Мохлой Яхььяй Рукъет

Мохлой Яхььяьй Рукъет
эрс: Махлоева Рукият Яхъяевна
Ваь таьрахь	15 наджгоанцхой 1966(1966-01-15) (59 шу)
Ваь моттиг	Шолжа-Пхье
БӀорахол	СССР →  Россе Федераци
Леладу гӀулакх	йоазонхо, оазархо

Мо́хл́ой Яхььяй Рукъе́т (эрс: Махлоева Рукият Яхъяевна) — оазархо, Шолжа шахьара библиотекан болхло, ГӀалгӀай йоазонхой юкъарлон доакъашхо я.

Дешар

Мохлой Рукъет яьй 1968-ча шера кӀимарса бетта 18-ча дийнахьа Сипсой-ГӀала тӀа. 1985-ча шера йо йистеяьккхай Сипсой-ГӀала тӀара № 3 йола ишкол. 1986-1987 шерашка берий беша хьехамчан болх Ӏомабеш дийшад цо. 1987-ча шера Сипсой-ГӀала тӀара № 2 йолча ишколе болх баьб цо, 1990—1992 шерашка берий беша хьехамчан болх баьб Рукъета. 1992-ча шера денз болх беш я Шолжа шахьара библиотеке.

1993-1996 шерашка Серноводски юртбоахама техникуме деш заочно.

2001-ча Рукъет деша эттай ГӀалгӀай паччахьалкхен университете гӀалгӀай меттеи литературани отделене. 2007-ча шера факультет йистеяьккхай.

Кхоллам

1996-ча шера «Наьсарен оаз», «ГӀалгӀайче» яхача газеташ тӀа кепаетташ арайийннай цун байташ, цул тӀехьагӀа «Сердало» газета тӀа а, «Литературни ГӀалгӀайче» яхача журнала тӀа а. 2005-ча шера арадаьннад цун «Са уйлай кема» яха кинижка. «Ираз хилда хьа, ГӀалгӀайче» яхача гуллама́ юкъе яхай цун байташ. 2011-ча шера Рукъета «Розайга даьннача гӀалатах» яха дувцар 6-гӀча классера дешара пособена юкъе дахад.

2015-ча шера арадаьннача «Антология поэзии» яхача кинижка тӀа ба Рукъета кхоллам. «Наьнах дола доши» «Наьна мотти» яха байташ «ХӀанзара гӀалгӀай литература» яхача кинижка тӀа я. 2012-ча шера из юкъеяхай ГӀалгӀай йоазонхой юкъарлонна.

Белгалдаккхар

Литература

• Евлоева А.М., Мартазанова Х. М. ХӀанзара гӀалгӀай литература / Сост. проф. И. А. Дахкильгов. — Нальчик : Республиканский полиграфкомбинат им. Революции 1905 г., 2011. — 423 с.

ТӀатовжамаш

• Албохчнаькъан Зайнап. Заманца гӀа боахаш (гӀал.) // «Сердало» : газет. — 2016. — 29 лайчилла (№ 180 (11716)). — Оа. 3.