ГӀайрбика-Юрт
| Юрт | |
| ГӀайрбика-Юрт | |
|---|---|
| 43°24′01″ с. ш. 44°35′45″ в. д.GЯO | |
| Паччахьалкхе |
 Россе Федераци |
| Федерацен субъект | ГӀалгӀайче |
| Муниципальни шахьар | Наьсарен шахьар |
| Муниципальни кхоллам | Долакха-Юрт |
| Лакхал | 696 м |
| Ӏалама лоаттам | умеренный |
| Сахьата оаса | UTC+3:00 |
| Бахархой | |
| Бахархой | ↗258[1] саг (2019) |
| Къамаш | гӀалгӀай |
| Ди лелабераш | сунний бусалбаш |
| Паччахьалкхен мотт | гӀалгӀай, эрсий |
| Дагарга идентификатораш | |
| Телефоний код | +7 8732 |
| Пошта индекс | 386122 |
| Код ОКАТО | 26220820002 |
| Код ОКТМО | 26605415106 |
|
|
|
ГӀайрбик-Юрт (эрс: Гайрбек-Юрт) — ГӀалгӀай мехка Наьсарен шахьара юрт. Долакха-Юртаца цхьана ГӀайрбика-Юрто муниципальни кхоллам хьабу.
Географи
ГӀайрбика-Юрт улл Наьсарен шахьара гӀинбухен-малхбузехьарча оагӀорахьа, Шолжа аргӀан зӀилбухерча кӀалха, Наьсаренгара гӀинбухен-малхбузехьа 38 км гаьна, МагӀалбикагара зӀилбухехьа 18 км гаьна.
Гарга йола нах баха моттигаш: гӀинбухен-малхбузехьа — Дола-Коаи СоагӀапчеи я (аргӀан гӀинбухерча мухале), малхбоалехьа — Дабе-Юрти Баьтамарза-Юрти я, зӀилбухен-малхбоалехьа — Черкъий-Юрт я, зӀилбухехьа — Долакха-Юрт, зӀилбухен-малхбузехьа — Боткъий-Юрт улл[2].
- Сахьата оаса
ГӀайрбика-Юрт, еррига ГӀалгӀайче мо, МСК (москверча хан) сахьатий зоне я. Лелаш йолча ханацеи UTC ханацеи йола башхало +3:00 я[3].
Тархьар
Каьхаташ тӀа долчох юххьашха юрт йиллай 1847 шера, цу юкъа ЗӀамагӀча ГӀаьбартехьен доалахьа хиннача, лаьтта тӀа. Юртах цӀи тиллай из Ӏойилла волча Малсаганаькъан ГӀайте ГӀайрбика цӀерагӀа. Эрсий паччахьа эскаре инарал хиннав из. Боккхийча наха хьадийцачох, лакхача ранге тӀемахой чин а йолаш ГӀайте ГӀайрбик отставка́ водача хана паччахьа доалчено хӀанз юрт уллача моттиге даьда лаьтташ денна хиннад цунна. Цига ваха Ӏоха безам болаш хиннав из, цудухьа юрт а йиллай цо цигга. Цхьабакъда, ваха волавенначул тӀехьагӀа зийнад цо юрта молаш долча хицара хьал во долалга а из тоаде хала хургдолга а. Из бахьан долаш Ӏаьдалагара шийна кхыча моттиге лаьтта дийхад цо хьалх денначун когаметта. Иштта, денна хиннад цунна Яндаре лаьтташ. Цига дӀа а ваха́, ва́ха хайнав из[4].
ГӀалгӀай автономе область йолча хана 1926 шера долча каьхаташ тӀа «хутор Гайрбек-юрт» аьнна яздаь латт. Ишта статус йолаш йовзаш я из 1941 шерарча каьхаташ тӀа а[4].
Инфраструктура
ГӀайрбика-Юрта кхо урам я: Спортивни, Юкъера, Боярышника[4].
Белгалдаккхар
- ↑ ГӀалгӀай Мехка бахархой дукхал, уж бахача моттигашка гӀолла (01.01.2019).
- ↑ Карта Чечни и Ингушетии (rar) (не ранее 1995). Хоам хьаийца таьрахь: 2.01.2010. Архиваци яьй 8.03.2012.rar. Объём 8 МБ.
- ↑ Федеральный закон от 03.06.2011 № 107-ФЗ «Об исчислении времени», статья 5 (3.06.2011).
- ↑ 1 2 3 Долгиева а, кхыбараш а, 2023, оа. 19.
Литература
- Долгиева М. Б., Агиева Л. Т., Дударов А.-М. М., Дзуматова З. Р., Дзаурова Т. А.-Х., Картоев М. М., Катиева М. Н. К истории некоторых населенных пунктов Ингушетии // Вестник ИНИИГН / Гл. ред.: Н. М. Барахоева. — Магас, 2023. — С. 10—25.