Дагалоацама тӀатоха предложенеш
Дагалоацама тӀато́ха предложенеш — кертерча предложене дар сендухьа, сенна ду хьа а хьокхаш, сенна? сендухьа? яхача хаттарашта жоп лу тӀатоха предложени. Дагалоацама предложенеш кертерча предложенеца ювзалу:
• духьа яхача хоттаргеи масдарах хиннача предложене сказуемеи новкъосталца. Масала: Докладчика ду къамаьл массанена хьахазийтар духьа, гӀараш а ца еш, сатийна латтар нах.
• -йта яха суффикс йолча причастех хиннача тӀатохача предложене сказуеме новкъосталца. Масала: Хьалха бахача фрицашка дегабуам ца байта, Султана чехка мотор болабалийтар, фараш а лотайир.
• -рг яха суффикс йолча причастех хиннача тӀатохача предложене сказуеме новкъосталца. Масала: Шо тхоайцига доагӀарг, аз шоана хьашт долчча дийнахьа машен йойтаргья [1].
Белгалдаккхар
- ↑ Оздоев, 2006, оа. 348.
