Гӏалгӏайчен къаман библиотека
| Гӏалгӏайчен къаман библиотека | |
|---|---|
| Янданаькъан Х. Ж. цӀерагӀа йола ГӀалгӀай Республика Къаман библиотек | |
 | |
| 43°18′53″ с. ш. 45°02′59″ в. д.GЯO | |
| Мохк | |
| Адрес | Россия, Ингушетия, Сунженский район, г. Сунжа, ул. Луначарского, д. 106 |
| Йиллай | 1993 |
| МазаоагӀув | nbri.ru (эрс.) |
 |
|
Янданаькъан Х. Дж. цӀерагӀа йола Гӏалгӏайчен къаман библиотека (эрс: Национальная библиотека Республики Ингушетия имени Дж. Х. Яндиева) — 1993-ча шера Ӏойилла йола Шолжа-Пхьера Россе библиотека.
Тархьар
1993-ча шера бекарга бетта 6-ча дийнахьа соцам баьб библиотека Ӏойилла аьнна. Цун хьалхара цӀи хиннай республикан библиотека яхаш. 1994-ча шера маьцхала бетта 6-ча дийнахьа библиотекан доалахьа дӀаеннай кинотеатра гӀишло[1].
1995-ча шера ардара бетта дешархошта хьайийлай библиотека. Кулгалхочулла эттай дукха дика хӀамаш карагӀдийна товшхала болхло ГӀазданаькъан ӀабдуллоахӀа Радима. 1997-ча шера ГӀалгӀай Мехка даьккхача законах библиотеко дӀаийцад хиланза даргдоаца каьхаташ. 1999-ча шера кӀимарса бетта 13-ча дийнахьа библиотеках къаман библиотека аьнна цӀи тиллай[1].
1997-ча шера денз библиотеке дӀакхухьаш да мехка библиотекан гӀулакхацара тохкамаш. 1998-ча шера денз болх беш да «ГӀалгӀайчен зарбан тархьар» яха библиографически гойтарги «ГӀалгӀай мохк. Таьрахьаши хиннараши» яха зарбанчен проекти[2].
2002-ча шера вӀашагӀъеллай библиотекан юкъарло. 2004-ча шера гӀишло эргаяьккхачул тӀехьагӀа шозлагӀа хьайийлай. 2005-ча шера цу чу хьайийлай бокъон хоамий центр, 2007-ча шера — цифровой технологен центр[2].
Белгалонаш
Библиотекан фонда́ юкъе да 150 эзар документи 230 хиллал периодически издании. Фонда юкъе да 1995-ча шера 2001-ча шера Товшхала министервос денна дола 5 эзар Ӏоахаранаькъан ГӀойберда Нурдин коллекцех кинишкаши, 2005-ча шера хьауийца дола Байсаранаькъан Муртаза Мурада коллекцех 321 экземпляри[2].
Библиотекан ший электронни базеи электронии каталоги да[1].
Библиотеке болх беш я зарбанчен отдел, цо арахец мехках дола зарбанчен проекташ. Арахийцад 200 проект[2].
ГӀалгӀайчен къаман библиотека фонде 2022-ча шера наджгоанцхой бетта 1-ча денга хьежача чуйоагӀа 161 514 экземпляр, пайда эцараш 37 254 саг ва. Библиотека фонда чуйоагӀа архивни краеведчески коллекцеш, ГӀалгӀай Республикан Ӏилманхой диссертаций гулламаш. Фонда иштта я справочно-библиографически аппарат. Библиотека электронни базе гаьнара а локальни а доступе да 15 243 документ, йийлача доступе 1 566 документ да. Электронни база ший доалахьа 349 000 запись я, царех интернета чу доступ йолаш я 335 000 запись[3].
ГӀалгӀай къаман библиотека информационно-библиотечни гӀулакх дар чакхдоал иштта гаьнарча доступе библиотека сайта чу. Цу тӀа гойташ я электронни каталог, библиографически гӀулакх, иштта гойташ ба шоай доалахьара библиографически дарий гуллам, виртуальни книжни выставкаш[3].
Белгалдаккхар
- ↑ 1 2 3 Лилия Харсиева. 6 апреля 1993 года была документально создана Национальная библиотека Ингушетии. Ингушетия (6.04.2022).
- ↑ 1 2 3 4 Хроника библиотеки. Национальная библиотека Ингушетии.
- ↑ 1 2 Национальная библиотека Республики Ингушетия им. Дж. Х. Яндиева. Культура.РФ.
ТӀатовжамаш
- Харсиева Л. Юбилейная дата: К 30-летнему юбилею Национальной библиотеки Республики Ингушетия имени Дж. Х. Яндиева // Ингушетия / Гл. ред. Р. Хамхоев. — 2023. — 7 бекарга.
- nbri.ru (эрс.) — Национальной библиотеки Ингушетии керттера мазаоагӀув