Шадажанаькъан Мухьмада Борис
| Шадыжанаькъан Мухьмада Борис | |
|---|---|
| эрс: Шадыжев Борис Магометович | |
 | |
| Ваь таьрахь | 4 тов 1946 (78 шу) |
| Ваь моттиг | ГӀиргӀизехье |
| БӀорахол |
 СССР →  Россе Федераци |
| Леладу гӀулакх | |
| Жанр | повесть[d] |
Шадыжанаькъан Мухьмада Борис (эрс: Шадыжев Борис Магометович) — гӀалгӀай йоазонхо.
Биографи
Шадыжанаькъан Борис ваьв 1946-ча шера тов бетта 4-ча дийнахьа ГӀиргӀизехьа Фрунзе пхье, гӀалгӀай къам Ӏодигача метте. 1968-ча шера цо дийша йистеяьккхай Нохч-ГӀалгӀай хьехархой институт. Цул тӀехьагӀа из болх беш хиннав ишколе хьехархои завучи волаш.
13 шера цо болх баьб Наьсарерча № 4 йолча ишколе кулгалхочун дарже. 1993-ча шера Борис болз беш хиннав ГӀалгӀай Мехка дешара министра когаметтаоттар волаш, иштта цо болх баьб ГӀалгӀай паччахьалкхен архива гӀулакхчен кулгалхочун когаметтаоттар волаш.
2012-ча шера денз из редактор ва ГӀалгӀай паччахьалкхен университета «Научный вестник» яхача газета.
Кхоллам
Литературанна юкъе венав воккха хинначул тӀехьагӀа, язде кхувш воагӀача хана волавеннавале а. Бориса кхоллам эрсий меттала ба.
Цун кхоллама́ юкъе да гӀалгӀай литературан доазон тӀа наггахьа мара нийслуш йоацача фантастика жанре яздаь дувцар «В седой древности».
ТӀема турпала Барханой Уматгирена хетадаь да 2012-ча шера арахийца исбахьален-документальни дувцар «Шагнувший в бессмертие».
ЦӀихезача дувцарашта юкъе да «Поворот судьбы», «Расплата» яха дувцараши, «Человек-легенда» яха пьесеи. Пьеса тӀа вувца турпал ва Малсаганаькъан КӀарцхал.
1990-ча шерашка Нохчий мехка хиннача тӀемах лаьца я «Странная война» яха драма.
«Золотой укол» яха наркоманех йола пьеса дукхаза оттаяь хиннай ГӀалгӀай драматически театро.
Шадыжанаькъан Борис ва Эрсечен йоазонхой союза доакъашхо, РСФСР къаман дешаргахьа белгалваьннар[1][2][3].
СовгӀаташ
• Дунен къамашта юкъерча Артийски комитета дошо майдалг (2006)
Белгалдаккхар
Литература
- Патиев Я. С. Писатели Ингушетии. — Ростов-на-Дону : Южный Издательский дом, 2015. — 185 с.