ЗӀоакаш

ЗӀоакаш
Компоненташ
Керттера	хьоар, фуаш,шекар, даьтта
РУВИКИ.Медиа чура файлаш

ЗӀоакаш (я) — гӀалгӀай хьоарах даь мерза даар. Цу тайпарча мерзача даарах эрсаша «хворост» оал.

Кийчъяр

Керттера кхоачам ба хьоари фуаши, даьттеи, шуреи, шекари, тӀоаи. Иштта кӀеззиг-дукха тух тох, чам хургболаш. ЗӀоакашта дӀаболла бо́д шин тайпара хул — чӀоагӀа хьокхабаь а, коача кийчбаь а. ЧӀоагӀа хьокхабаь, дӀабелла бод, 20 минота лоаттабу, цул тӀехьагӀа диткъа чӀаьпилг деш, истола тӀа корчабу. Урсаца доакъош доах. Кийчча зӀоакаш кхехкача даьтталла кхорз, кхерза яьлча, каьхата тӀа дӀанийсъю, сов дола даьтта каьхато чудуаргдолаш. ШоллагӀча наькъах коача дӀаболл бод, шурийла хьоар кегадийя. Коача бод Ӏочуботт кхехкача даьтталла. ЗӀоакаш хьахул тайп-тайпарча кепех.

Кийча йолча зӀоакашта ӀотӀахьоарц е шекара дом, е кишмишк, е бӀараш.

ЗӀоакаши, мерза дуги, хьовлеи

Тара дола мерза даараш

Ма́жарче

Ма́жарой мехка csöröge кийчъю фуахи, шекарахи, хьоарахи. Цул совгӀа царех тох тух а, коньяк а, цамцдоахарг а. Уж дикка кхарзий хул. Кийчъю къаьстта хьоалчагӀашка.

Итали

Итале cenci е chiacchiere карнавалах дуа хьоарах даь мерза даар да. Тайп-тайпара цӀераш йоах царех: Румеи Лациои frappe; Эмили-Романье sfrappole; Генуе bugie; Венеце, къаьстта Триестино galani е crostoli. Цхьайолча моттигашка йистеяьннача зӀоакашта моажаяргах яьккха мутт ӀотӀайохийт, чам хургболаш.

Полхехье

Карнавалий хана, Кераста мархаш хьатӀадоагӀаш, Полхехье кийчъе болалу фаворкаш. Фаворкаш яха цӀи хьахиннай фаьренгий faveurs — «оаса, бант» яхача дешах, цар кепага хьажача, уж таралест юкъерча бӀаьшерий кхалнаьха гӀирсах.

Хьажа иштта

• Вергуны
• Тейглах

Белгалдаккхар

Литература

• Ляховская Л.П. Хворост // Секреты домашнего кондитера. — М.: Экономика, 1993. — С. 299—304. — 367 с.
• Похлёбкин, Вильям Васильевич. Хворост // Кулинарный словарь / Н. Петухова. — М.: Э, 2015. — С. 383—384. — 456 с. — 4000 экз. — ISBN 978-5-699-75127-3.