Нальганаькъан Мурада Руслан
| Нальганаькъан Мурата Руслан | ||
|---|---|---|
 | ||
| Ваь таьрахь | 4 маьтсела 1980 (46 шу) | |
| Ваь моттиг | Орджоникидзе, ГӀинбухен-ХӀирий АССР, РСФСР, СССР | |
| БӀорахол |
 Россе Федераци |
|
| БӀун тайпа | милици, Эрсечен МВД | |
| БӀул даь шераш | 2003—2009 | |
| Звани |
 капитан МВД РФ |
|
| СовгӀаташи премеши |
|
|
 Арахьара сурташ | |
|---|---|
 |
Руслан Нальгиев |
Нальганаькъан Мурата Руслан (эрс: Нальги́ев Русла́н Мура́тович; 4 маьтсела 1980, Буро) — Эрсечен Чурча гӀулакхий министерствон милицен капитан, Россе Федерацен Турпал. Из совгӀат цунна деннад 2012-ча шера аьтинга бетта 14-ча дийнахьа.
Биографи
Налганаькъан Руслан ваьв 1980-ча шера маьтсела бетта 4-ча дийнахьа ХӀирийчен АССР Буро тӀа. ДӀахо дӀайодача хана цар дезал баьхаб ГӀалме шахьаре Мочкъий-Юрта. 1992-ча шера ХӀираштеи гӀалгӀаштеи юкъера хатар хилаллца из деша ихав Мочкъий-Юртарча № 1 йолча ишколе. Цул тӀехьагӀа цо дийшад Экажакъонгий-Юрта. ТӀехьагӀо дийша йистеяьккхай Ставрополера милице лакхера ишкол.
Институт яьккхачул тӀехьагӀа Эрсечен МВД лейтенанта дарже цо болх бу Наьсарерча шахьара тӀавилла ДПС инспектор волаш. Эрсечен МВД милице хьовда волаш, Налганаькъан Руслан ГӀалгӀай мехка болх беш хиннав кагирхошта юкъе экстремизма духьала волча воккхагӀволча оперуполномоченни дарже[1].
КарагӀдаьннар
2004-ча шера аьтинга бетта 22-ча дийнахьа Наьсаре чурча гӀулакхий шахьара отделе зуламхой чубаьннача хана яьча духьаленна юкъе дакъа лоацаш хиннав.
2009-ча шера маьцхали бетта 7-ча дийнахьа боевикаша чухьийддаб РОВД. Ӏуйран, 50 милице болхло шоай балха декхараш керда а даьха, болх бе болалуча хана, плаца тӀа инструктаж кхоачашъеча хана, коанаӀараш йохаеш чуенай «Газель» машен, 200 кийла лелха молхах етта. Машен лоаллаш хиннав ше а вувш, нах боабе воагӀа зуламхо. Цунна духьалваьннав Налганаькъан Руслан, машенах герз детта волавеннав. Герз деттача юкъа кхыча болхлой аьттув баьннаб лачкъа а духьале е аттагӀа моттиг дӀалаца а. Налганаькъан Руслана дӀадийттача пхорча микроавтобуса двигатель бохабаьчул тӀехьагӀа, автобус юхасецай, цига ийккхай. Цу хатарах РОВД гӀишло а юхе хинна гӀишло а хоарцаяьй. 24 саг веннав, 250 саг лозаваьв, царна юкъе бераш а хиннад[2][3].
Хьовда Руслан ийккхача машенна гарга хиннав, из бахьан долаш из чӀоагӀагӀа лозаваьв, цун ког дӀабаккха бийзаб. Цул тӀехьагӀа из балхара дӀаваьннав. Ший са кӀалъоттадаь цо кӀалхарваьккхав шийцара балхара 94 саг[4].
2012-ча шера аьтинга бетта 14-ча дийнахьа Эрсечен президента Путин Владимира тӀема декхараш дизза, денале кхоачашдарах Россе Федераце Турпала цӀи Налганаькъан Руслана ялаларах долча № 861 амара тӀа кулг яздаьд[5].
Налганаькъан Руслан вах ГӀалме шахьаре Мочкъий-Юрта.
Белгалдаккхар
- ↑ Руслан Нальгиев: воспоминания о событиях 17 августа 2009 года. gazetaingush.ru (17.08.2020). Хоам хьаийца таьрахь: 15.10.2025.
- ↑ Вести.Ru: Евкуров взял под личный контроль восстановление разрушенного дома. Хоам хьаийца таьрахь: 15.10.2025. Архиваци яьй 20.10.2014.
- ↑ Герой России Руслан Нальгиев: «Героями можно назвать многих моих сослуживцев». magas.bezformata.com (19.06.2012). Хоам хьаийца таьрахь: 15.10.2025.
- ↑ |. Капитан милиции в отставке стал Героем России, kp.ru - (17 аьтинга 2012). Техкад укх дийнахьа: 15.10.2025.
- ↑ Указ Президента РФ от 14.06.2012 № 861 «О присвоении звания Героя Российской Федерации Нальгиеву Р. М.» Хоам хьаийца таьрахь: 15.10.2013. Архиваци яьй 4.03.2016.
ТӀатовжамаш
- Нальганаькъан Мурада Руслан. Сайт «Герои страны».
- В Ингушетии принимает поздравления Руслан Нальгиев, которому присвоено звание Героя России
- Чистяков А. Кавказ взрывают из Назрани
- Владимир Путин присвоил звание Героя России Руслану Нальгиеву
- Глава Ингушетии Ю. Евкуров в гостях у Героя России Руслана Нальгиева