Янданаькъан
Я́нданаькъан (эрс: Яндиевы) — гӀалгӀай Оарцхой тайпан цхьа да́къа, вешта аьлча, цу тайпан никъ. «Янданаькъан» яхаш йола наькъан цӀи хьахиннай Янд яхача |гӀалгӀай сага цӀерахи, цунна «наькъан» яха дош тӀакхетарцеи.
ЦӀи
ГӀалгӀай меттала Я́нданаькъан яхача ваьра наькъа цӀи хьахиннай: Янд яхача маӀача сага цӀии, наькъан яха доши цхьанкхетарца. Эрсий меттала из наькъа цӀи: «Яндиев», «Яндиева», «Яндиевы» аьнна язъю[1].
Тархьар
Янданаькъан болча наьха хьабайна моттиг — Аьрзи яха кхаьлл я лоаман ГӀалгӀайче[2][3].
ЦӀихеза нах
Я́нданаькъанн яхаш тайпан наькъа цӀи лелаеш цӀихеза ба:
- Янданаькъан Хамарзий Жамалда (ваьв 1962 шера) — гӀалгӀай оазархо. ГӀалгӀай Мехка эггара хьалхара оазархо лоархӀаш ва;
- Янданаькъан Хаважа Тамара — Советийи Россеи актриса, эстрадан иллиалархо; ГӀалгӀайчен Халкъа артист(2002 шу), Нохч-ГӀалгӀай АССР дукха дика хӀамаш карагӀдийна артист (1984 шу), ХӀирий АССР дукха дика хӀамаш карагӀдийна артист(1985 шу), Абхазий АССР дукха дика хӀамаш карагӀдийна артист (1985 шу), Россе Федераце дукха дика хӀамаш карагӀдийна артистка (2010 шу)[1], Россе Федераце халкъа артистка;
- Янданаькъан Яхььяй Хьава — гӀалгӀай оперни ашархо, иллиалархо, П. И. Чайковскечун цӀерагӀа йола Москвера консерватори яьккхар; гӀалгӀашта юкъе эггара хьалха цига деша этта хиннар я.
Белгалдаккхар
- ↑ Ономастикон Ингушетии, 2021, оа. 17.
- ↑ Дахкильгов, 1991, оа. 58.
- ↑ Дахкильгов, 1991, оа. 13.
Литература
- Дахкильгов Ш. Э-Х. Происхождение ингушских фамилий / Ред. А. А. Зязиков. — Грозный : «Книга», 1991. — 64 с. — 5000 экз.
- Дахкильгов Ш. Э-Х. Происхождение ингушских фамилий : полев. исслед / Ред. А. А. Зязиков. — Грозный : «Книга», 1991. — 108 с.
- Ономастикон Ингушетии : справ.-энцикл. изд. / Сост. Н. Д. Кодзоев, З. Х. Киева. Реценз.: д.п.н., проф. Т. В. Жеребило, к. филол. н., Ф. М. Костоева, Ред.: Х. А. Накостоев, Р. Р. Хайрова; Консультант: Б. А. Хайров; Ингушский НИИ гуманитарных наук имени Ч. Э. Ахриева. — М. : ТПК «Центробланк», 2021. — 120 с. — 500 экз. — ISBN 978-5-91303-022-1.