Литературни ГӀалгӀайче
| Литературни ГӀалгӀайче | |
|---|---|
| (эрс: Литературная Ингушетия) | |
| Специализаци | литературан́-исбахьален а юкъара-полититикан а |
| Маца арадувл | кварта́ла́ цкъа[1] |
| Мотт | гӀалгӀай, эрсий |
| Редакцен адрес | Наьсаре |
| Керттера редактор | Таймасханаькъан Лейла |
| Мохк |
 ГӀалгӀайче |
| Арахецар | ГӀалгӀай Мехка Доалче |
| Изданен тархьар | 1997 шера денз |
«Литературни ГӀалгӀайче» (эрс: Литературная Ингушетия) — литературан-исбахьлен а юкъара-политикан а гӀалгӀайи эрсийи меттала арадувла журнал да. Диллад 1997-ча шера тушола бетта 11 дийнахьа, ГӀалгӀай Мехка Доалчено чӀоагӀам барца. Цу шера араяьннай цун хьалхара номер а[1].
Из журнал дагадехар а вӀашагӀделлар а, дуккхача шерашка дегӀадоаладеш къахьийгар а ва йоазонхо, хоамбоаржабархо, хьехархо, литературни критик Малсаганаькъан Увайса Або. Абос вӀашагӀделла журнал дукха йоазонхой тӀаозаш дар. Каст-каста журнала оагӀонаш тӀа яр цӀихезача гӀорбаьннача йоазонхой а язде болабеннача йоазонхой а цӀераш: Озанаькъан Салман, Овшанаькъан Султан, Боканаькъан Ахьмад, Игорь Ляпин, Коазой Тимур, Дударанаькъан Урусхан, Тиймарзанаькъан Башир, Дидиганаькъан Рая, Лаьнанаькъан Марем, Гаьгенаькъан Гирихан, Хамхой Ваха, Хамхой Жимсари, Албохчанаькъан Зайнап, Дударанаькъан Макка, Албаканаькъан Ӏаьла, Кхузганаькъан София, иштта кхыйола цӀераш а[2].
Малсаганаькъан Абос журналага гӀолла дӀакхихьай «Дошо къоалам» яха яхьаш, йоазонхошта юкъе болх дукхагӀбаьри, дикагӀбаьри белгалвоаккхаш[2].
2007-ча шера денз журнала редакцена кулгалдеш я Таймасханаькъан Лейла[2].
Белгалдаккхар
- ↑ 1 2 Патиев, 2023, оа. 391.
- ↑ 1 2 3 ГӀазданаькъан, 2022.
Литература
- Ингушетия: популярная иллюстрированная энциклопедия / Сост. Я. С. Патиев; науч. ред. М. Г. Цароева, Т. Х. Матиев. — Магас : «Сердало», 2023. — 816 с. — ISBN 978-594452-185-9.
ТӀатовжамаш
- ГӀазданаькъан Ахьмад. Ты стучи, мое сердце, бешено (гӀал.) // Сердало : газет. — 2022. — 12 тушола (№ 152 (12088)).