Алхазов Ювсапа Ризван

Рувики материал
Алхазов Ювсапа Ризван
Алхазов, Ризван Юсупович (cropped).JPG
Ваь таьрахь 28 ардара 1965(1965-10-28) (60 шу)
Ваь моттиг
Паччахьалкхе
Дешар
Званеш Нохчийчен дукха дика хӀамаш карагӀдийна суртанча
ГӀалгӀай Мехка халкъа суртанча

Алхазов Ювсапа Ризван (эрс: Алхазов Ризван Юсупович; 28 ардара 1965, Ишхой-Юрт[d], Нохч-ГӀалгӀай АССР) — нохчий суртанча, Эрсечен суртанчий союза доакъашхо (2001 шу), Нохчий мехка дукха дика хӀамаш карагӀдийна суртанча (2020)[1], ГӀалгӀай Мехка халкъа суртанча, дукхача региональнии, зональнии, ерригроссе а, арахьарча гойтамий доакъашхо, ЧГПУ ИЗО хьехархо.

Биографи

Ризван ваьв 1965-ча шера ардара бетта 28-ча дийнахьа Нохч-ГӀалгӀай АССР Гумсен  (эрс.) (гӀа. шахьара Ишхой-Юрта. 1982-ча шера цо дийша йистеяьккхай Ишхой-Юртара юкъера ишкол[2]. 1984—1986 шерашка из бӀул кхоачашдеш хиннав Советий эскара юкъе.

2018 шера лайчилла бетта Шолжа-Гӏалий тӏа духхьашха А. А. Кадырова цӏерагӏа йолча Сийлен мемориальни комплексе Алхазов Ризвана духхьал ший белхий гойтам хиннаб. Цига гойтаб автора 70 совгӏа болх. Гойтам хьабеллача хана кхетаче баьхка хиннаб товшхала учрежденешкара болхлой, юкъарча организаций викалаш, хьехархой, лакхерча дешарченашкара студенташ, юкъерча ишколашкара дешархой[3].

Дешар

1987—1991 шерашка цо дийшад Иваново химико-технологически техникума исбахьален отделене суртанч-колориста говзалах. 1991-ча шера денз Ризван хьехархочулла болх бе волавеннав Шолжа-ГӀалий тӀарча берий исбахьале  (эрс.) (гӀа.н ишколе. 2000-ча шера из хьожаваьв кулгалхочун дарже Шолжа-ГӀалий тӀарча № 2 йолча берий исбахьален ишколе. Цун дешархой дукхача яхьашка, къовсамашка говзалагахьа дика кийчбаь хилар бахьан долаш, дукхаза котбийннаб. 1996-ча шера денз цох доакъашхо хиннав Нохчийче дӀакхухьача исбахьален гойтамашка.

2002-ча шера цо тӀехдика йистеяьккхай Нохчий паччахьалкхен университета исбахьален-графически отделени, суртдиллара хьехархочун говзал караерзаеш[4].

Кхоллам

2001-ча шера из дӀачуийцав Россе Федераце суртанчий союза юкъе. 2007-ча шера ГӀалгӀайчен мехкдаь Заьзганаькъан Мурада амарах гойтача исбахьален гӀулакхе дакъа лацарах ГӀалгӀай Мехка Халкъа суртанча аьнна сийлен цӀи еннай цунна. 2001-ча шера Россе Федераце Суртанчий союза доакъашхолла чуийцав. 2008-ча шера Эрсечен реалистически дийна сурт дегӀадоаладар бахьан долаш Эрсечен суртанчий союзо диплом даларца белгалваьккхав.

Цхьан юкъа цо болх баьб ЧГПУ хьокхача исбахьалений кафедре хьехархо волаш, доценталла[5]. 2020-ча шера Алхазов Ризвана «Дукха дика хӀамаш карагӀдийна суртанча» яха сийлен цӀи яннай[6].

Дезал

Цун сесаг я Татходжаева Марем. Из суртанча. Нохчийчен суртанчий юкъарлон доакъашхо я[7].

