Котанаькъан

Котанаькъан (эрс: Котиевы) — гӀалгӀай къаман массехк тайпай дакъа да, вешта аьлча, тайпан е ваьра никъ.

ЦӀи

ГӀалгӀай меттала Котанаькъан яхача ваьра наькъа цӀи хьахиннай: КотӀи яхача маӀача сага цӀии, наькъан яха доши цхьанкхетарца. Эрсий меттала из наькъа цӀи: «Котиев», «Котиева», «Котиевы» аьнна язъю.

Тархьар

Котанаькъан ба Баркинхой тайпах лоархӀаш, царца вошал доагӀаш ба Алмазанаькъан а Тоачанаькъан а, Буро-КӀалара Тутайнаькъан а. Мецхалера Котанаькъан Баркинхой хӀама хулаш бац.

Котанаькъан наькъаш хьадоладалар да цу массехк тайпан хиннача КотӀи яхача сагагара, ишта цу КотӀех хьа мел байна нах «Котанаькъан» а ба, ший-ший тайпан а ба.

цӀихеза нах

Котанаькъан (Котиев, Котиева) яхаш цӀи лелаеш цӀихеза нах ба:

• Котанаькъан Чорий Мухьмад ― Туркий мехкара гӀалгӀа, тӀема а юкъарлон а къахьегамхо, хьехархо, публицист.
• Котанаькъан СаӀадала Султан-Гири ― гӀалгӀай публицист, хоамбоаржабархо, очеркист, таржамхо.
• Котанаькъан Макшарипа Ахьмад (1960–2013) ― ГӀалгӀай Мехка Кхерамзлен Совета секретарь, Россе Федерацен Турпал.

Белгалдаккхар

Литература

• Дахкильгов Ш. Э-Х. Происхождение ингушских фамилий : полев. исслед / Ред. А. А. Зязиков. — Грозный : «Книга», 1991. — 108 с.
• Ономастикон Ингушетии : справ.-энцикл. изд. / Сост. Н. Д. Кодзоев, З. Х. Киева. Реценз.: д.п.н., проф. Т. В. Жеребило, к. филол. н., Ф. М. Костоева, Ред.: Х. А. Накостоев, Р. Р. Хайрова; Консультант: Б. А. Хайров; Ингушский НИИ гуманитарных наук имени Ч. Э. Ахриева. — М. : ТПК «Центробланк», 2021. — 120 с. — 500 экз. — ISBN 978-5-91303-022-1.