Бохтаранаькъан Берса Бембулат

Бохтарнаькъан Берса Бембулат
Ваь таьрахь	9 маьтсела 1934(1934-05-09)
Ваь моттиг	МергастӀе, Галашкен шахьар, Нохч-ГӀалгӀай АССР
Венна таьрахь	11 бекарга 2019(2019-04-11) (84 шу)
Венна моттиг	Шолжа-Пхье, Шолжа шахьар, ГӀалгӀай Мохк
БӀорахол	Эрсече
Леладу гӀулакх	политик, парламента болхло, публицист
Дешар	Омска юртбоахама институт
Ӏилман дарж	экономика Ӏилмай кандидат
Ди	ислам
Бераш	Лейла, Руслан (веннав), Берс, Берд.
СовгӀаташ

Бохтаранаькъан Берса Бембулат (эрс: Бембулат Берсович Богатырёв; 9 маьтсела 1934, Галашкен шахьар^[d] — 11 бекарга 2019, Шолжа-Пхье, ГӀалгӀайче) — гӀалгӀай политик, халкъа депутат. ГӀалгӀай Республика кхоллаш хьалха лаьттачарех ва.

Биографи

Бохтаранаькъан Бембулат ваьв 1932 шера оагӀой бетта 31-ча дийнахьа Галашкен шахьара МергӀасте. 12 шу даьнна волча хана дерригача къамаца цхьана мехках ваьккхав. Бембулата ше йоах:

МергӀасте дахаш 8 ков дар. Юрта бахача нахах 5 саг тӀем тӀа вахавар, царех кхоъ — Бохтаранаькъан. Пхенех цӀавенар шиъ мара вац.

Бумате ӀотӀадигачул тӀехьагӀа полуторкашта хувшадир тхо. Шолжа-ГӀалий тӀа ши сахьат а денна товарнякашта хувшадир тхо.

Фуд хой шоана, мехках дахалехь ши ди хьалха коа тӀара хьайбаш — цискаш, жӀалеш, говраш — цхьа тамашийна лела даьннадар, хӀама яа ца тугаш. Шо тешарг ма дац, тхо машенаш тӀа хувшадаьча хана тха говр тхона бӀар а хьежаш боккъонца елха ма елхар. ЦӀаяха тигацар. Цул тӀехьагӀа цӀермашенага кхаччалца тхона тӀехьаядаяр, вагона чу чутоссаяла а гӀертаяр…

ХӀанз мо дага ма доагӀа сона, нах мехках мишта боаха хьежа баьхкарашта духьала майдан тӀа лаьттача жугтий мозгӀаро мишта йоахар наьха хӀама тӀа ма кхувда, доассаденна цӀенош довха ма довха, гӀалгӀай рузкъа хӀалак ма де яхаш. Шийла, нах бизза йола вагонаш йолаялар. Дийнахь шозза состав юхасоцар, тӀаккха наха вагона чу шишша ведар шийла хи хьакхухьар.

Са даь-веший йоӀ вагона чу еннаяр бер деш. Се дийна волаш цу тайпара хоза кхалсаг кхы бӀарг ма яйнаяцар сона. Изи цун денна хитӀоари вагона чура перрона тӀа дӀааракхессар. Цу хана 109 шу даьнна хинна са даь-да из дӀайоллийта яхаш дехар деш хиннав капитанагара. ХӀама хиланзар. Цул тӀехьагӀа даь-дас шалта ара а даьккха (хӀанад а хац, хӀаьта къаман дувхар тӀадийха ваха пурам деннадар цунна — тӀехкар теха чокхии шалтеи), байнараш дӀабовлийта яхаш дӀадеха волавалар. Дар долча хила деза. Воккха саг ве ца вувш, юха мара теттанзар цо из «Со хьайх фу де йиш йолаш ва уйла йой Ӏа?» аьнна. Цхьабакъда дӀабохкийта пурам хӀаьта а даланзар".

Ши кӀира даьккхар долхаш. Ӏокхаьчача массанахьа хабар доаржадаьдар «боагӀараш эрсий цӀий мела бандиташ а ба, шоашта муӀаш йоахкандаь лакха кийнаш ювхаеш а ба» яхаш.

Ший меттала (эрс.)

В хуторе Мергесте было 8 дворов. Из жителей села 5 человек ушли на фронт. Трое из которых — Богатыревы. Вернулись из пятерых только двое.

Нас довезли до села Бамут, где перегрузили на полуторки. В Грозном дали 2 часа и перегрузили в товарняки.

Знаете, за два дня до выселения домашние животные — кошки, собаки, лошади, — стали вести себя странно, отказывались от еды. Вы не поверите, наша лошадь, когда нас погрузили в машины, смотрела на нас и по-настоящему плакала. Не хотела идти домой. Потом бежала за нами до поезда, попыталась запрыгнуть в вагон…

Как сейчас перед глазами еврейский раввин, который, стоя на площади, перед собравшимися смотреть, как выселяют людей, заклинал не брать ничего чужого, не грабить опустевшие дома, не уничтожать имущество ингушей. (Кстати, евреи действительно не стали вселяться в дома выселенных — они приходили, доили коров, поливали огороды, присматривали за хозяйством, но в опустевшие дома не вселялись — авт.). Холодные, набитые людьми вагоны тронулись. Два раза в сутки состав останавливался, и людям в вагон приносили по два ведра холодной воды.

