Ужахьанаькъан Халата Сулейм
| Ужа́хьанаькъан Ха́лата Суле́йм | |
|---|---|
| эрс: Ужахов Сулейман Халитович | |
 | |
| Ваь таьрахь | 27 маьтсела 1987 (39 шу) |
| Ваь моттиг | |
| БӀорахол |
 Россе Федераци |
| Леладу гӀулакх | лор-онколог, хирург, пластически хирург |
Ужа́хьанаькъан Ха́лата Суле́йм (эрс: Ужахов Сулейман Халитович; 27 маьтсела 1987, Наьсаре, Нохч-ГӀалгӀай АССР) — лакхарча категорех вола лор, хирург, онколог, Эрсечен онкологий ассоциаце доакъашхо, А. И. Савицки цӀерагӀа йолча «Хирург года» номинацех котало яьккхар (2023 шу), «Продокторов» портала Ерригроссе лорий преми яьккхар[1].
Биографи
Сулейм ваьв 1987-ча шера маьтсела бетта 27-ча дийнахьа Наьсаре. Из эггара воккхагӀа ва дезалашта юкъе: цул зӀамагӀа ши йишеи цхьа вошеи да. Царех массанех лораш хиннаб: йиша Хьава Пхьилекъонгий-Юртарча Республика онкологе диспансере дианостически лабораторе кулгал деш я, йишах Лейлах остеопат хиннай, хӀаьта воша царгий лор ва[1].
Дешар
Сулейм хьалхарча курсе деша вагӀача хана волавеннав болх бе. Духхьашха цо болх баьб морге лаборант волаш. 2011-ча шера из деша эттав Тана-тӀарча-Ростове. Цига цо дийшад 2011-ча шера денз 2013-ча шерага кхаччалца, онкологе Ӏилман кӀоаргал Ӏомаеш. Цу хана из Ростоверча Ӏилман-тохкама онкологе институте ординатор хиннав. Цу хана цунна хьехаш хиннав РСФСР дукха дика хӀамаш карагӀдийна Руслан Наурдинович Салатов. Ординатура яьккхачул тӀехьагӀа, цунна тӀеххьа хирурге одинатуралла деша эттачул тӀехьагӀа, из болх бе волавеннав Тана-тӀарча-Ростоверча № 6 йолча пхьен дарбанче. ДӀахо цо караерзаяьй пластически хирурги. Из уйла-нигат долаш хиннав пластически хирургии онкологии шоайла ювз а, цхьана Ӏомае а. Пластически хирурги Ӏомаеш, из дешаш хиннав Москве РУДН лорий институте[1].
Болх
2015-ча шера из ГӀалгӀай мехка цӀа а вена, поликлинике болх бе волавеннав, онкологе диспансере. 2016-ча шера Сулейм хьожаваьв Пхьилекъонгий-Юртарча онкологе диспансера хирурге отделене кулгалхочулла. Кхо шу даьннача гӀолла из хьожаваьв цу дарбанче кертерча лора дарже. Ах шера болх баьчул тӀехьагӀа, из цу даржера дӀа а ваьнна, практикующи лоралла болх бе волавеннав дӀахо. ШоллагӀча бетта цо яьккхар «Продокторов» портала Ерригроссе лорий преми[1].
2023-ча шера ши бутт мара юкъ йоацаш Сулейма шозза котало ера. Эггара хьалха цо яьккхар А. И. Савицки цӀерагӀа йола преми «Хирург года» номинацех. СовгӀат делар VI Къамашта юкъерча онкологеи радиотерапеи «Ради жизни» яхача форуме[2][1][3].
Ужаханаькъан Сулейм Эрсечен онкологий ассоциаце доакъашхо ва. Цо яздаь онкологех а пластически хирургех а дукха Ӏилман балхаш да[1].
Дезал
Саг йоалаяь ва, виъ дезалхо ва — ши йоӀи, ши воӀи. Сесаг я Дзейганаькъан Мухьмада Хьава[1].
Белгалдаккхар
- ↑ 1 2 3 4 5 6 7 Сулейман Ужахов — член медицинской Ассоциации онкологов России. Газета «Ингушетия» (19.12.2023). Хоам хьаийца таьрахь: 19.11.2025.
- ↑ Лучший онколог для взрослых "Жемчужина в профессии". russcpa.ru. Хоам хьаийца таьрахь: 19.11.2025.
- ↑ Сулейман Ужахов: "Объяснить, успокоить, обнадёжить". magas.bezformata.com (1.03.2017). Хоам хьаийца таьрахь: 19.11.2025.
ТӀатовжамаш
- Премия Александра Ивановича Савицкого. award.final-session.ru/.