Сайти — Зовле воӀ
| Сайти — сын Зоули | |
|---|---|
| Сайти — Зовле воӀ | |
 | |
| Жанр | драма, лоаца метраж ярг |
| Режиссёр | Ӏамархананаькъан Амур |
| Продюсер | Ӏамархананаькъан Амур, Анна Арутюнова |
| Сценаре автор |
Ӏамархананаькъан Амур |
| Керттера амал ловзадаьраш |
ГӀанажанаькъан Ӏалисхан, Зурабанаькъан Мухьмад, Коазой Дугархан, Алексей Вакулов |
| Оператор | Александр Родин |
| Композитор | Ӏамархананаькъан Амур, Зайтанаькъан Тимур, Тимур Рыжов |
| Кинокомпани | INKI |
| ДӀоахал | 33 мин |
| Паччахьалкхе | Россе Федераци, ГӀалгӀайче |
| Мотт | гӀалгӀай, эрсий |
| Шу | 2019 |
| Хьалха дӀадаха фильм | хьалхара проект |
| ТӀехьа тӀадоагӀа фильм | Письмо |
«Сайти — Зовле воӀ» (эрс: Сайти — сын Зоули) — лоаца метраж йола гӀалгӀай кино да, Ӏамархананаькъан Амура даьккха 2019 шера. Сюжете йодаш яр XIX бӀаьшу чакхдоалаш йола ха я. Премьера Россе Федераце ГӀалгӀай мехка хилар 2020 шера кӀимарса бетта 15-гӀча дийнахьа[1]. ГӀалгӀай меттала хьалхара болхговзала кино да аьнна лоархӀ[2]. 16 россерча а дунен къамашта юкъерча а кинофестивалашка котало яьккха кино да.
Кино даккха дагадехар а, даьккхар а, сценарий язъяьр а Ӏамархананаькъан Амур ва — цӀихеза гӀалгӀай иллиалархо, ерригача Россе Федераце а доазал дехьа а цӀихеза хиннача LKN яхача мукъама тоабан доакъашхо. Сценарий хержа хиннай ВГИК кафедре, цул совгӀа хьалхара моттиг яьккха хиннай цо «Телемания» яхача телевизионни программийи кинойи конкурсе. Из конкурс вӀашагӀъеллар Кинои телевиденеи институт я (ГИТР), Дунен къамашта юкъерча телевиденеи радиои академес (IATR) гӀо а деш. «ТолашагӀа сценарий» яхача номинаце дакъа лоацаш Эрсечереи СНГ мехкашкареи 500 сценарист хиннав[2].
2022 шера наджгоанцхой бетта 22-гӀча дийнахьа Казане II-гӀча Регионашта юкъерча кинематографен областе премен экспертий турах котбайнарашта совгӀаташ телаш кхетаче дӀайихьар, «Алтын тәлинкә» (гӀалгӀай меттала таржам дича «Дошо оаркхув») яхаш цӀи а йолаш. Из гӀулакх кхоачащдар РФ культурацарча инициативий Президента фондо гӀо а деш. Цу конкурсе «Сайти Зовле воӀ» яха коно шин номинацех лауреат хилар: «Дебют» яхача номинаце а (100 000 сом а луш), «Амал ловзадеча кино чу толашагӀа йолча маӀача наьха амал» яхаш цӀи йолча номинацех а (ишта маӀача наьха актерий лоаттам хиларах)[3].
2022 шера оагӀой бетта кино гойташ хилар Сахий мехка А. Е. Кулаковскечун цӀерагӀа долча Къамай доттагӀала цӀагӀа[4].
Амал ловзадаьраш
• Сайти — ГӀанажанаькъан Ӏалисхан
• эбарг — Зурабанаькъан Мухьмад
• Сайте нана — Коазой Дугархан
• эпсар — Алексей Вакулов
• салте — Дмитрий Файнштейн.
Кино даьккха тоаба
• режиссёр — Ӏамархананаькъан Амур
• оператор — Александр Родин
• продюсер — Ӏамархананаькъан Амур, Анна Арутюнова
• сценарист — Ӏамархананаькъан Амур
• композитор — Ӏамархананаькъан Амур, Зайтанаькъан Тимур, Тимур Рыжов.
СовгӀаташ
«Сайти — Зовле воӀ» кино 16 россерча а дунен къамашта юкъерча а кинофестивалашка котало яьккха да[5].
Белгалдаккхар
- ↑ «Кинопоиск», 2019.
- ↑ 1 2 Харсиева, 2018.
- ↑ Объявлены лауреаты II кинопремии «Алтын тәлинкә» / Союз кинематографистов Российской Федерации, 24.01.2022.
- ↑ Показ ингушского кино «Сайти сын Зоули» / Дом дружбы народов им. А.Е. Кулаковского, 20.12.2022.
- ↑ Харсиева, 2023.
Литература
- Харсиева Л. Сайти сын Зоули — первый профессиональный фильм на ингушском языке // «Ингушетия» : газета. — 2018. — 14 декабря.
- Харсиева Л. «Письмо» на пути к юбилею // «Ингушетия» : газета. — 2023. — 11 сентября.
ТӀатовжамаш
- «Кинопоиск». Сайти — сын Зоули (справ. инф.). kinopoisk.ru. Информационн-мультимедийный портал «Кинопоиск» (2019). Хоам хьаийца таьрахь: 5.09.2024.
- «Это Кавказ». Режиссер Амерханов представил трейлер нового фильма «Письмо». etokavkaz.ru. Информационно-познавательный мультимедийный портал агентства ТАСС (19.07.2024). Хоам хьаийца таьрахь: 5.09.2024.
- Темурзиев Д. Ингушский полнометражный художественный фильм «Письмо». Амур Амерханов. gazetaingush.ru. Газета «Ингушетия» (24.01.2024). Хоам хьаийца таьрахь: 5.09.2024.