Лергйоаца полк

Ерригроссе юкъара бӀорахой-мехкгӀончий цхьанкхетар «Эрсечен лергйоаца полк»
Ерригроссе юкъара бӀорахой-мехкгӀончий цхьанкхетар «Эрсечен лергйоаца полк»
Йилла таьрахь	2015-ча шера тов бетта 30-ча дийнахьа
Тайпа	юкъарлон организаци[d]
ООД «Эрсечен лергйоаца полк» юкъерча штаба исполкома кулгалхои тхьамадашта юкъера тхьамадеи	Наталья Шадрина Сергей Макаров Геннадий Иванов Елена Цунаева
Юкъарче	Москва
Сайт	polkrf.ru
	РУВИКИ.Медиа чура файлаш

Лергйоаца полк (эрс: Бессмертный полк) — Сийлахь-Боккхача Даьхен тӀема доакъашхой дагалаьца вӀашагӀделла къаман цхьанкхетар, нацизм эшаяь бола турпалаш дагалаьца беш бола никъ^[1]. Лергйоацача полка доакъашхоша хӀара шера Коталон ди дездеча хана, йоккха тоаба вӀашагӀъелле, тӀема доакъашхой — концлагерашка лийца баьхкарий, тӀемахой, къахьегамхой, блокадникий, тӀема берий сурташ бедехке, пхьен урамашта юкъегӀолла никъ бу^[2], — цар вахарах бола хоам дӀаязбу, тархьара юкъегӀоргболаш^[3].

Тархьара хьалхе

Лергйоаца полк яха акци йолаялалехьа СССР цу тайпара вӀашагӀкхетараш дӀакхухьаш хиннад. Масала, 1965-ча шера Новосибирска № 121 ишкола дешархоша никъ баьб шоай даь-даьй сурташ бе дехка^[4]. 1981-ча шера Борцов Революци майдан тӀа Ростова областа Тацински ст. йоккха митинг дӀайихьай, цига дакъа лоацаш хиннараш шоай тӀем тӀа хиннача гаргарча наьха сурташ дахьаш баьхка хиннаб^[5].1985-ча шера Перма областе бахархой шоай гаргарча тӀема доакъашхой сурташца урамех чакхбаьннаб. 1985-ча шера Липецка областе Конь-Колодезь яхача юрта иштта сурташца чакхбаьннаб ишкола дешархой Ленина цӀерагӀча урамах.

Керда тархьар

Советий Ӏаьдал дехачул тӀехьагӀа, иштта вӀашагӀкхетараш дакхухьаш хиннад Эрсече а, кхыча паччахьалкхенашка а. 2006-ча шера Ухте Коталон дийнахьа даим йоагача цӀера тӀа баьхкараша шоашца дена хиннад салтий сурташ. 2004—2006 шерашка маршаш дӀадихьад Кузбассе (Новокузнецкеи Прокопьевскеи), 2007-ча шера — Тюмени.

2007-ча маьтсела бетта 8-ча дийнахьа «Тюменские известия» яхача газета тӀа областа ветераний совета тхьамадас Иванов Геннадийя бахархой тӀахьийхаб шоай тӀемахой сурташца арабовла^[6]. Тюменагара масал ийцад кхыча Эрсечен регионаша а, ши шу даьнначул тӀехьагӀа цу тайпара акцеш дӀайихьай Россе Федераце 20 муниципальни вӀашагӀтохарашка.

2009-ча шера «Котало яьккхарий парад» дӀайихьай Казанеи, Кемеровеи, Новосибирскеи, иштта кхыча регионашка. «Заменим вас в строю!» яха марш хьалкхийнача тӀехьено дӀайихьай 2009-ча шера Севастополе.

2010-ча шера сурташца марш дӀайихьай Поклонни цӀи йоаккхача лоам тӀа.

2013-ча шера акци дӀайихьай Эрсечен 120 пхьенашкеи юрташкеи^[7]. В 2014 году «Бессмертный полк» прошёл в 500 городах в 7 странах мира^[7].

2024-ча шера оагӀой бетта хайнад, 2025-ча шера Сийлахь-Боккхача Даьхен тӀем тӀа котало яьккха 80 шу дузаш еча параде Лергйоацача полко «Беларусь помнит» тоабаца марш дӀахьоргйолга^[8].

Юкъара болабеннараш

2015-ча шера маьтсела бетта 9-ча дийнахьа «Лергйоаца полк» яха акци чакхъяьннай ЦӀеча майдан тӀа (эрс: Красная площадь)) гӀолла Сийлахьа-Боккхача Даьхен тӀем тӀа котало яьккха 70 шу дузаш яь парад йистеяьнначул тӀехьагӀа^[9]. Дакъа лоацаш хиннав 500 совгӀа саг, царна юкъе хиннав Эрсечен президент а Владимир Путин. Цо айдаь дихьад тӀем тӀа дакъа лоацаш хиннача ший даь сурт. Колоннас никъ баьб КӀайэрсий майдан тӀара болабенна Кремлега кхаччалца, акци чакхъяьннай Москворецки набережни^[10].

«Лергйоаца полк» Москве 2015-ча шера маьтсела бетта 9-ча дийнахьа
«Лергйоаца полк» Рязане 2016-ча шера маьтсела бетта 9-ча дийнахьа
«Лергйоаца полк» Майкопе 2016-ча шера маьтсела бетта 9-ча дийнахьа
«Лергйоаца полк» Саки 2016-ча шера маьтсела бетта 9-ча дийнахьа
«Лергйоаца полк» Калининграде 2017-ча шера маьтсела бетта 9-ча дийнахьа

2015-ча шера денз «Лергйоаца полк» яха акци Коталон цӀай дездара керттера дакъа хинна дӀаэттай Эрсече а Эрсечен арахьа а. 2015-ча шера «Лергйоаца полк» чакхъяьннай 17 паччахьалкхен доазон тӀа, 2016-ча шера — 42 мехка^[11].

Ерригроссе «Эрсечен лергйоаца полк» яхача бӀорахой-мехкгӀончий юкъарча цхьанкхетара тхьамадашта юкъевахав массанел хьалхагӀа СССР Къаман артист, Россе Федераце къахьегама турпал Василий Лановой^[12]^[13].

Сийлахь-Боккхача Даьхен тӀем тӀа котало яьккха 75 шу дузаш, Эрсечен банко 2019-ча шера арахийца аьшкан ахча
3 сома маьхе аьшкан ахча, дотув
25 сома маьхе аьшкан ахча, дотув
50 сома маьхе аьшкан ахча, дошув