Кхоартой

Кхоартой (эрс: Картоевы) — гӀалгӀай къаман массехк тайпай дакъа да, вешта аьлча, тайпан е ваьра никъ.

ЦӀи

ГӀалгӀай меттала Кхоартой яхача ваьра наькъа цӀи хьахиннай. Эрсий меттала цӀи я «Картоев», «Картоеваа», «Картоевыы»^[1].

Тархьар

Кхоартой доккхагӀдолча тайпах тайпа да. Цунна юкъе долхаш дола тайпаш: Аьлданаькъан, Ӏажиганаькъан, Добренаькъан, ЦӀунтолганаькъан, Янарсанаькъан, Шадажанаькъан, Оарцханаькъан, Эсмарзанаькъан, Хидренаькъан, Паражанаькъан, ТӀоханаькъан, Новразанаькъан иштта кхыбараш а. Новразанаькъани, Ӏажиганаькъани, Янарсанаькъани Пхьилекъонгий-Юрта бах, Шадажанаькъани, ЦӀунтолганаькъани, Добренаькъани Буро-КӀала бах. Царна кхоаччара ба Инаркъера кхоартой. Уж Кхартера тайпаш да. Цар я Лакхера Кхарти, Кхарти. ВӀовнашта юкъера эггара лакхагӀйола вӀов цар гӀалашта юкъе я^[2].

ЦӀихеза нах

• Кхоартой Мажита Мурат — гӀалгӀай йоазонхо, хоамбоаржабархо.

• Кхоартой Ӏаьлий Ӏамархан — гӀалгӀай гӀишлонхо, предприниматель.

• Кхоартой Ӏалихана Зара — ГӀалгӀай Мехка дукха дика хӀамаш карагӀдийна артистка, «Зокх» проекта доакъашхо.

Литература

Дахкильгов Ш. Э-Х. Происхождение ингушских фамилий : полев. исслед / Ред. А. А. Зязиков. — Грозный : «Книга», 1991. — 108 с.
Ономастикон Ингушетии : справ.-энцикл. изд. / Сост. Н. Д. Кодзоев, З. Х. Киева. Реценз.: д.п.н., проф. Т. В. Жеребило, к. филол. н., Ф. М. Костоева, Ред.: Х. А. Накостоев, Р. Р. Хайрова; Консультант: Б. А. Хайров; Ингушский НИИ гуманитарных наук имени Ч. Э. Ахриева. — М. : ТПК «Центробланк», 2021. — 120 с. — 500 экз. — ISBN 978-5-91303-022-1.

[_6eeb3213280403a2-1] Ономастикон Ингушетии, 2021, оа. 17.

[_69dd7d5d37e70804-2] Дахкильгов, 1991, оа. 13.

[1]

[2]