухоль)^[2].

2008-ча шера из дакъа лоацаш хилар Пекине дӀадихьача Ахканарча Аьланпхьен ловзарашка 91 кийлал безагӀбарашца латаш, цу шера из ийшар латара хьалхарча даькъе, цу Олимпиаде боарза яхьарат даьккхача Йоккхача Британера Дэвид Прайс кота а воалаш.

Валар

2015-ча шера маьцхали бетта 31-ча дийнахьа из кхалхар Наьсарерча дарбанче цу лазарах. Ше дIалелаш воаца тоъал ха яр^[3].

Толамаш

2001-ча шера Европай боксах хинна хьалхале — 01 !;
2001-ча шера Эрсечен боксах хинна хьалхале — 01 !;
Боксах йола Эрсечен чемпионат 2003 — 03 !;
Боксах йола Эрсечен чемпионат 2004 — 01 !;
Боксах йола Дунен Кубок (Москва, тоаба 2005) — 01 !;
Боксах йола Эрсечен чемпионат 2007 — 02 !;
Дунен чемпионат (Чикаго, 2007 шу) — 03 !;
Европай чемпионаташ (Пловдив, 2006 шу) — 01 !;

Аьланпхьен ловзарашка да́къа лацар

Олимпиада	Дакъа	Моттиг
Пекин 2008	бокс, 91 кийла дукхагӀа	9-гӀа моттиг

Белгалдаккхар

↑ Жизнь и смерть ингушского нокаутёра (неопр.) (18.09.2015). Хоам хьаийца таьрахь: 15.10.2025.
↑ ¹ ² Чемпионат России по боксу в Якутске завершился сенсациями. (неопр.) Хоам хьаийца таьрахь: 15.10.2025. Архиваци яьй 13.05.2015.
↑ Ушел из жизни бронзовый призер чемпионата мира 2007 г. Ислам Тимурзиев (неопр.). Хоам хьаийца таьрахь: 15.10.2025.

ТӀатовжамаш

Тимурзиев Ислам Яхьяевич (неопр.). Спортивная Россия. Хоам хьаийца таьрахь: 21.01.2019.
Досье на sport.references.com // Wayback Machine архиве дӀадилла шоллар (14.12.2012)
Ислам Тимурзиев новости спортивной карьеры на NewsFight.ru
Ислам Тимурзиев.

Интервью

Интервью: Ислам Тимурзиев: джентльмен на ринге.

[1] Жизнь и смерть ингушского нокаутёра (неопр.) (18.09.2015). Хоам хьаийца таьрахь: 15.10.2025.

[ТИ-2] ¹ ² Чемпионат России по боксу в Якутске завершился сенсациями. (неопр.) Хоам хьаийца таьрахь: 15.10.2025. Архиваци яьй 13.05.2015.

[3] Ушел из жизни бронзовый призер чемпионата мира 2007 г. Ислам Тимурзиев (неопр.). Хоам хьаийца таьрахь: 15.10.2025.

[1]

[2]

[3]