Бахьана тӀатоха предложенеш

Ба́хьана тӀато́ха предложенеш — кертерча предложене дар малагӀча бахьанца деш е хулаш да хьа а хьокхаш, хӀана? фу бахьан долаш? яхача хаттарашта жоп лу тӀатоха предложенеш^[1].

Бахьана тӀатоха предложенеш кертерча предложенешца ювзалу:

1. ра е ах яха суффиксаш йолча луреи хотталуреи дожаре латтача масдарах хиннача тӀатохача предложене сказуеме новкъосталца. Масала: Тхоай арара болх ханнахьа чуберзара, чӀоагӀа гӀаддахад тхо.

2. даь яха суффикс йолча причастех хиннача тӀатохача предложене сказуеме новкъосталца. Масала: Со шорттига водар, Ахьмада ког лазаш чехка ва ца могандаь.

3. бахьане, бахьан долаш, хӀана аьлча яхача хоттарга дешай новкъосталца. Масала: Шо дахкар бахьане, чӀоагӀа самукъдаьлар тха. Укх шера бӀаьстен юхье шийла хилар бахьан долаш, бешамашкара сомаш дика летабац. ЦӀен тховна а еттар цар топаш, хӀана аьлча бада́ тӀара массе оагӀарахьара дов де йиш яр цу чурча гӀалгӀай^[1] ^[2].

Белгалдаккхар

↑ ¹ ² Оздоев, 2006, оа. 348.
↑ Гандалоева, 2018, оа. 349.

Литература

И.А. Оздоев Р.И. Оздоев. ГӀалгӀай метта грамматика. — Назрань : Сердало, 2006. — 248 с.

А.З. Гандалоева. ГӀалгӀай мотт. — Назрань : Кеп, 2018. — 349 с.

[_5d384b085507eb74-1] ¹ ² Оздоев, 2006, оа. 348.

[_dc52af51a3c6b78a-2] Гандалоева, 2018, оа. 349.

[1]

[2]