ТIоаршхой ИсмаIала ИбрахIим
| ТӀоаршхой ИсмаӀала ИбрахӀи | |
|---|---|
| эрс: Торшхоев Ибрагим Исмаилович | |
| БӀарчча цӀи | Ибрагим Исмаилович Торшхоев |
| Ваь таьрахь | 1942 шера бекарга бетта 10-ча дийнахьа, 1 мая 1940 шера маьтсела бетта 1-ча дийнахьа, 1942 е 1943 |
| Ваь моттиг | Аьлте-Юрт, ЧИАССР, СССР |
| Венна таьрахь | 1993 шера кӀимарса бетта 2-ча дйинахьа |
| Венна моттиг | Нальчике, ГӀаьбартой-Малкхарой мохк, Россе |
| БӀорахол (подданство) |
 СССР →  Россе Федераци |
| Леладу гӀулакх | оазархо |
| Кхолламаш даь шераш | 1958—1993/1994 |
| Жанр | байташ |
| Кхолламий мотт | гӀалгӀай, эрсий |
| Дебют | «Безама гургалаш» (1980) |
ТӀоаршхой ИсмаӀала ИбрахӀим (эрс: Торшхоев Ибрагим Исмаилович) — ГӀалгӀайчен йоазонхо, СССР йоазонхой юкъарлон доакъашхо.
Биографи
ТӀоаршхой ИбрахӀим ваьв 1942-ча шера бекарга бетта 10-ча дийнахьа ЧИАССР Наьсарен шахьаре Аьлте-Юрта. Ший даьшца, гӀалгӀай къам мехках даьккхача хана, ши шу даьнна волаш ГӀазакхстане нийсвеннав из. Ялх класс яьккха хиннав ИбрахӀим, уж цӀенгахьа бийрзача хана. 1960-ча шера цо йистеяьккхай Наьсарера ишкол. 1961-ча шера Нохч-ГӀалгӀай хьехархой училищен шин шера йола курсаш яьхачул тӀехьагӀа, Наьсарерча бархӀ класс йолча Буро-КӀаларча ишколе гӀалгӀай мотт хьехаш хиннав[1].
Цул тӀехьагӀа цунна могашал бахьан долаш Москве дӀаваха везаш бахьан эттад.
1976—1982 шерашка цо дийшад М. Горький цӀерагӀа йолча литературан курсашта. ЦӀихезача гӀорбаьннача советий йоазон говзанчашкара йоккха говзал хьаийцай цо.
Язде волавенна тоъал ха хиннай, ГӀазакхстанера цӀабахкалехьа, цхьабакъда байташ кепатеха араяьннай дуккха тӀехьагӀа, 1970-ча шерашка. Уж ӀотӀайийннай «Сердало» газета тӀа, «Лоаман Ӏуйре» яхача альманаха тӀа, «Грозненский рабочий», «Литературная Россия» яхача газеташ тӀа.
Духхьашха цо кинижка арахийцад Грозне 1980-ча шера, из хиннад «Безама гургалаш» яхаш.
Цунна тӀеххьа арадоал Москве «Искры очага» яха кинижка. Таржам даьраш цӀихеза эрсий талмачаш В. Цыбин, А. Передреев, В. Бояринов, И. Слепнев.
1984—1989 шерашка шоайла юкъе йоккха юкъ йоацаш арадаьннад «Путь к себе», «Под буркой» яха кинижкаш.
1983-ча шера гӀалгӀай меттала арадаьннад «Седкъан лар», «Дагалоаттам» яха кинижкаш. 1984-ча шера из юкъевахав СССР йоазонхой юкъарлонна.
ИбрахӀим дукха ваьхавац, кхийттача лазарах кхы ца верзаш, из кхелхав 1993-ча шера кӀимарса бетта 3-ча дийнахьа[1].
Белгалдаккхар
- ↑ 1 2 Патиев, 2015.
Литература
- Патиев Я. С. Писатели Ингушетии. Кн. 1 : [в 2 кн.] / Руководитель проекта: Р. А. Газдиева; НБРИ им. Дж. Х. Яндиева. — Ростов н/Д. : Южный издательский дом, 2015. — 200 с. — 1000 экз. — ISBN 978-5-98864-071-4.