Чхар

Чхар^[1] (эрс: скала) — ира чукхийтта босенаши саьнаши йола да́рбал (кхера); ира араба́гӀа лоаман кхера, дукхагӀа цох зӀогалаш хьадагӀаш хул. Го́нахь хий долаш латтача чхарех гӀайренаш.

Ӏолистар

Чхараш хьахул Ӏалама мехкалца кӀезиг-кӀезига рельеф хувцаш пхорагӀа йола рельеф урагӀаерзаеш.

Чхарашта я́гӀе́ а лакхехьара баьцовгӀаш (эрс.) (гӀа. хайра́ ягӀаш хилац — ира хилар бахьан долаш цхьалхача баьцовгӀай мара аьттув ба́лац цу тӀа хьатӀахила: дукхагӀа йолча хана тӀаьда Ӏови (эрс.) (гӀа., хинбаьцовгӀеи (эрс.) (гӀа., екъа Ӏови (эрс.) (гӀа..

Чхараш хила йиш я фордах е оакафордах геттара гаьна йолаш а, берд болаш хулаш а, хи тӀа ӀотӀалатташ а, гӀайре а хулаш хилара араягӀаш а, хин тӀехен чура кӀезига аракъедаш а.

Хин тӀехен чура а́ракъедаш йола чхар чхар лархӀа еза е гӀайре лархӀа еза яхара халкъашта юкъерча гӀайнаш къоастадеш хулача къовсамашка хаьдда далил хул, цудухьа терко тӀаозаш хаттар да из.

Чхарашка бӀаргагуш хул цунна кхерий тӀоанаш, цхьан тайпара болча кхера́ тӀехьа кхыбар а боагӀаш.

ГӀалгӀай Мехка

ГӀалгӀай Мехка Ӏочу уралатташ чхараш Эса чӀоже я дукха, уж хьахиннай Эсаца. Уж кхераш бесах а чӀоагӀалах а эргаш да, шоай цӀераш а йолаш. Тархьаре из рельеф оттача хана хиннача процессаш бахьан долаш цхьа тӀоа шоллагӀча тӀа а буллаш хувца а луш хьахиннай уж.

Фотогалерей

Подградски чхараш, Втачник
Ольхон гӀайрен тӀара чхар
Инкал-чхар

Белгалдаккхар

↑ Кодзоев Н. Д. Русско-ингушский словарь / Ред. Р. Р. Хайрова, к. филол. н.; рец. З. Х. Киева, д. филол. н. — Справочно-энциклопедическое издание. — Ростов-на-Дону: Лаки Пак, 2021. — 656 с. — 500 экз. — ISBN 978-5-906785-55-8.

[1] Кодзоев Н. Д. Русско-ингушский словарь / Ред. Р. Р. Хайрова, к. филол. н.; рец. З. Х. Киева, д. филол. н. — Справочно-энциклопедическое издание. — Ростов-на-Дону: Лаки Пак, 2021. — 656 с. — 500 экз. — ISBN 978-5-906785-55-8.

[1]