Хазанаькъан Махьмад-Гире Муса
| Хазанаькъан Ма́хьмад-Гире Муса́ | |
|---|---|
| эрс: Хадзиев Муса Магомет-Гиреевич | |
 | |
| Ваь таьрахь | 16 ардара 1961 (64 шу) |
| Ваь моттиг |
 СССР Шолжа-Гӏала |
| БӀорахол |
 Россе Федераци |
| Леладу гӀулакх | артист |
| Да | Хадзенаькъан Ма́хьмад-Гири |
| СовгӀаташи премеши |
ГӀалгӀайчен Халкъа Артист, Россе Федераце театра болхлой юкъарлон доакъашхо |
Ха́занаькъан Ма́хьмад-Гире Муса́ (эрс: Хадзиев Муса Магомет-Гиреевич, 16 ардара 1961, Шолжа-ГӀала) — актёр, режиссёр, ТЮЗа кулгалхо, ГӀалгӀайчен халкъа артист, Россе Федераце театра болхлой юкъарлон доакъашхо, ГӀалгӀай Мехкарча МВД юкъарча совета доакъашхо,РФ СТД Берий театрийи теникий театрийи кабинета доакъашхо[1].
Биографи
Хазанаькъан Муса ваьв 1961-ча шера ардара бетта 16-ча дийнахьа Грозне. Цига яьккхай цо юкъера ишкол а. Из хьалкхийнав цӀихезача артиста Хазанаькъан Махьмад-Гире дезале. Махьмад-Гире ХӀирий АССР Халкъа артист, Станиславски преме лауреат, Россе дукха дика хӀамаш карагӀдийна артист хиннав. Цо болх баьб Х. Нурадилова цӀерагӀа долча драматически театре а Байсаранаькъан И. цӀерагӀа долча драматически театре а[2]. 1981—183 шерашка Муса Чите Советий эскара юкъе бӀул кхоачашдеш хиннав.
Болх
1984—1987 шерашка цо болх баьб Х. Нурадилова цӀерагӀа долча Нохч-ГӀалгӀай паччахьалкхен драмататически театре актёр волаш[3]</ref>[4].
Цо ловзадаьд дукха а́малаш. Из хиннав Ваня-дирижёр («Анчутка» А. Метельников), Тархани гӀазкхеи («Беке къонгаш» Боканаькъан А.), Свистунов («Ревизор» Н. Гоголь), Тимотэ («Ханума» Цагарели), Октав («Плутни Скапена» Мольер), иштта кхыдола а́малаш кхоачашдеш а. Дукхача театрашка дӀавехаш хиннав из, иштта цкъа теникий театре вийхав из, чӀондаргхочун амалт ловзаде «Любовь. Любовь. Любовь» яхача Вершавски спектакле. Цу хана денз цу театре болх беш ва.
1987—1993 шерашка Мусас болх баьб Нохч-ГӀалгӀай теникий театре. 1990-ча шера из деша эттав Волкова цӀерагӀа йолча Ярославерча паччахьалкхен театра институте, «теникий театра актёр» яхача говзалах. ГӀалгӀайче Нохчий мехках дӀакъаьстай цу шерашка, ший паччахьалкхе йолаш, цох къаьстта республика хьахиннай. Цу хана ехай цар гӀалгӀай театра тоаба[3].
Хазанаькъан Мусас шийца балха хиннача новкъосташца къхьийгад ГӀалгӀай теникий театр вӀашагӀдоллаш. 1993-ча шера ГӀалгӀайчен теникий театр юридически лард йолаш болх бе доладеннад. Муса ше балха араваьннав 1994-ча шера. Из театр вӀашагӀдоллаш кертте лаьттачарех ва.
1994—1999 шерашка ГӀалгӀай теникий театр Сипсой-ГӀалий тӀа хиннад (цу хана Станица Орджоникидзевская). 1998-ча шера «ГӀалгӀай паччахьалкхен зӀамигача хьежархочун театр» аьнна цӀи а хийца (ТЮЗ), из Наьсаре дӀадихьад[3].
Хазанаькъан Муса ГӀалгӀайчен Халкъа артист ва.
СовгӀаташ
• ГӀалгӀайчен халкъа артист
• ГӀалгӀай Мехкарча МВД юкъарча совета доакъашхо
• Россе Федераце театра болхлой юкъарчен доакъашхо
Белгалдаккхар
- ↑ Залина Льянова поздравляет с Днем рождения директора ТЮЗа Мусу Хадзиева. magas.bezformata.com (16.10.2023). Хоам хьаийца таьрахь: 2.10.2025.
- ↑ Оздоева Мадина. К 90-летию со дня рождения известного ингушского актера Магомед-Гирея Хадзиева. gazetaingush.ru (18.03.2025). Хоам хьаийца таьрахь: 2.10.2025.
- ↑ 1 2 3 Харсиева Лиля. Муса Хадзиев: «Моя жизнь неразрывно связана с судьбой моего театра». gazetaingush.ru/ (26.12.2019). Хоам хьаийца таьрахь: 2.10.2025.
- ↑ Лилия Харсиева. Жизнь, прожитая в театре. magas.bezformata.com (16.10.2016). Хоам хьаийца таьрахь: 2.10.2025.