Малсаганаькъан Ӏийсай Ахьмад
| Малсаганаькъан Ӏийсай Ахьмад | |
|---|---|
 | |
|
| |
 Цхьан юкъа ГӀалгӀай Мехка мехкдаь декхараш кхоачашдаьр
 |
|
| 2001-ча шера оагӀой бетта 28-гӀа ди — 2002-ча шера маьтсела бетта 23-гӀа ди | |
| Хьалхахиннар | Овшанаькъан Султана Руслан |
| ТӀехьахиннар | Заьзганаькъан Мурат |
 ГӀалгӀай Мехка Доалчен тхьамада
|
|
| 1999-ча шера лайчилла бетта 24-гӀа ди — 2002-ча шера аьтинга бетта 14-гӀа ди | |
| Хьалхахиннар | Дарсиганаькъан Заьудина Мухьмад-Башир |
| ТӀехьахиннар | Виктор Андреевич Алексенцев |
|
|
|
| Ваьв |
26 ардара 1960 (65 шу) |
Малсаганаькъан Ӏийсай Ахьмад (эрс: Мальсагов Ахмед Исаевич;26 ардара 1960, Мочкъий-Юрт, ХӀирий АССР) — Россе паччахьалкхени политикеи болхло. ГӀалгӀай Мехка ахчан министр. ГӀалгӀай Мехка Доалчен тхьамада. 2001-ча шера оагӀой бетта денз 2002-ча шера маьтсела беттага кхаччалцца ГӀалгӀай Мехка мехкдаь декхараш кхоачашдаьр. ГӀалгӀай Мехка дукха дика хӀамаш карагӀдийна экономист.
Биографи
1978-ча шера цо тӀехдика дийша, йистеяьккхай Бекъий-Юртара юкъера ишкол. 1979-ча шера из деша эттав МГУ экономически факультете экономикан кибернетикан отделене, 1984-ча шера цо караерзаяьй «экономист-кибернетик» яха говзал. Дийша ваьнначул тӀехьагӀа из болх беш хиннав ХӀирийчен Госплане экономист волаш, иштта из хиннав перспективни оттадара отдела кулгалхочун когаметтаоттар. Цул совгӀа из хьехаш хиннав ХӀирийчен паччахьалкхен университете.
1986—1993 шерашка — ГӀалме шахьаре Бекъий-Юрта совхоза «Россия» совхоза керттера экономист. 1993—1994 шерашка — Москве «Динаскобанк» яхача коммерчески банка урхала тхьамада, финансови кулгалхо.
1994—1995 шерашка — ГӀалгӀай Мехка экономиках долча хаттарех вола мехкдаь гӀонча-хьехамча. 1995—1998 шерашка — министра хьалхара когаметтаоттар, ГӀалгӀай Мехка ахчан министр — ГӀалгӀай Мехка Доалчен тхьамадан когаметтаоттар. 1999-ча шера — экономикан министр — ГӀалгӀай Мехка Доалчен тхьамадан когаметтаоттар.
1999-ча шера лайчилла бетта денз 2002-ча шера аьтинга беттага кхаччалца — ГӀалгӀай Мехка Доалчен тхьамада. 2001-ча шера оагӀой бетта денз 2002-ча шера маьтсела беттага кхаччалцца ГӀалгӀай Мехка мехкдаь декхараш кхоачашдаьр. 2002-ча шера из ший лоӀамах цу даржера дӀаваьннав. ГӀалгӀай Мехка из хьалхара ва «Дукха дика хӀамаш карагӀдийна экономист» яха сийлен цӀи яьккхарашта юкъе.
2002-ча шера денз из бизнесмен ва. Экономика хьехаш ва ГӀалгӀай паччахьалкхен университете.
2007-ча шера цо дӀабихьаб «ГӀалгӀайче суртанчий бӀаргашца» яха гойтам.
2009-ча шера лайчилла бетта денз 2010-ча шера тов беттага кхаччалца — ГӀалгӀай Мехка мехкдаь Экономикан совета тхьамада. 2012-ча шера маьцхали бетта денз из ва ГӀалгӀай Мехка мехкдаь экономикан совета доакъашхо. 2013-ча шера лайчилла бетта 11-ча дийнахьа из хьожаваьв ГӀалгӀай Мехка мехкдаь гӀонча-хьехамчий дарже[1][2].
2016-ча шера оагӀой бетта денз 2019-ча шера бекарга бетта денз Россельхозбанка гӀалгӀай филиала кулгалдеш хиннав.
Политикан болх
Маршаши хьоарах дола даараши хьадеш йола «Умка» яха компани хьайийлар ва[3].
Белгалдаккхар
- ↑ Ахмед Мальсагов назначен на должность помощника-советника Главы РИ. ingushetia.tv. Хоам хьаийца таьрахь: 24.09.2025.
- ↑ Ахмед Мальсагов назначен на должность помощника-советника Главы РИ. url=http://ingushetia.tv/news/. Хоам хьаийца таьрахь: 24.09.2025.
- ↑ Лео Пастернак. Бизнес на молоке Ингушский предприниматель Ахмед Мальсагов начал производить экологически чистый сыр премиального класса. «Ингушетия» — интернет-газета (6.05.2019). Хоам хьаийца таьрахь: 24.09.2025. Архиваци яьй 23.11.2020.
ТӀатовжамаш
- Роза Мальсагова. Северо-кавказский «наместник» вступает в свои владения — портал RFI.fr опубликовано 23/01/2010
Литература
- Муса Гешаев. Знаменитые ингуши. — Турин: STIG, 2003. — Т. 1. — С. 542—544. — 620 с. — 2000 экз.