Чаккхе (дошкхоллар)
Чаккхе (эрс: окончание) — чаккхе оал дошхувцадалара морфемай (флексен) тайпах.
Цун кертера гӀулакх да — деша формо кхыча формашца бувзам оттабар; бартбара гӀирс лоархӀ цунах метта юкъе. Чаккхенаш деша юкъе массехк грамматически маӀан долаш хул: дожар, таьрахь: воккха — воккхача, боккхий — боккхийча. Деша юкъера чаккхен моттиг формакхоллара е дошкхоллара суффиксан, е деша лардан тӀехьа я.
Чаккхенах эрсий метта юкъе «окончани», «флекси»[1] оал. Из массаза дош кхоачалуча латташ хул. Флексе хьахьокх грамматически маӀан. Цунна духьала латт лард. «Флекси» термин юкъейоалаяьй Ф. Шлегеля, аблаута хувцамаш тохкача дукхагӀа лелаяьй[2].
Белгалдаккхар
Литература
- Флексия // Большая российская энциклопедия. Том 33. — М., 2017.
- Оздоева Э. Г. ХӀанзара гӀалгӀай мотт. Дошкхоллар. — Назрань : Кеп, 2024.