Куркъанаькъан

Куркъанаькъан (эрс: Куркиевы) — гӀалгӀай къаман массехк тайпай дакъа да, вешта аьлча, тайпан е ваьра никъ.

ЦӀи

ГӀалгӀай меттала Куркъанаькъан яхача ваьра наькъа цӀи хьахиннай: Куркъа яхача маӀача сага цӀии, наькъан яха доши цхьанкхетарца. Эрсий меттала из наькъа цӀи: «Куркиев», «Куркиева», «Куркиевы» аьнна язъю.

Тархьар

Мочкъий-Юртара Куркъанаькъан Хьоашаланаькъан лоархӀаш ба, Гелатхой ба ТӀой-Юртара бараш, царна юкъеболх Хученаькъани ГӀазиканаькъани, Алхастера бараш ТӀумахой ба, Дошалкъий-Юртара бараш Саганаькъан ба, Йовлой лоархӀаш. Къуркъанаькъан Йовлой а Гелатхой а тайпанна юкъебоагӀаш бола никъ ба. Йовлошта юкъе из дӀаболабеннаб Йовлой Куркъа яхача сагагара, хӀаьта Гелатхошта юкъе ТӀой-Юртара Хученаькъан хиннача Куркъа яхача сагагара болабеннаб.СоагӀапча Ӏеш ши фусам я Нохчий мехкара Гордлой.

Куркъанаькъан наькъаш хьадоладалар да цу массехк тайпан хиннача Куркъа яхача сагагара, ишта цу Куркъах хьа мел байна нах Куркъанаькъан» а ба, ший-ший тайпан а ба.

ЦӀихеза нах

Куркъанаькъан аьнна тайпанцӀи а лелаеш цӀихеза ба:
Йовлой:

• Куркъанаькъан Хьадиса Солсбик — паччахьалкхен къахьегамхо, ГӀалгӀай автономе областа 1931—1932 шерашка хинна облисполкома тхьамада а, Сердало газета керттера редактори кулгалхои.
• Куркъанаькъан Солсбика Руслан — хореограф, ГӀалгӀай Республика халкъа артист, «ГӀалгӀайче» яхача паччахьалкхен халхара ансамбла директор (2004—?).
• Куркъанаькъан Солсбика Iаламбик — гӀалгӀай а эрсий а метта Ӏилманхо

Белгалдаккхар

Литература

• Дахкильгов Ш. Э-Х. Происхождение ингушских фамилий : полев. исслед / Ред. А. А. Зязиков. — Грозный : «Книга», 1991. — 108 с.
• Ономастикон Ингушетии : справ.-энцикл. изд. / Сост. Н. Д. Кодзоев, З. Х. Киева. Реценз.: д.п.н., проф. Т. В. Жеребило, к. филол. н., Ф. М. Костоева, Ред.: Х. А. Накостоев, Р. Р. Хайрова; Консультант: Б. А. Хайров; Ингушский НИИ гуманитарных наук имени Ч. Э. Ахриева. — М. : ТПК «Центробланк», 2021. — 120 с. — 500 экз. — ISBN 978-5-91303-022-1.