Дистара тӀатоха предложенеш
Ди́стара тӀато́ха предложенеш (эрс: придаточные сравнения) — кертерча предложене дар санна, цунах тарра долаш дар белгал а деш, шийна тӀехьа санна е мо яха хоттара дешаш долча причастех е деепричастех хинна сказуеми дола тӀатоха предложенеш. Масала: Нана-цӀагӀа йоалаш санна, хьакхашта са дег чу ера хьо. ХьоашалгӀа еча санна, са дег чура араяьлар хьо. ГӀирс бар хьа, берташа бохабича санна, сибат дар хьа, кашара гӀеттача санна, ва лоаман кхалсаг [1][2].
Цу тӀатохача предложенецара причасти е деепричасти дӀаяьккхача, цунах цхьалха дистар хул. Масала: Фадимана дер санна, Хане ду барзкъа. Фадимана санна Хане а ду барзкъа. Хьалхаръяр дистара тӀатоха предложени йола чоалхане-карара предложени я, хӀаьта шоллагӀъяр — цхьалхане я. Цунцардар цхьалха дистар да [1] [2].
Белгалдаккхар
- ↑ 1 2 Оздоев, 2006, оа. 348.
- ↑ 1 2 Гандалоева, 2018, оа. 349.
