Коазой Исроапала Ӏашат
| Коазой Исроапала Ӏашат | |
|---|---|
 | |
| Ваь таьрахь | 15 наджгоанцхой 1966 (59 шу) |
| Ваь моттиг | ГӀалме шахьар |
| БӀорахол |
 СССР →  Россе Федераци |
| Леладу гӀулакх | оазархо |
Коазой Исроапала Ӏашат (эрс: Кодзоева Ашат Исропиловна) — оазархо, 2015-ча шера денз ГӀалгӀай йоазонхой юкъарлон доакъашхо, Гӏалгӏайчен къаман библиотека болхло.
Биографи
Коазой Ӏашат яьй 1966-ча шера тов бетта 29-ча дийнахьа ГӀалме шахьаре Онгушта. 2010-ча шера цо дийша йистеяьккхай ГӀалгӀай паччахьалкхен университет. 2009-ча шера денз 2012-ча шерага кхаччалца из болх беш хиннай «Знамя труда» яхача газета редакце корреспондент йолаш. 2012-ча шера денз Ӏашат болх беш я Янданаькъан Дж. цӀерагӀа йолча ГӀалгӀай къаман библиотеке. Цу чу цо хьайийла къахьегаш «Маьт-лоам» яха литературни тоаба. 2015-ча шера из юкъеяхай ГӀалгӀай йоазонхой юкъарлонна[1].
Кхоллам
Бера хана денз яздеш я Коазой Ӏашат. Цун байташ кепаетташ арайийнай «Литературни ГӀалгӀайче» яхача журнала тӀа, иштта уж юкъеяхай «Ираз хилда хьа, ГӀалгӀайче», «Дом, в котором живет книга», «День нашей доблести и славы», «Черная Среда» яхача гулламашта. 2017-ча шера арадаьннача «Современная литература народов России. Поэзия» яхача антологена юкъеяхай цун эрсий меттала таржам даь байташ. 2012-ча шера арадаьннад «ДогӀан мукъам» яха кинижка, хӀаьта 2015-ча шера «Дагалаттар» яхар. Цу шера арадаьннад «Даьхен дог хьаста» яха кинижка а. 2022-ча шера «МестоимениЯ» яхача проекте гӀолла арадаьлар «Даьхе — са дег чу» ((эрс: Родина во мне) яха кинижка. Таржамаш даьр вар Валерий Анатольевич Латынин. Из кинижка арадаккхар бахьан долаш, кхоалагӀа моттиг яьккха, уж юкъебахаб Къаман «Слово» яхача премена. Преме лауреташта деннад 500 000 ахчеи сийлен «Слово» яха майдалгаши[2][3].
Белгалдаккхар
Литература
- Патиев Я. С. Писатели Ингушетии : Рук. проекта Р. А. Газдиева, сост. Я. С. Патиев. — Ростов-на-Дону : «Южный Издательский дом», 2015.