Келматанаькъан Макшарипа Махьмуд-Ӏаьла
| Келматанаькъан Макшарипа Махьмуд-Ӏаьла | |
|---|---|
_cropped.jpg) | |
|
| |
| 2019, тов бетта 8 | |
| Президент | Владимир Путин |
| Хьалхахиннар | Евкуранаькъан Юнус-Бек |
|
|
|
| Ваьв |
9 бекарга 1959 (66 шу) СССР, Казахий ССР, Алма-Атай область, Каскеленски шахьар, Чемолган |
| Парти |
КПСС Юкъара цхьа Эрсече |
| Дешар | Куйбышевера паччахьалкхен университет |
| Болхговзал | юрист |
| Леладу гӀулакх | политик |
| Динца юкъ-моттиг | сунний бусалба |
| СовгӀаташ |
  |
| МазаоагӀув | ГӀалгӀай Республика Мехкдаь мазаоагӀув |
| БӀул | |
| БӀул даь шераш | 1990—2007 |
| БӀорахо хилар |
 СССР →  Россе Федераци |
| БӀун тайпа |
 Россе Федерацен Прокуратура |
| Звани |
 |
 РУВИКИ.Медиа чура файлаш | |
Келматанаькъан Макшарипа Махьмуд-Ӏаьла[1][2] (эрс: Калиматов Махмуд-Али Макшарипович) — Эрсечен политик, юрист. 2019 шера тов бетта 8 дийнахьа денз ГӀалгӀай Республика Мехкда (ГӀалгӀай Республика Мехкдаь декхараш ха йилла кхоачашдеш хиннав 2019 шера аьтинга бетта 26 дийнахьа денз тов бетта 8 денга кхаччалца)[3].
Биографи
Келматанаькъан Махьмуд-Ӏаьла ваьв 1959 шера бекарга бетта 9-гӀча дийнахьа, Казахий ССР Алма-Атай областа Каскеленски шахьара Чемолган яхача юрта.
1977 шера бекарга бетт денз 1979 шерага кхаччалца Махьмуд-Ӏаьла бӀул деш хиннав Немцехьерча советий бӀений тоабанна юкъе волаш[4].
1989 шера Махьмуд-Ӏаьлас Куйбышевера (хӀанзара цӀи — Самарера) паччахаьлкхен университета юристий факультет яьккхай, Куйбышева (таханара — Самарай) ВЛКСМ РК а, КПСС РК а болх беш хиннав.
1990 шера денз Самарай областа прокуратуран маьженашка болх баьб, шахьарарча прокуратурай следователа даржа тӀара дӀавола а венна. 1990—1992 шерашка Самара пхье Кировски шахьара прокуратура чу стажёр а, следователь а, воккхагӀа вола следователь а волаш, тӀаккха Самарски областа прокуратурай следственни даькъан следователь а волаш болх баьб. 1992—1998 шерашка Самарски областа прокуратурай юкъарча тӀахьожама отдела прокурор а, Кировски шахьара прокурора когаметтаоттар а, тӀаккха ше прокурор а хиннав[4].
1997—2003 шерашка Келматанаькъан Махьмуд-Ӏаьла Самара пхье прокурор хиннав. 2003 шера наджгоанцхой беттагара 2004 шера маьцхали беттага кхаччалца Самарай областа прокурора хьалхара когаметтаоттар хиннав. 2004 шера маьцхали бетта Россе Федерацен генеральни прокурора амарца оттаваьв ГӀалгӀайчен прокурора дарже. 2007 шера Самарай областа губернатора контрольни департамента керте оттаваьв[4]. 2012 шера денз Самарай областа губернатора хьехамча волаш болх баьб[4].
2015 шера оагӀой бетта РФ Ӏалама ресурсийи экологени министра амарца Махьмуд-Ӏаьла Самарай областе гӀолла йолча Ӏаламлеладара сфере тӀахьожамах Федеральни гӀулакха Урхален (Росприроднадзора Урхален) кулгалхочун дарже оттаваьв[5].
