Гадаборшанаькъан Боскара Осман
| Гадабо́ршанаькъан Боскара Осма́н | |
|---|---|
| эрс: Гадаборшев Осман Боскарович | |
 | |
| Ваь таьрахь | 22 тушола 1936 (90 шу) |
| Ваь моттиг | Гадаборшакъонгий-Юрт, ГӀалме шахьар, Нохч-ГӀалгӀай АССР, СССР |
| БӀорахол |
 СССР →  Россе Федераци |
| Леладу гӀулакх | хоамбоаржабархо |
Гадабо́ршанаькъан Боскара Осма́н (эрс: Гадаборшев Осман Боскарович; 22 тушола 1936, Гадаборшакъонгий-Юрт, Даькъастен край) — гӀалгӀай хоамбоаржабархо, «Сердало» газета керттера редактор, «Правда» яхача газета хинна корреспондент.
Биографи
Гадаборшанаькъан Осман ваьв 1936-ча шера тушола бетта 22-ча дийнахьа ГӀалме шахьаре Гадаборшакъонгий-Юрта. Из ворхӀлагӀа дезалхо хиннав Гадаборшанаькъан ЖангӀорочун Боскареи Леймой ИсмаӀала Баночуннеи ийс дезалхочоа юкъе. Цун да́, Гадаборшанаькъан Боскар, 1986-ча шера Питере заводе болх бе ваха хиннав, цига цо дакъа лаьцад революци йоаккача болхлошта юкъе. Оарцаханаькъан Хизира революце сура юкъе адъютант хиннав. Деникина духьала баьча тӀема юкъе а цо дакъа лаьцад. ГӀалгӀай къама мехках даьккхача хана, уж баьхаб Щучинскеи Талды-Курганеи. Цига цо тӀехдика ийс класс яьккхай. 1957-ча шера цар дезал шоай мехка цӀабаьхкаб, Шолжа-ГӀалий тӀа баха хайшаб. Цига яьккхай цо 10-гӀа класс Шолжа-ГӀалий тӀарча сарахьарча ишколе.
Дешар
1958-ча шера Осман деша эттав МГУ хоамбоаржабархой факультете, 20 балла юкъе 19 балл баьккха. 1963-ча шера из дийша йистеваьннав. МГУ яьккха йистеваьнначул тӀехьагӀа, из балха дӀахьожаваьв «Шолжа-ГӀалий тӀара болхло» яхача газете. 1963-ча шера маьцхали бетта 8-ча дийнахьа из балха дӀачуийцав корресподенталла Наьсарен, Шолжа, Оарштхой-Фартан шахьарашка.
Болх
Коррсеподента декхараш цо дизза кхоачашделга зийна, из кулгалхоша лакхваьккхав. 1976-ча шера тов беттага кхаччалца Османа болх баьб администраце отдела кулгалхо волаш. 1976-ча шера Нохч-ГӀалгӀай ЦК КПСС обкома из хьожаваьв деша КПСС юкъарча Ӏилмай академе. Дешара шоллагӀча шера из хоамбоаржабархочун говзал шаьръе вахийтав «Правда» яхача газете. 1978-ча шера цо тӀехдика йистеяьккхад парте политика лакхера дешар. 1978-ча шера тов бетта денз 1983-ча шерага кхаччалцца баьб цо болх «Правда» яхача газете, Вологодскии, Архангельскии областаштеи, Коми АССР корреспондент волаш.
Цхьацца бахьан нийсаденна, из ший мехка цӀавенав. 1983-ча шера маьцхали бетта Нохч-ГӀалгӀай КПСС обкомо из хьожаваьв «Сердало» газета керттерча редактора дарже. Цул тӀехьагӀа цо болх баьб Нохч-ГӀалгӀай Республика Доалче, хӀаьта къаьстта республикаш хьахинначул тӀехьагӀа — Нохчий Республика Доалче. 1995-ча шера наджгоанцхой беттага кхаччалца. Из хиннав СССР хоамбоаржабархой Союза доакъашхо, РФ хоамбоаржабархой Союза доакъашхо, ГӀалгӀай Мехка хоамбоаржабархой юкъарлон доакъашхо.