Чахкенаькъан Ювназа Жабраил

Чахкенаькъан Ювназа Жабраил
эрс: Чахкиев Джабраил Юрьевич
Ваь таьрахь	21 маьтсела 1955(1955-05-21)
Венна таьрахь	8 наджгоанцхой 2024(2024-01-08) (68 шу)
Паччахьалкхе	СССР →  Россе Федераци
Ӏилман никъ	археологи, тархьар, герз тахкар, этнографи, архиваш лелаяр
Белха моттиг	Л. Н. Толстоя цӀерагӀа йола Нохч-ГӀалгӀай паччахьалкхен университет; Нохч-ГӀалгӀай тархьареи, меттеи, литературеи Ӏилман-тохкама институт; ГӀалгӀай паччахьалкхен университет.
Ӏилманхой дарж	тархьара Ӏилмай кандидат (1982)
Ӏилманхой звани	доцент

Чахкенаькъан Ювназа Жабраил (эрс: Чахкиев Джабраил Юрьевич 21 маьтсела 1955 — 8 наджгоанцхой 2024) — советийи Эрсечени тархьархо, археолог, этнограф, архивист. Тархьара Ӏилмай кандидат, доцент. ГӀалгӀай Мехка паччахьалкхен архива гӀулакха кулгалхочун когаметтаоттар. «Знание» юкъарлон референт хиннав, цо бувзам лелабаьб Шолжа-ГӀалий тӀарчеи Наьсарерчеи музеяшца.

Биографи

Жабраил ваьв 1955-ча шера маьтсела бетта 21-ча дийнахьа Казахий ССР. Хьулхой тайпан ва.

Дешар

Дийша йистеяьккхай Л. Н. Толстой цӀерагӀа йола Нохч-ГӀалгӀай паччахьалкхен университет.

Болх

Жабраил бувзам лелабеш хиннав Шолжа-ГӀалий тӀарчеи Наьсарерчеи музеяшца. ГӀалгӀайчени Нохчийчени бахархой XІІІ—XVIII бӀаьшерара тӀема гӀулакха тархьар хиннад цо дукхагӀа тохкаш хиннар. 1979-ча шера археолога моттиг хиннаяц университете, цудухьа археолога болх бе аьттув хиннабац цунна Нохч-ГӀалгӀай Ӏилман-тохкама институте археологеи этнографеи отделе болх бе волаваллалца. Цу хана мукъаяьннай «Знание» яхача юкъарлон чура референта моттиг. Ший балхах мукъа хинна ха цо ГӀалгӀай лоаме тохкаш дӀахьош хиннай. 1979-ча шера маьцхала бетта Жабраила тархьара Ӏилмай доктораш юкъеболча экспедиценна хьалхаваьннав. Цунца хиннав К. З. Махмудова (Ерзункаева), Н. Н. Бараниченко (Великая), С. В. Махортых, С. Б. Бурков, иштта кхыбараш а.

1982-ча шера цо бакъъяьй Москверча паччахьалкхен университете «ТӀехьарча юкъерча бӀаьшерашка баьха́ча вайнаьха XІІІ—XVIII-ча бӀаьшерашкара герзи тӀема исбахьалеи» (эрс: Оружие и вопросы военного искусства позднесредневековых вайнахов XІІІ—XVIII вв.) яха ший кандидата диссертаци.

«Эрсечен къамаш», «Дунен къамаши цар динаши», «Эрсечен зӀилбухен къамай товшхала энциклопеди» яха энциклопедеш отттадеш, доккха да́къа лаьцад цо. «Советий этнографе» кепадетташ арадийнад цун балхаш.

1998-ча шера денз Ювназа Жабраил болх беш хиннав ГӀалгӀай Мехка паччахьалкхен архива гӀулакха кулгалхочун когаметтаоттар волаш, 2015-ча шера денз цо болх баьб ГКУ «ГӀалгӀайчен пачхьалкхъархива» директора когаметтаоттара дарже. 1990-ча шерашка денз из болх беш хиннав ГӀалгӀай паччахьалкхен университетете, цига цо хьийхай археологии, юкъерча бӀаьшерий тархьареи, археологе практикеи.

Дезал

Саг йоалаяь хиннав. Берех лаьца хоам бац.

Валар

ДӀаваьннав 2024-ча шера наджгоанцхой бетта 8-ча дийнахьа. Цо дукха ха яьккхай могаш воацаш.

Библиографи

• Виноградов В. Б., Чахкиев Д. Ю. Некоторые традиции военного искусства вайнахов в средневековье // «Советская этнография» : науч. ж-л / Гл. ред. К. В. Чистов. — М.: «Наука», 1984. — Январь—февраль (№ 1). — С. 98—110.
• Виноградов В. Б., Абдулвахабова Б. Б.-А., Чахкиев Д. Ю. «Солнечный гребень» ингушских женщин (о парадном головном уборе кур-харс) // «Советская этнография» : науч. ж-л / Гл. ред. К. В. Чистов. — М.: «Наука», 1985. — Май—Июнь (№ 3). — С. 104—114.
• Чахкиев Д. Ю. К вопросу о материальной культуре горцев Ингушетии XVIII в. // Археология традиционная этнография народов Чечено-Ингушетии / Отв. ред. Х. М. Мамаев; Рец. М. Х. Багаев. — Гр.: «Книга», 1992. — С. 41—61. — 87 с.
• Ахмадов Я. З., Хасбулатов А. И., Хасбулатова З. И. Хасиев С. А., Хизриев Х. А., Чахкиев Д. Ю. Чеченцы // Народы России : Энциклопедия / Гл. ред. В. А. Тишков. — СПб.: Изд-во Большая российская энциклопедия, 1994. — С. 399—403. — ISBN 5-85270-082-7.
• Ахмадов Я. З., Хасбулатов А. И., Хасбулатова З. И. Хасиев С. А., Хизриев Х. А., Чахкиев Д. Ю. Чеченцы // Народы и религии мира : Энциклопедия / Гл. ред. В. А. Тишков. — СПб.: Изд-во Большая российская энциклопедия, 1999. — С. 622—624. — ISBN 5-85270-155-6.
• Чахкиев Д. Ю. Древности горной Ингушетии / Отв. ред. И. А. Алироев. — Минеральные Воды: «Кавказская здравница», 2003. — Т. 1. — 144 с.
• Чахкиев Д. Ю. Чулхойцы // Энциклопедия культур народов Юга России / Гл. ред. Ю. А. Жданов. — Ростов н/Д.: СКНЦ ВШ, 2005. — Т. I: Народы Юга России. — С. 235—236. — ISBN 5-87872-089-2.

Белгалдаккхар

Литература

• Нарожный Е. И. Историк, археолог-оружиевед, этнограф И архивист — Джабраил Юрьевич Чахкиев (65–летний юбилей ученого) // Наследие Кубани. — 2020. — № 18. — С. 341—358.
• Информация о составе педаг. (научно-педагогических) работников образовательной организации на 2018 год // inggu.ru. — 2018.
• Плиев Х. Глава Ингушетии выразил соболезнования родным и близким ученого Джабраила Чахкиева // Ингушетия : интернет-газета. — 2024. — 8 наджгоанцхой.
• Плиев Х. Умер археолог, автор монографии «Древности горной Ингушетии» Джабраил Чахкиев // Ингушетия : интернет-газета. — 2024. — 8 наджгоанцхой.
• Дахкильгов Ш. Э-Х. Происхождение ингушских фамилий : [полев. исслед / Ред. А. А. Зязиков. — Грозный : «Книга», 1991. — 108 с.