Хашенаькъан Абой Аза
| Хашенаькъан Абой Аза | |
|---|---|
| эрс: Хашиева Аза Абуевна | |
 | |
|
| |
 ГӀалгӀай Халкъа Гуллама тхьамадан когаметтаоттар
|
|
| Президент | Келаматанаькъан Макшарипа Махьмуд-Ӏаьла |
|
|
|
| Ваьв |
2 ардара 1972 (53 шу) Шолжа-Пхье СССР, Нохч-ГӀалгӀай АССР, Шолжа шахьар |
| Дешар | ГӀалгӀай паччахьалкхен университет |
| Леладу гӀулакх | политик, филолог |
| БӀорахо хилар |
 СССР →  Россе Федераци |
Хашенаькъан Абочун Аза (эрс: Хашиева Аза Абуевна; 2 ардара 1972, Шолжа шахьар, ГӀалгӀайче е Сипсой-Гала), Нохч-ГӀалгӀай АССР) — ГӀалгӀай Республика Халкъа Гуллама депутат, ГӀалгӀай Республика Халкъа Гуллама тхьамадан когаметтаоттар, Дешарахи, товшхалахи, иштта дина юкъарчешцара бувзамахи йолча комитета тхьамада, ПТРК «ГӀалгӀайче» продюсер, хьалхе дӀакхихьар, хоамбоаржабархо.
Биографи
Хашенаькъан Аза яьй 1972-ча шера ардара бетта 2-ча дийнахьа Нохч-ГӀалгӀай АССР Шолжа шахьаре Сипсой-ГӀалий тӀа.
Дешар
1995-ча шера цо йистеяьккхай Нохч-ГӀалгӀай университета филологически факультета эрсий меттеи литературани отделени. 1999-ча шера ТВ, РВ болхлой говзал лакхъеш йола курсаш яьхай.
Болх
1991—1993 шерашка из болх беш хиннай Сипсой-ГӀалий тӀарча № 1 йолча ишколе. 1993—1994 шерашка № 1 йолча ишколе цо болх баьб эрсий литературани меттеи хьехархой йолаш. Цул тӀехьагӀа балха яхай «ГӀалгӀайче» яхача телерадиокомпане. 1997—2004 шерашка Азас болх баьб телевидене корреспондент йолаш.
2005-ча шера из хьожаяьй ПТРК «ГӀалгӀайче» хоамий программай гӀулакхе волча кулгалхочун когаметтаоттара дарже. 2005—2013 шерашка из хиннай ПТРК «ГӀалгӀайче» корреспондентий тоабан юкъера корреспондент[1].
2013—2021 шерашка ПТРК «ГӀалгӀайче» филиала кхоачашдара продюсера дарже хиннай.
2019—2021 шерашка из ГӀалгӀай Республика Халкъа Гуллама ялхлагӀча тӀахьехама депутат, къаман политиках йолча комитета доакъашхо. 2021-ча шера ардара бетта денз из ГӀалгӀайчен Халкъа Гуллама депутат, ГӀалгӀайчен Халкъа Гуллама тхьамадан когаметтаоттар, Дешарахи, товшхалахи, иштта дина юкъарчешцара бувзамахи йолча комитета тхьамада[2].
Цо лелаяь программаш я: «Криминальный канал», «Из зала суда», «Человек и закон». Иштта хьалхе дӀакхихьай «Республика» яхача передаче. «Ёлка желаний» яха проект кхоллаш, спонсараш хьатӀаозаш, хьалхалаьттар я Аза.
СовгӀаташ
• ГӀалгӀайчен дукха дика хӀамаш карагӀдаьнна товшхала болхло (2004 шу)
• ГӀалгӀай Мехка МВД сийлен грамота (2013 шу)
• ГӀалгӀайчен мехкдаьгара грамота (2019 шу)
• «ГӀалгӀайче Эрсеченца йола 250 шу дузаш», майдилг (2020 шу)
• «ГӀалгӀай мехка 30 шу дузаш» (2022 шу)
• ГӀалгӀайчен мехкдаьгара грамота (2021 шу)
• ГӀалгӀайчен мехкдаьгара грамота (2022 шу)
• ГӀалгӀайчен Халкъа Гуллама сийлен грамота (2021 шу)
Белгалдаккхар
- ↑ Привыкла работать на результат (26.03.2016). Хоам хьаийца таьрахь: 11.09.2025.
- ↑ Хашиева Аза Абуевна. https://ideputat.er.ru/. Хоам хьаийца таьрахь: 11.09.2025.
ТӀатовжамаш
Народное Собрание Республики Ингушетия
 | Укх лустама́ кхыдола РУВИКИ лустамаш тӀатовжаш дац. |