Ховтанаькъан Идриса Башир
| Ховтанаькъан Идриса Башир | |
|---|---|
| Хаутиев Башир Идрисович | |
 | |
| Ваь таьрахь | 22 бекарга 1992 |
| Ваь моттиг | Буро |
| Кхелха ха | 5 бекарга 2023 (30 шу) |
| БӀорахол |
 Россе Федераци |
| Звани | Полице зӀамагӀвола лейтенант |
| СовгӀаташи премеши |
 |
Ховтанаькъан Идриса Башир (эрс: Хаутиев Башир Идрисович, 22 бекарга 1992, Буро — 5 маьтсела 2023) — балха-тӀема декхараш кхоачаш деш, Заьзгакъонгий-Коа контртеррористически операци дӀахьоча хана, кхелха Полице зӀамагӀвола лейтенант, ГӀалгӀай Мехка МВД болхло, МагӀалбикерча Россе МВД МО следователь, участкови. Кхелхачул тӀехьагӀа цунна еннай «Деналах» яха ордени[1].
Биографи
Ховтанаькъан Идриса Башир ваьв Буро тӀа 1992-ча шера бекарга бетта 22-ча дийнахьа. Ховтанаькъан Идриса ялх воӀ хиннав, царна юкъе кхоалагӀа хиннав Башир. Цар дас, Лабзана Идриса, ший дезалашка массанега дийшийтад. Дезал берригаш Ӏаьдала балха ба, бӀул кхоачашдеш. Башира дийшад Наьсарерча шахьарерча № 5 йолча ишколе. 2009-ча шера цо 11 класс яьккхай. Цул тӀехьагӀа деша эттав Эрсечен МВД Краснодарерча университета Нальчикерча филиале. ТӀехьагӀо из университет хийцай Къулбаседа Кавказа МВД болхлой говзал лакхъяра ФГКОУ ВПО «Россе Федераце чурча гӀулакха йолча министерствон Краснодарера университет» (филиал) аьнна. 2013-ча шера из дешаш хиннав Эрсечен МВД Ростоверча юридически институте. Цига цунна еннай «Полице зӀамагӀвола лейтенант» яха цӀи. Цо дика дешарах Та́на́-тӀарча-Ростова юридически университета кулгалхошка даьга, наьнага баркал тӀадолаш хоастама каьхаташ ихад. 2014-ча шера Башира университет йистеяьккхай, дӀахо бӀул кхоачашде из дӀахьожаваьв ГӀалгӀай Мехкарча МВД[2].
Болх
Эггара хьалха цо болх баьб участкови волаш, цул тӀехьагӀа МагӀалбикерча МВД воккхагӀвола участкови волаш. Из тӀахьожаш хинна доазув дар: Аьккхий-Юрт, Заьзгакъонгий-Ков, Керда Редант.
2014-ча шера денз 2018-ча шерага кхаччалца цо болх баьб МагӀалбикерча МО Эрсечен МВД «Малгобекский» следователь волаш. Башира тахкад 74 уголовни гӀулакх, шахьарерча прокуратуре дӀахьожадаьд тахка́, гучадаьха даьнна зуламаш. 2023-ча шера бӀаьстен хана, бекарга бетта 6-ча бийсан Заьзгакъонгий-Юрта МагӀалбика шахьара доазон тӀа контртеррористически операце раж кхайкаяьй. Зуламхошта духьала тӀом беш, шийца хиннача Тулай областарча болхлошца из герз хьадеттача чувахав. Балха-тӀема декхараш кхоачашдеш, Башир кхелхав. Кхелхачул тӀехьагӀа Россе Федераце Президента амарах цунна еннай «Деналах» яха орден[2].
Дагалоацам
Цун цӀерагӀа «Уроки мужества» яха вӀашагӀкхетараш дӀадӀихьад Эрсечен МВД юридически институтеи, Наьсарен № 5 йолча ишколеи[2].
СовгӀаташ
• «Деналах» яха орден (2023)
Белгалдаккхар
- ↑ В МВД по Ингушетии напомнили о награжденном орденом Мужества посмертно Башире Хаутиеве. gazetaingush.ru (10.11.2023). Хоам хьаийца таьрахь: 2.10.2025.
- ↑ 1 2 3 Башир Хаутиев. Сын народа и воин правопорядка, павший, исполняя свой долг. /magas.bezformata.com/ (10.11.2023). Хоам хьаийца таьрахь: 2.10.2025.