Шадажанаькъан Мухьмада Фариза

Шадажанаькъан Мухьмада Фариза
Шадажанаькъан Мухьмада Фариза
	эрс: Шадыжева Фариза Магомедовна
Яь таьрахь	24 бекарга 1954 (72 шу)
Яь моттиг	Бишкек[d], ГӀиргӀизой ССР[d], СССР;
Паччахьалкхе	Эрсече;
Леладу гӀулакх	мукъамхо
СовгӀаташи премеши

Шадажанаькъан Мухьмада Фариза (эрс: Шадыжева Фариза Магомедовна; 24 бекарга 1954, Бишкек^[d]) — гӀалгӀай композитор я. Россе Федераце дукха дика хӀамаш карагӀдийна товшхала болхло, Россе Федераце дукха дика хӀамаш карагӀдаьнна болхло, Эрсечен композиторий юкъарлон доакъашхо, ГӀалгӀайчен композиторий юкъарлон тхьамада, ГӀалгӀай Мехка дукха дика хӀамаш карагӀдийна исбахьален болхло. «КарагӀдаьннарех» яха лакхера орден яьккхар я.

Биографи

Шадажанаькъан Фариза яьй 1954-ча шера бекарга бетта 24-ча дийнахьа ГӀиргӀизий АССР Фрунзе пхье. Цар беррига дезал хиннаб мукъама кечалашца болх бе ховш: нана хиннай гитара (эрс.) (гӀа. дика локхаш, воккхагӀвола воша каьхата пандари аккардеони (эрс.) (гӀа. локхаш хиннав. ХӀаьта воша Шадажанаькъан Борис ГӀалгӀайчен цӀихеза йоазонхо ва^[1]. Лоалахой тайпан ба уж^[2].

Дешар

ГӀалгӀй мехка баха цӀабаьхкачул тӀехьагӀа из деша эттай мукъама ишколе. Цу хана ишколе цхьа фортепионои цхьа каьхата пандари мара хиннабац. Из ишкол тӀехдика йистеяьккха, Фариза деша эттай Шолжа-ГӀалий тӀарча муккъама училище фортепиано классах. Цул тӀехьагӀа цо яькххай Нохч-ГӀалгӀай паччахьалкхен университет.

Болх

Фариза болх бе йолаеннай 14 шу даьннача хана. ГӀалгӀай Казахехьара цӀабаьхкачул тӀехьагӀа, мехка дукха говзанчаш эшаш хиннаб. Эггара хьалха цун хинна тоаба «кӀормацаш» яхаш хиннай.

1982-ча шера из балха яхай Шолжа-ГӀалий тӀарча берий мукъама ишколе, 1994-ча шера денз цо болх баьб Наьсарерча берий исбахьален ишколе. Цига цо хьех сольфеджио мукъама литературеи.

Фаризас арахийцаб ялх мукъамий гуллам: «ГӀалгӀай шира ашараш», «ГӀалгӀай ашарий гуллам», ГӀалгӀай берий иллеш тӀадола гуллам «Берашта лаьрхӀа», иштта кхыдараш а^[3]^[4].

2020-ча шера мехкдас Келматанаькъан Макшарипа Махьмуд-Ӏаьлас РФ президента амарца Эрсечен ди дездараи, иштта ГӀалгӀай Республика 28 дизараи хетаяь Шадажанаькъан Фаризайна елар «Даьхенна хьалхашка карагӀдаьннарех» яха II даржа орден^[5].

Сийлен совгӀаташ

• «Даьхенна хьалхашка карагӀдаьннарех» яха II даржа орден — Эрсечен ди дездараи, иштта ГӀалгӀай Республика 28 дизараи хетаяь товшхала доазон тӀа карагӀдаьннарех;
• ЙоккхагӀйола хьехархо (1985);
• Россе Федераце дукха дика хӀамаш карагӀдийна хьехархо (1995);
• «КарагӀдаьннарех» орден.

Белгалдаккхар

↑ Шадыжева Фариза Магомедовна (эрс.). unioncomposers.ru. Хоам хьаийца таьрахь: 18.07.2025.
↑ Дахкильгов, 1991, оа. 52.
↑ Виктория Смит. Ингушский композитор Фариза Шадыжева представила работникам культуры два своих новых сборника (эрс.). Ингушетия (5.04.2019). Хоам хьаийца таьрахь: 18.07.2025.
↑ Ахмет Газдиев. На службе у добра (эрс.) (31.05.2007). Хоам хьаийца таьрахь: 18.07.2025.
↑ Дзейтов Т. Глава Ингушетии Махмуд-Али Калиматов вручил государственные награды Российской Федерации и Республики Ингушетия представителям культуры и искусства региона. (эрс.) https://mincultri.ru/ (15.06.2020). Хоам хьаийца таьрахь: 18.07.2025.

ТӀатовжамаш

Дахкильгов Ш. Э-Х. Происхождение ингушских фамилий : полев. исслед / Ред. А. А. Зязиков. — Грозный : «Книга», 1991. — 108 с.

[1] Шадыжева Фариза Магомедовна (эрс.). unioncomposers.ru. Хоам хьаийца таьрахь: 18.07.2025.

[_69dd795d37e70159-2] Дахкильгов, 1991, оа. 52.

[3] Виктория Смит. Ингушский композитор Фариза Шадыжева представила работникам культуры два своих новых сборника (эрс.). Ингушетия (5.04.2019). Хоам хьаийца таьрахь: 18.07.2025.

[4] Ахмет Газдиев. На службе у добра (эрс.) (31.05.2007). Хоам хьаийца таьрахь: 18.07.2025.

[5] Дзейтов Т. Глава Ингушетии Махмуд-Али Калиматов вручил государственные награды Российской Федерации и Республики Ингушетия представителям культуры и искусства региона. (эрс.) https://mincultri.ru/ (15.06.2020). Хоам хьаийца таьрахь: 18.07.2025.

[1]

[2]

[3]

[4]

[5]