Балайнаькъан Мухьмада Руслан
| Балайнаькъан Мухьмада Руслан | |
|---|---|
 | |
| Шийх бола хоам | |
| Паччахьалкхе |
 СССР →  Россе Федераци |
| Специализаци | Еза атлетика |
| Ваь таьрахь | 12 аьтинга 1962 (64 шу) |
| Ваь моттиг | Оалкам, НГӀАССР, СССР |
| Тренераш |
|
| Дозал | 100 кг кхаччалца |
| Спорта звани |
 |
Балайнаькъан Мухьмада Руслан (Балаев Руслан Магомедович; 12 аьтинга 1962, Оалкам, Нохч-ГӀалгӀай АССР) — гӀалгӀай советий штангист ва, иштта бизнесмен, меценат, паччахьалкхен болхло а. Шозза СССР чемпион хиннав, кхозза СССР Кубок яьккха хиннав, Европан Кубок яьккхай, 1986 шера Дикача лоӀама ловзарий чемпион ва, дунен къамашта юкъерча класс йола СССР спорта пхьар а ва.
Биографи
Балайнаькъан Руслан ваьв 1962 шера аьтинга бетта 12-ча дийнахьа Оалкама[1]. Ондарг волаш волавеннав из езача атлетике къахьег. Коазой ИбрахӀим хиннав цун тренер[2]. 1982—1995 шерашка веза атлет хиннав ЦСКА чу[1]. 1984 шера хиннача Аьланпхьен ловзарашка чемпион хила мегаш хиннав Руслан, амма СССРо́ США хиннача цу ловзарашта бойкот яь бахьан долаш цига дакъа лаца аьттув баьннабац Руслана.
Болх
1986-ча шера Москве кхыдола дунен къамашта юкъера яхьараш вӀаштӀехьа даьхад «Дикача лоӀама ловзараш». Цига хьалхара моттиг яьккхай Руслана, америкерча чемпионо айяьчул 60 кг дукхагӀа штанга а айяь[2]. 1991 шера Физикан товшхала тӀема институт яьккхай. Ший спорта карьере иштта шозза СССР чемпион а хиннав, кхозза СССР Кубок а яьккха хиннай, Европан Кубок а яьккхай. 1998—2008 шерашка езача атлетиках тренер хиннав спорта клубе РВСН-127[1].
Балайнаькъан Руслан ахчанца гӀо деш хиннав спортсменашта, Эрсечен гулаяьча командан спонсор а хиннав цхьайолча турнирашка спортсменаша кийчо еча хана. Къаьстта, масала, Эдиев Асламбека а гӀо даь хиннад тренер а спонсор а хулаш. 2000-ча шерий юхьиге Эрсечен чемпионате ше юха да́къа лаьцад[3]. 2008 шера оагӀой бетта 1-ча дийнахьа ГӀалгӀай Республика Мехкдаь амарца Балайнаькъан Руслан оттаваьв ГӀалгӀай Мехка физикан товшхалахи спортахи туризмахи министра дарже[4]. 2010 шу чулоацаш болх баьб цо цига[1].
Дезал
Саг йоалаяь ва. Руслана къонгаш: Муслим а Амир а, шаккхе езача атлетике болхговзал йолаш спортсменаш хиннаб. Руслана веший воӀ а Балайнаькъан Хас-Мухьмад иштта везаатлет ва, Эрсечен чемпионата а Эрсечен Кубок яккхаре а яхьарат даьккхар ва[5].
Дагалоацам
2014 шера хинна Аьланпхье ловзарашта хьалха йоагӀа мероприяти Аьланхье цӀи дӀаяхьар вӀаштӀехьадаьккхар ГӀалгӀай Мехка а, къаьстта, Магасе. Из аьланпхье цӀи йоагаш ба́га дӀабахьа сий деш тӀадиллачарна юкъе хилар Балайнаькъан Руслан а[6].
Белгалдаккхар
- ↑ 1 2 3 4 Патиев, 2023, оа. 76.
- ↑ 1 2 М. Ялхороева. Легенде ингушского спорта — 65 лет / Сердало, № 79 (1198), 22.07.2004.
- ↑ Мовлади Абдулаев. Балаев Руслан. WSPRT-SHATOY (15.09.2004). Хоам хьаийца таьрахь: 18.09.2025.
- ↑ Глава Ингушетии произвел ряд назначений в правительстве (1.12.2008). Хоам хьаийца таьрахь: 18.09.2025.
- ↑ Мовлади Абдулаев. Серебро Кубка России у Рамзана Джанхотова. Энциклопедия чеченского спорта (10.02.2022). Хоам хьаийца таьрахь: 18.09.2025.
- ↑ «Зажжение Олимпийского огня на «Башне согласия» станет доброй вестью из Ингушетии для всех народов России» (27.01.2014). Хоам хьаийца таьрахь: 18.09.2025.
Литература
- Ингушетия: популярная иллюстрированная энциклопедия / Сост. Я. С. Патиев; науч. ред. М. Г. Цароева, Т. Х. Матиев. — Магас : Сердало, 2023. — 816 с. — ISBN 978-594452-185-9.