LKN
| LKN | |
|---|---|
 | |
| Керттера хоам | |
| Жанр | рок-н-ролл, брит-поп, шансон |
| Шераш | 2001— |
| Мехкаш |
 Россе Федераци |
| ВӀашагӀъелла моттиг | Москва, Наьсаре |
| Мотт | эрсий мотт, гӀалгӀай мотт |
| Лоаттам | Ӏамархананаькъан Амур, Чуранаькъан Ӏумар, Игорь Джавад-заде |
LKN, е ЛКН, хьайоаржаяь цӀи: «Лицо кавказской национальности» — россе гӀалгӀай мукъама рок-тоаба я. Тоабан доакъашхой — ГӀалгӀайчен къаман артисташ Ӏамархананаькъан Амури Чуранаькъан Ӏумари.
Оттар
2001-ча шера Ӏамархананаькъан Амуреи Чуранаькъан Ӏумареи вӀашагӀъеллай «ЛКН» яха мукъама тоаба. Из тоаба хьахилара ди лоархӀ 2001-ча шера бекарга бетта 13-гӀа ди — цу дийнахьа цар коллектива дебют хиннай «Радио Шансон» оттадаь долча концерте. «Поезд на Назрань» яха йиш лакхай цар цига духхьашха. ТӀехьагӀа тоаба чӀоагӀа гӀоръяьнна къахьегаш хиннай Россе Федераце а доазол дехьа а. Цар ашараш лекх гӀалгӀай а эрсий а меттала а. Мукъама кулгалхо хиннав Игорь Джавад-Заде (фата еттар), цо цхьан хана болх баьб Эрсечен мукъама майдан тӀа цӀихеза йолча тоабашца: «Земфира», «А-студио», «Наутилус-Помпилиус»[1].
Доакъашхой
Ӏумари Амури шаккхе илли оалаш ба, царца цхьана духьала мукъама гӀирсаца болх беш ба Александр Князев (бас-гитара), Игорь Гереклиев (лакаш), Сергей Каширин (гитара). Шаккхе солист Бориса Щукина цӀерагӀа йола театра институт яьккха ба. Уж ашараш лекхаш хьабоагӀа зӀамига болча хана денз. Дийша баьнначул тӀехьагӀа цар болх баьб Москверча театрашка.2002-ча шера «Монолит» яхача студе арахийцад цар шоай хьалхара «Остров Сицилия» яха мукъама альбом. 2005-ча шера царна еннай «Къаман артист» яха цӀи. Цар ашараш шоаш язъеш хиннай тайп-тайпарча жанрех: брит-поп, рок-н-ролл, баллада, шансон. Царца дешаш яздеш кхы а кхоалагӀа солист хиннав Хьоашаланаькъан Анзор. Из ваха дӀавахав Свений мехка. «Поезд на Назрань» яхача ашара тӀеххьа кагийча наха арахийцай цӀихеза ашараш «Белоснежка», «Яндаре»[1].
2006-ча шера «ЛКН» тоаба яха хилар Венесуэле. Цига царна вайзар цар мехкда Уго Чавес. Театра дешар дийша а цу даькъе болх баь а болга хайча, Уго Чавеса венусуэла серилиашка дакъа лацар хьалхадаьккхар хьаьшашта. Кагийча наха дакъа даьцад цул тӀехьагӀа «Любовь и коварство» яхача сериала цхьан суртгойтам чухь мукъамхой-элакхесташ амалташ кхоачаш деш. Къулбаседа Кавказера артисташ дукха безабеннаб Венесуэла хьежархошта. Цхьабакъда, кагирхоша контракт хьатӀаийцаяц шоай мукъама болх дӀахо дӀабахьар духьа[1].
2007-ча шера «ЛКН» тоабо арахийцад «Небо в профиль» яха диск."Она" яхача ашара тӀагӀолла режиссера Георгий Тоидзе клип даьккхад, тӀехьагӀо цхьаькха цаӀ — «Невезучий»[1].
Альбомаш
• «Остров Сицилия» (Сицили ГӀайре), 2002
• «Правды берег» (Бакъчун берд), 2005
• «Небо в профиль», 2007
Ашараш
• Зарема
• У Яхьи (Яхьья волча)
• Поезд на Назрань (Наьсаре йода цӀермашен)
• Дженнифер
• Остров Сицилия (Сицили гӀайре)
• В Яндаре (Яндаре)
• Тётя Роза
• Салам, Африка
• Правды берег (бакъдара берд)
• Ма елхалахь
• Ваха-костоправ
• Кружат орлы (аьрзеш кхест)
• Нана
• Лесополоса (хьун оас)
• Чрезвычайка
• 500 000 ингушей (500 000 гӀалгӀа)
• Iaдика хийла
• Она
• Невезучий (аьттув боацар)
• Это любовь (безам ба из)
• Колесо Сансары
• Где ты? (Мичай хьо?)