ГӀалгӀай Республика Доалче

ГӀалгӀай Мехка Доалче
сокращённо — ГӀалгӀайчен Доалче
гӀа: ГӀалгӀай Республика Доалче
Общая информация
Страна	Россе Федераци
Субъект	ГӀалгӀайче
Дата создания	1993-ча бекарга бетта 8-ча дийнахьа
Руководство
Вышестоящее ведомство	ГӀалгӀайчен мехкда
Тхьамада	Владимир Владимирович Сластенин
Устройство
Штаб-квартира	Магас, Заьзганаькъан Идриса цӀерагӀа проспект, 12
Сайт	pravitelstvori.ru

ГӀалгӀай Республика Доалче (эрс: Правительство Республики Ингушетия)— ГӀалгӀайчен паччахьалкхен лакхехьара кхоачашдара маьже. Доалчен тхьамада хорж ГӀалгӀайчен мехкдас ГӀалгӀай Мехка Халкъа Гулламца бартбарца. ГӀалгӀай Республика Доалче латт тхьамадахи, цун когаметтаоттарехи, мехкдас хьожабаь болча ГӀалгӀай Мехка министрехи.

Тархьар

1993-ча шера саькура бетта 28-ча дийнахь дӀадихьад ГӀалгӀай Мехка Президента хоржамаш, цу хоржамашка хержав инарал-майор Овшанаькъан Султана Руслан. 99,94 процент наха кхаж тассарца Овшанаькъан Русланах ГӀалгӀай Мехка хьалхара Президент хиннав.

Тушола бетта 7-ча дийнахьа, ший инаугурацех, ГӀалгӀайчен президента амар даьд «ГӀалгӀайчен еррига кхоачашдара маьженаш ГӀалгӀай Мехка Президент харжарца ший юрисдикцех яхарах». Республика кхоачашдара маьженаш отта йолаеннай. Тушола бетта 24-ча дийнахьа ГӀалгӀай Республика Президента амарца Татенаькъан Мажита Руслан хьожаваьв ГӀалгӀай республика министрий гуллама тхьамадалла. Тушола бетта 15-ча дийнахьа Республика МВД вӀашагӀйолларах ГӀалгӀай Мехка Президента амар даьккхад. Республика чухьарча гӀулакха министра дарже хержав Овшанаькъан Султана Адам, цо цу дарже болх баьб 1993-ча шера бекарга бетта 5-ча денга кхаччалца. Кердача министра дарже хьатӀавенав полковник Овшанаькъан Мухьмада Башир (1942-2009).

Доалчен гӀишло Заьзганаькъан Идриса проспекта тӀа йоалл.

ГӀалгӀай Мехка Доалчен тхьамадаш

1. Татенаькъан Мажита Руслан (Тушола бетта 24 — кӀимарса 5 1993)
2. Дидиганаькъан Мурада Темарлан (к1имарса 5 ди 1993 — тушола бетта ди 21 1994)
3. Дидиганаькъан Илеза Мухарбик (тушола бетта 21 ди 1994  — оагӀой бетта 9 ди 1996)
4. Хамченаькъан Бахьаудина Белан (оагӀой бетта 10 ди 1996 — маьцхали бетта 3 ди 1998)
5. Дарсанаькъан Заьудина Мухьмад-Башир ( маьцхали бетта 3 ди 1998 — лайчилла бетта 24 ди 1999)
6. Малсаганаькъан Ӏийсай Ахьмад (лайчилла бетта 24 ди 1999 — аьтинга бетта 4 ди 2002)
7. Алексенцев Виктор Андреевич (маьцхали бетта 26 ди 2002 — аьтинга бетта 3 ди 2003)
8. Могушканаькъан Ахьмада Тимур (аьтинга бетта 3 ди 2003 — аьтинга бетта 30 ди 2005)
9. Мальсаганаькъан Солса ИбрахӀим (аьтинга бетта 30 ди 2005 — тушола бетта 13 ди 2008)
10. Дзейтанаькъан Мухьмада ХӀарон (тушола бетта 14 ди  — лайчилла бетта 12 ди 2008)
11. Гайсананаькъан Яхььяьй Рашид (лайчилла бетта 12 ди 2008 — ардара бетта 5 ди 2009)
12. Мальсаганаькъан Мухьмада Абубакар (тов бетта 19 ди 2013 — лайчилла бетта 18 ди 2016)
13. Гаьганаькъан Мухьмада Руслан (лайчилла бетта 18 ди 2016 — тов бетта 9 ди 2018)
14. Йовлой Султан-Хьамида Заьлмах (тов бетта 9 ди 2018 — тов бетта 8 ди 2019)
15. Суриков Константин Юрьевич (тов бетта 9 ди 2019 — наджгоанцхой бетта 27 ди 2020)
16. Сластенин Владимир Владимирович (декхараш кхоачашдер) наджгоанцхой бетта 27 ди — тушола бетта 26 ди 2020; тушола бетта 26-ча дийнахьа денз 2020)

Белгалдаккхар

ТӀатовжамаш

• Информационно-правовая система «Гарант». Конституция Республики Ингушетии  (эрс.). Хоам хьаийца таьрахь: 14.01.2017. Архиваци яьй 2.03.2016.
• Якуб Патиев. Первое Правительство Республики Ингушетия // Газета «Сердало». — 2016. — 9 апреля (№ 051—052 (11586-587)).