Гӏалгӏай къаман дувхара музей

Гӏалгӏай къаман дувхара музей
Гӏалгӏай къаман дувхара музей
Йилла таьрахь	27.04.2025
Основатель	«Истинг»
Адрес	Россе Федераци, ГӀалгӀайче, Магас

Гӏалгӏай къаман дувхара музей (эрс: Музей ингушского национального костюма) — 2025-ча шера «Истинг» яхача фертах кӀувсаш деча Ассоциацена юкъейоагӀача «Фаьра» (эрс: Фяра) яхача организаце проектах суртанчаша, дизайнераша, модельераша Беканаькъан Зинели, Совтанаькъан Аьсетеи, Беканаькъан Розаси хьайийла гӀалгӀай къаман дувхара музей. Музей хьайийлай Магасе Бизнес-Инкубатор яхача товшхала гӀишлон чу.

Тархьар

2025-ча шера бекарга бетта 27-ча дийнахьа Магасе хьайийлай ГӀалгӀай къаман дувхара музей. Цу чу хьокха оттаяьй этнически дувхара коллекци «Боадонгара», иштта дукха гӀалгӀай товшхалах дола ахеологе гойтамаши артефакташи.

Музей хьайийлай «Истинг» яхача фертах кӀувсаш деча Ассоциацена юкъейоагӀача «Фяра» (эрс: Фяра) яхача организаце проектах суртанчаш, дизайнераш, модельераш Беканаькъан Зинели, Совтанаькъан Аьсети, Беканаькъан Розаи оарцагӀбовларца. Музей я Бизнес-инкубатор яхача гӀишлон чу.

Совтанаькъан Аьсетеи Беканаькъан Зинелеи кхоллама бувзам болабаьб 2022-ча шера. Лоацача юкъа цар аьттув баьннаб дукха къаман барзкъа тега, Эрсече а, Эрсечен доазонал арахьа а хьокхамашка дакъа лаца. 2023-ча шера Москве хиннача «Этно-эрато» яхача къамашта юкъерча конкурсе «Лучший этнический костюм» яхача даькъе толам баьккхаб цар^[1].

Авторех

Беканаькъан Зинель Шолжа-ГӀалий тӀа деша яьгӀай ма́ха боаккхача училище. Цига деша ягӀача хана, Ӏомаеннай из дийна сурташ дехк. А. Н. Косыгина цӀерагӀа йола РГУ дийшад исбахьален факультете «дизайн и моделирование костюма» яха дакъа хержа 1988—1993 шерашка. Университете практиках йолча хана дика дешархо лаьрхӀа из хьожаяь хиннай Ингалсий мехка Святой Мартина колледже стажировках. «Дизайн и креативное видение костюма» яха дакъа чӀоагӀдеш из Ӏомалуш хиннай Вахитова Гульнарайгара.

Совтанаькъан Аьсет а я махабаккхара говзал шаьръяь. 2002-ча шера Аьсета йистеяьккхай Алматера технологе университет «дизайн костюма» говзалах. «Fyara» яхача арт-студе кружока кулгалхо я из, цо вӀашагӀтехай керта гӀирсах а вешта барзкъах а латта коллекци, цунна юкъера барзкъаш ГӀалгӀай лоам Цхьоре Ӏимар чу гулдаьча артефакта элементаш тӀагӀолла хьадаь да. Коллекци хьекха хиннай «Возрождение: эпос в современном прочтении» яхача къамашта юкъерча фестивала юкъе дӀайихьача III-гӀа Этно-fashion фестиваль йолча халкъа кхолламеи декоративно-прикладной исбахьалени «Стиль жизни — культурный код» яхача фестивале^[2]^[3].

Белгалдаккхар

↑ В Магасе открылся музей национального костюма (эрс.). https://dzurdzuki.com/ (28.04.2025). Хоам хьаийца таьрахь: 20.08.2025.
↑ Хамхоева Р. Зинель Бекова: «Жить в творчестве – это значит постоянно учиться и создавать новое» (неопр.). https://museumizori.ru/. Хоам хьаийца таьрахь: 21.08.2025.
↑ Булах А. Ася Саутиева: «Возрождая курхарсы, мы возрождаем прошлое ингушей» (неопр.). https://museumizori.ru/. Хоам хьаийца таьрахь: 21.08.2025.

[1] В Магасе открылся музей национального костюма (эрс.). https://dzurdzuki.com/ (28.04.2025). Хоам хьаийца таьрахь: 20.08.2025.

[2] Хамхоева Р. Зинель Бекова: «Жить в творчестве – это значит постоянно учиться и создавать новое» (неопр.). https://museumizori.ru/. Хоам хьаийца таьрахь: 21.08.2025.

[3] Булах А. Ася Саутиева: «Возрождая курхарсы, мы возрождаем прошлое ингушей» (неопр.). https://museumizori.ru/. Хоам хьаийца таьрахь: 21.08.2025.

[1]

[2]

[3]