Гойтамаш

  • 1998 — Шолжа-ГӀалий тӀа хинна нохчий къонача суртанчий гойтам;
  • 2001 — Исбахьалений академе дӀабихьа нохчий суртанчий гойтам, Москва;
  • 2002 — «Юг России» яха зональни гойтам, Краснодар;
  • 2005 — Шолжа-ГӀалий тӀа дӀабихьа персональни гойтам, 45 болх;
  • 2005 — Ченкийче Нохчий Республика ди дездеш дӀабихьа нохчий суртанчий гойтам;
  • 2005 — Сийлахь-Боккхача Даьхен тӀем тӀа яьккхача коталон 60 шу дузаш дӀабихьа республика гойтам, Шолжа-ГӀала;
  • 2006 — «Исбахьален доазув» гойтам, Москва;
  • 2006 — «Образ родины» яха ерригросее пейзажа гойтам, Вологда;
  • 2007 — «Мир Кавказу» яха ЮФО суртанчий гойтам, Шолжа-ГӀала;
  • 2008 — ЮФО суртанчий гойтам, Идал-Пхье;
  • 2008 — «Юг России» зональни гойтам, Сочи;
  • 2009 — Россе Федераце паччахьалкхен думе хинна нохчий суртанчий гойтам, Москва;
  • 2010 — Нохчий паччахьалкхен хьехархой института хьехархой-суртанчий гойтам (Дани);
  • 2010 — Париже хинна Эрсечен къаман гойтам;
  • 2011 — республика гойтам, Шолжа-ГӀала;
  • 2012 — Къамашта юкъера гойтам, Киев;
  • 2013 — къамашта юкъера дийнача сурта конкурс, (Лиссабон, ФордгӀалойче)
  • 2014 — автора а цун ӏамей а белхий гойтам А. А. Кадырова цӏерагӏа йолча Паччахьалкхен галерее, Шолжа-Гӏала;
  • 2018 — духхьал ший автора белхий гойтам А. А. Кадырова цӏерагӏа йолча Сийлен мемориальни комплексе, Шолжа-Гӏала (70 совгӏа болх).

Совгӏаташи къоабалвари

  • «ГӀалгӀай Мехка халкъа суртанча» (2007);
  • Эрсенчен суртанчий юкъарлон диплом (2008) — «Эрсечен реалистически живопись дегӏайоалаеш баьча къахьегамах»;
  • «Нохчий Республика дукха дика хӀамаш карагӀдийна суртанча» (2020).

Белгалдаккхар

  1. ↑ Указ Главы Чеченской Республики от 24 марта 2020 года № 58
  2. ↑ Лекция «Творчество Р. Алхазова». https://www.culture.ru/. Хоам хьаийца таьрахь: 8.09.2025.
  3. ↑ В Грозном открылась выставка ингушского художника. checheninfo.ru (19.11.2018). Хоам хьаийца таьрахь: 1.07.2026.
  4. ↑ Как велик и многообразен мир прекрасного! https://vesti095.ru/ (26.06.2014). Хоам хьаийца таьрахь: 8.09.2025.
  5. ↑ Кафедра изобразительного искусства. https://chspu.ru/. Хоам хьаийца таьрахь: 9.09.2025.
  6. ↑ Алхазов Ризван Юсупович. https://ru.nagrady.by/. Хоам хьаийца таьрахь: 9.09.2025.
  7. ↑ В Грозном открылась выставка картин Марем Татходжаевой "Учить и Учиться". https://chechnyatoday.com/ (26.05.2018). Хоам хьаийца таьрахь: 9.09.2025.

Литература

  • Бойцова Т. И. Изобразительное искусство Чеченской Республики / Хабарова М. В.. — Гр.: АО Издательско-полиграфический комплекс «Грозненский рабочий», 2018. — С. 172. — 256 с. — 500 экз. — ISBN 978-5-4314-0326-2.

ТӀатовжамаш

Хьаст — «https://inh.ruwiki.ru/w/index.php?title=Алхазов_Ювсапа_Ризван&oldid=126539674»