ГӀалгӀай Республика Мехкда
2019 шера аьтинга бетта 26-ча дийнахьа Евкуранаькъан Ювназ-Бек ханал хьалха ГӀалгӀайчен Мехкдаь даржах ваьккхачул тӀехьагӀа Россе Федерацен президент Владимир Путинс Келматанаькъан Махьмуд-Ӏаьла оттаваьв ГӀалгӀайчен Мехкдаь декхараш цхьан ха-юкъа кхоачашде[6].
8 сентября 2019 года ГӀалгӀай Республика Халкъа Гулламе Путинс ГӀалгӀайчен Мехкдалла хьахержача кхаь кандидата́ кхаж тассар хилар: Келматанаькъан Махьмуд-Ӏаьлеи, Йовлой Урусхани, Зурабанаькъан Мухьмади. 31 депутата кхаж тессаб, царех 27 — Махьмуд-Ӏаьлийна. Кхаж тассара хоадамах 5 шера́ ГӀалгӀайчен Мехкдаь декхараш дӀатӀадахкар цунна[7].
Классни чин
- Россе Федерацен 2 класса паччахьалкхен хьехамча
- Юстицен 3 класса паччахьалкхен хьехамча (30.07.2007)[8].
СовгӀаташ
- Россе Федерацен дукха дика хӀамаш карагӀдийна юрист
- Накъа тӀа долла хьарак «Почётный работник прокуратуры Российской Федерации».
Дезал
Келматанаькъан Махьмуд-Ӏаьла саг йоалаяь ва, ши воӀ кхеву. Келматанаькъан Кокурхой тайпах ба[5].
Воша — Келматанаькъан Алихан (1969—2007) — подполковник, Россе Федерацен Турпал, 2007 шера вийнав.
Воша — Келматанаькъан Мухьмад-Башир (ваьв 23.02.1958) — Эрсечен Пошта ГӀинбухен Кавказа макрорегиона хьехамча[9], ранее — директор Управления федеральной почтовой связи РФ по республике Ингушетия[10]. 24 мая 2024 года Москверча Мещански шахьара кхело арест яьй Мухьмад-Башира. РФ Пенсионни фондагара ОПГ юкъе волаш 2 млрд гаргга ахча лочкъадаьлга бехке ву из[11].
Белгалдаккхар
- ↑ Султыганаькъан Йоакъап. «Келматанаькъан Махьмуд-Ӏаьлас ГӀалгӀайчен студенташ даькъалбийцар къоналла, хьаькъала цӀайца» // Сердало : газет. — 2022. — 25 наджгоанцхой.
- ↑ ГӀалгӀай мехка парламента мазаоагӀув https://www.parlamentri.ru/index.php/khoamash/5118-g1alg1aj-respublika-khalk-a-gullama-deputatasha-dak-a-latsar-vaj-mokhk-rossekh-d1akkhijtta-250-shu-dizara-ts1aj-dezdecha
- ↑ Калиматов назначен врио главы Ингушетии // Кавказский узел
- ↑ 1 2 3 4 Глава Росприроднадзора по Самарской области назначен врио главы Ингушетии. Хоам хьаийца таьрахь: 9.08.2019. Архиваци яьй 9.08.2019.
- ↑ 1 2 Из экологов — в варяги: почему Ингушетию возглавил Махмуд-Али Калиматов. Хоам хьаийца таьрахь: 28.06.2019. Архиваци яьй 9.04.2020.
- ↑ Указ Президента Российской Федерации от 26.06.2019 № 298 «О досрочном прекращении полномочий Главы Республики Ингушетия». Хоам хьаийца таьрахь: 25.10.2019. Архиваци яьй 25.10.2019.
- ↑ Народное собрание Ингушетии избрало Калиматова главой республики. Хоам хьаийца таьрахь: 8.09.2019. Архиваци яьй 30.10.2020.
- ↑ Указ Президента Российской Федерации от 30.07.2005 г. № 884 «О присвоении классных чинов работникам органов прокуратуры Российской Федерации»
- ↑ Назначен новый руководитель Ингушского филиала Почты России
- ↑ Магомед-Башир Калиматов. Связующее звено. Хоам хьаийца таьрахь: 27.10.2019. Архиваци яьй 14.07.2019.
- ↑ Полина Химшиашвили, Дмитрий Серков. Московский суд арестовал брата главы Ингушетии. РБК (24.05.2024). Хоам хьаийца таьрахь: 24.05.2024.