ЦӀерметтдош

ЦӀе́рметтдо́ш (да) (эрс:  местоимение) — хӀама, хӀаман белгало е хӀаман массал гойта къамаьла дакъа да. ЦӀерметтдош цӀердешаи, белгалдешаи, таьрахьдешаи метта лел. Масала: Хьехархочо лекци еш. Цо тхона дика хьех. Из тхона дукха веза.

ЦӀерметтдеша разрядаш

• йовхьий (со, хьо, из, вай, тхо, шо, уж);
• тӀадерзара (се, хье, ше, воаш, тхоаш, шоаш);
• тӀаозара (са, хьа, цун, вай, тха, шун, цар);
• тӀаозара — тӀадерзара (сай, хьай, ший, воай, оай, шоай);
• гойтара (ер, еррал, из, иззал, дӀара, дӀарадар, миссел, иштта);
• хаттара (мала, фу, хьан, сен, малагӀа, массалагӀа, мел);
• дацара (цхьаккха, вӀалла, цхьанне а, хӀамма а);
• къоастама (хӀара, деррига, долла, массадола, кхыдола, вож);
• къоастамза (моллагӀа, фуннагӀа, цхьадола, массехк, массайта).

Йовхьий цӀерметтдешаш

I юхь	II юхь	III юхь
со	хьо	из
вай	шо	уж
тхо

Синтаксически гӀулакх

ЦӀерметтдешша предложене чу тайп-тайпара синтаксически гӀулакх леладу, ший формага хьежжа. ЛоӀамза форма дилла́ къоастам санна лел, хӀаьта лоӀаме форма подлежащи, е карардар, е кхоачам, е цӀера оттама сказуеме цӀера дакъа хул.

Белгалдаккхар

Литература

• Гандалоева А.З. ГӀалгӀай мотт. — Назрань : Кеп, 2023. — 328 с.