БӀархой Ӏабдулхьамида Бекхан

БӀархой Ӏабдулхьамида Бекхан
БӀархой Ӏабдулхьамида Бекхан
ГӀалгӀай Мехкагара вола Россе Федерацен Федеральни Гуллама VIII созыва Паччахьалкхен Думай депутат Россе Федераци
	12.10.2021 денз
Доалчен тхьамада	Михаил Мишустин
Президент	Владимир Путин
Ваьв	1 маьцхали 1973 (51 шу); Наьсаре, Нохч-ГӀалгӀай АССР, Россе Советий Федеративни Социалистически Республика, СССР;
Парти	ЦаӀ йола Эрсече
Дешар	Нохчий паччахьалкхен университет
Леладу гӀулакх	предприниматель; политикахо
	РУВИКИ.Медиа чура файлаш

БӀархой Ӏабдулхьамида Бекхан (эрс: Бекха́н Абдулхами́дович Барахо́ев; ваьв маьцхали бетта 1-ча дийнахьа 1973 шера, Наьсаре) — россе политика къахьегамхо, предприниматель, «ЦаӀ йолча Эрсеченгара» VIII созыва Паччахьалкхен Думе хержа вола депутат ва (2021 шера денз). Паччахьалкхен думай къерамзленах а коррупценна духьал дерах а йолча комитета доакъашхо.

Биографи

БӀархой Бекхан ваьв 1973 шера маьцхали бетта 1-ча дийнахьа Наьсаре. Кхо вошеи йиъ йишеи хиннаб цун. Цар да́ Наьсарерча райпо болх беш хиннав, нана ше мел яха цӀагӀа хиннай дезалага хьожаш^[1]. Наьсарен № 2 йола ишкол яьккхай Бекхана. 1989 шера Нохч-ГӀалгӀай паччахьалкхен университете деша эттав экономикан факультете (специальность — «бухгалтерский учёт, контроль и анализ хозяйственной деятельности в сельском хозяйстве»). 1994 шера йистеяьккхай цо из^[1]. Наьсарерча маькх еча заводе болх баьб.

2000 шера тушол бетта денз Бекхан экономика хаттарех гӀонча-хьехамча хиннав ГӀалгӀай Мехка хьалхарча Мехкдаь Овшанаькъан Руслана. 2001 шера «Действительный государственный советник Республики Ингушетия» яха квалификацен разряд яьккхай. ТӀехьагӀа болх баьб СНГ правительствай даьй советаца йолча тӀемхой-интернационалистий гӀулакхех йолча комитета тхьамада гӀонча волаш. 2004—2011 шерашка — Эрсечен Паччахьалкхен думай депутат Валерий Востротина гӀонча хиннав, 2011—2016 шерашка — депутат Иосиф Кобзон гӀонча хиннав. 2021 шерага кхаччалца ЗАО «Вера-Олимп» (Russ Outdoor яхачунна кӀал йола компани) вице-президента дарже хиннав^[1].

2021 шера тов бетта 19-ча дийнахьа VIII созыва Паччахьалкхен думай депутаталла хержав «ЦаӀ йолча Эрсечен» федеральни листама юкъе^[1]. Кхерамзленах а коррупценна духьал дерах а йолча комитета́ юкъевахав.

2022 шера денз тайп-тайпарча паччахьалкхенаша увттаяьча персональни дунен къамашта юкъерча санкцешта кӀал ва: Европан союза массе а мехкай (саькура бетта 23-ча дийнахьа денз), Канадай (саькура бетта 24-ча дийнахьа денз)^[2], Шувцарехьен (саькура бетта 25-ча дийнахьа денз)^[3], Астрален (саькура бетта 26-ча дийнахьа денз)^[3], Йоккхача Британен (тушола бетта 11-ча дийнахьа денз)^[3], США (тушола бетта 24-ча дийнахьа денз)^[3], Японен (бекарга бетта 12-ча дийнахьа денз)^[3], Кердача Зеланден (маьтсела бетта 3-ча дийнахьа денз)^[3], Украинай (тов бетта 7-ча дийнахьа денз^[3]).

Дезал

БӀархой Бекхан саг йоалаяь ва, ялх бер кхедеш ва^[4].

Белгалдаккхар

↑ ¹ ² ³ Барахоев Бекхан Абдулхамидович
↑ Canada Gazette, Part 2, Volume 156, Number 6: Regulations Amending the Special Economic Measures (Russia) Regulations
↑ ¹ ² ³ ⁴ ⁵ ⁶ ⁷ БАРАХОЕВ Бекхан Абдулхамидович (неопр.). Хоам хьаийца таьрахь: 28.12.2022. Архиваци яьй 26.11.2022.
↑ Возможный кандидат в депутаты Госдумы

ТӀатовжамаш

Профиль (эрс.). duma.gov.ru. Государственная Дума. Хоам хьаийца таьрахь: 10.10.2021. Архиваци яьй 19.10.2021.

[тасс-1] ¹ ² ³ Барахоев Бекхан Абдулхамидович

[2] Canada Gazette, Part 2, Volume 156, Number 6: Regulations Amending the Special Economic Measures (Russia) Regulations

[sanctions-3] ¹ ² ³ ⁴ ⁵ ⁶ ⁷ БАРАХОЕВ Бекхан Абдулхамидович (неопр.). Хоам хьаийца таьрахь: 28.12.2022. Архиваци яьй 26.11.2022.

[4] Возможный кандидат в депутаты Госдумы

[1]

[2]

[3]

[4]