Моя двоюродная сестра умерла в вагоне во время родов. Никогда в жизни я больше не видел такой красивой женщины. Ее и мертвого младенца просто выбросили из вагона на перрон. Мой дедушка, которому было тогда 109 лет, умолял капитана дать похоронить ее. Бесполезно. Тогда дед достал кинжал (ему почему-то разрешили ехать в национальной одежде — в черкеске с поясом и кинжалом), и начал требовать, чтобы позволили похоронить умерших. Надо отдать должное капитану. Он не убил старика, просто оттолкнул со словами: «Ты соображаешь, что я могу с тобой сделать, дед?». Но похоронить так и не разрешил.

Ехали две недели. А когда приехали, то везде уже распространился слух, что «едут бандиты, которые пьют русскую кровь, и что они носят высокие шапки, потому что на головах у них растут рога»

— Б. Б. Богатырёв

Дешар

1950-ча шера 7 класс а яьккха Петропавловскерча юртбоахама техникум яьккхай цо. 1954-ча шера из яьккхай цо. 1955-ча шера Омскерча юртбоахама институте эттав из лаьттатоадеча факультете. 1960-ча шера из а яьккхай цо.

Нохч-ГӀалгӀай АССР-е

Нохч-ГӀалгӀай АССР-а лаьттан фонд лелаярахи лораярахи вола паччахьалкхен инспектор волаш 35 шу ха яьккхай цо. Царех тӀеххьара пхи шу — Нохч-ГӀалгӀай АССР-а лаьттан реформах йолча комитета тхьамадан дарже волаш.

Депутата болх

1990-ча шера Бембулатах РФ Халкъа депутат хьахиннав. 1990-ча шерагара 1993-ча шерага кхаччалца РФ Лакхехьарча Совета Законаш доахача комитета доакъашхо хиннав; РФ Лакхехьарча Совета репрессеш яьчеи мехках даьхачеи къамашта тӀагӀолла йолча Къамай Совета Комиссе доакъашхо хиннав; «Свободная Россия», «Коалиция реформ» яхача фракцей лоаттаме хиннав.

Законаш кхолла болх

Бохтаранаькъан Берса Бембулата ше дакъа лоацаш Эрсечен Халкъа гулламо кхо закон арадаьккхад репрессеш яьча къамий бокъо меттаоттаеш геттара доккха дакъа лаьца дола, иштта гӀалгӀай къаманца тархьарца хинна харцо дӀаяьккха:

1. 1991-ча шера ардара бетта 18-ча дийнахь тӀаийцад «О реабилитации жертв политических репрессий» яха закон;
2. 1991-ча шера бекарга бетта 26-ча дийнахь «О реабилитации репрессированных народов» («Закон века») яха арахийцад;
3. 1992-ча шера аьтинга бетта 4-ча дийнахь «Об образовании Ингушской Республики в составе РФ» яха закон арадаьннад.

«БӀаьшера закон»

1991-ча шера бекарга бетта 26-ча дийнахь «О реабилитации репрессированных народов» яха закон арадаьккхад. Тархьаре «БӀаьшера закон» аьнна цӀихезад из, хӀана аьлча чӀоагӀалений бокъо (крепостное право) дӀаяьккхача хана денз цул чӀоагӀагӀа наьха бокъои нийсхои хьалйоаккхаш Эрсече тӀаийца хиннадац.

Из закон арадаьккхад Бембулата къахьегарца, цои гӀалгӀай кхыча викалашеи Эрсечен Парламента болхлой Ӏокъарбаьб из закон тӀаэца дезалга а, цу къамий бокъо меттаоттае езалга а.

ХӀирийчера викалаш раьза хиннабеце а, Халкъа гулламо барттайна тӀаийцад из закон. Цхьабакъда хӀанз а кхоачашде ма дезза кхоачашдаь дац из хӀанз а. ДукхагӀдолча къамий бокъо меттаоттаяьй, гӀалгӀайъяри немцийъяри мел йоацар (~2.5 млн саг). Хьалхарбараш хӀанз а советий Ӏаьдало шоаш ӀотоӀабаь йоахаяь бокъо меттаоттаелга хьежаш ба, шоллагӀбарий кхы хьийжа ца баьнна шоай къаман лаьтта юха ӀоцӀааха бийзаб.

Валалехь

2018 шера аьтинга бетта 17-ча дийнахьа цаховш хӀама хинна дарбанче Ӏочувига хиннав кагдаь пӀендараш а долаш.

Бохтаранаькъан Бембулат веннав 2019-ча шера бекарга бетта 11-ча дийнахьа.

Кинашкаш

1. «Маздакиты на Кавказе»
2. «Россия и ингушский вопрос. Как это было?»
3. «Ожидая справедливости»

Сийлен совгӀаташ

• Орден «Знак Почёта» (1989);
• Орден «КарагӀдаьннарех» (2002).

Белгалдаккхар

Бовхамаш

ТӀатовжамаш

• Газгириева А. Бембулат Богатырев: «Для этого стоило родиться и жить…» (эрс.) // Сердало : газета. — 2012. — 28 февраля (№ 42 (10775)).
• Севрюкова Е. Стойкость на праведном пути  (эрс.) (интервью). right-partner.ru. «Партнёр Плюс» (2012). — Опубликовано в: «Северный Кавказ», №1 (1019), февраль, 2012. Хоам хьаийца таьрахь: 9.10.2025.