Магаса байракх
| ГӀалгӀай Мехка нанагӀала йолча Магас пхьен байракх — | |
|---|---|
 | |
| Субъект | Магас |
| Регион | ГӀалгӀайче |
| Мохк | Эрсече |
| ДӀачӀоагӀъяьй | 2010-ча шера наджгоанцхой бетта 14-ча дийнахьа[1] |
| Пропорцеш | 2:3 |
Магаса байракх (эрс: флаг Магаса) — «Пхьен округ пхье Магас» яхача муниципальни кхоллама байракх.
Белгалонаш
Магас пхьен байракх — цӀе бесара диъсаьна гата да Магаса тхьамагӀан белгалонаш юккъе латташ, шороли йӀоахали 2:3.
Белгалоний маӀан
Байракх вӀашагӀъеллай 2008-ча шера ардара бетта 11-ча дийнахьа тӀаийцача Магаса пхьен тхьамагӀа тӀагӀолла.
ЦӀе бос ба денали, ирази, коталои, кацаа́гари, хьалха хилари хьахьокхаш.
Малх — машара белгало, цо белгалйоаккх Магас яха цӀи. Малхо хьахьокх керда вахара низ, Магас лораеш, хьаденача сийдолча къаман вахарера бакъдар, цӀендар. Малх цӀакккха чубожац, чукехатац, из массаза ле́п, цунца нийсду къаман денал а.
Ткъамаш доаржадаьча дошо аьрзе хьахьокх низи, доали, сийи, камоаршали, лакхале яккха гӀертари. Цо хьахокха маӀан да хӀама эргада́лар, юхадийнадалар, иштта цо белгалдоаккх шийца ширача хана Къулбаседа Кавказе йоккха пхье хинна Магас юхаметтаоттар. Дошо бесса даьд из цун хьали, доали, сина лакхали, низи, цӀенали бахьан долаш.
Аьрзе наькха тӀа латт цӀе бесса гӀалгӀай турс, цу тӀа сахьата гӀоаролга духьал да́да кхо хьайза гон дакъа дола гӀалгӀай хьарак латт. Гон доакъош аьрда оагӀарахьа даде, из маӀача наьха хьарак лоархӀ, цун белгало я кхыча мехкара оалхазараш цӀадахкар. Иштта цо хьахьокх маьлха кхо оагӀув: хьалкхетари, ийжеи, чубизареи. Иштта цун белгалонаш хила мег тешам, хьехам, эздел, хьахьокхаш хила тарлу кхо ха а — йола хаи, хургйола хаи, яха хаи, дунен хоалам мо[2].
Белгалдаккхар
- ↑ Решение Городского Совета Муниципального образования «Городской округ город Магас» от 14.01.2010 № 12/5-1 «Об утверждении Положения о флаге города Магас — столицы Республики Ингушетия».
- ↑ Указ Президента Республики Ингушетия от 11.10.2008 № 380 «О Гербе г. Магас — столицы Республики Ингушетия».