Йовлой Сулумбика Мухьмад-Ӏаьла
| Йовлой Сулумбика Мухьмад-Ӏаьла | |
|---|---|
| эрс: Евлоев Магомед-Али Суламбекович | |
 | |
| Ваь таьрахь | 28 тов 1976 (49 шу) |
| Ваь моттиг | |
| БӀорахол | |
| Дешар |
БагӀдадера Саддама цӀерагӀа йола Бусалба дин университет, шарӀан факультет (1992—1997) Россе къамий доттагӀала университет, экономикан факультет (2002) Россе халкъа юртбоахамеи паччахьалкхен гӀулакхеи академи (2019) |
| Компани | ПАО НК «Русснефть» |
| Дарже | Коммерцех вола вице-президент |
| Да́ | Йовлой Сулумбик-молла́ |
Йовлой Сулумбика Мухьмад-Ӏаьла (эрс: Евлоев Магомед-Али Суламбекович; 28 тов 1976, Наьсаре, Нохч-ГӀалгӀай АССР) — гӀалгӀай меценат, юкъара къахьегамхо, бизнесмен. Россе Федераце мехкадаьтта промышленноста сийлен болхло.
Биографи
Йовлой Мухьмад-Ӏаьла ваьв 1976 шера тов бетта 28-ча дийнахьа Наьсаре, цӀихеза гӀалгӀай дийша саг хиннача Йовлой Сулумбик-молла́ дезале.
Дешар
Наьсаре ишколе деша вагӀаш, цо бусулба дешар дийшад, да́ хьехархо волаш. 1992—1997 шерашка доладаь дешар дӀахо дӀадихьад Саддама цӀерагӀа йолча БагӀдадерча Бусалба дин университета шарӀан факультете. 2002-ча шера цо дийша йистеяьккхай Россе къамай машара университет, экономиста говзал караерзаеш. 2019-ча шера яьккхай Россе Федераце Президентаца йола Россе къаман юртбоахамеи паччахьалкхен гӀулакхеи академи, «политолог» яхача специализацех[1].
Болх
1997—1999 шерашка из хиннав ФПС «БИН» экономист. 1999—2000 шерашка цо болх баьб Россе Федераце антимонопольни политикахи предпринимательствон гадаккхарахи йолча министерстве. 2000—2002 шерашка Гаргарча Малхбоален мехкашка ОАО НГК «Славнефть» регионера викал хиннав, иштта цу компане арахьарча экономика балхах департамента хьаким а хиннав. 2002—2003 шерашка ОАО НК «Русснефть» мехкдаьтта дохкарах департамента директора когаметтаоттар хиннав. 2003—2004 шерашка из хиннав Лондоне Russneft UK Limited яхача компане генаральни директора когаметтаоттар. 2004—2011 «Русснефть» мехкдаьтта дохкарах департамента директор хиннав. 2011—2015 ЗАО «Фортинвест» керттерча директора хьалхара когаметтаоттар а, керттера директор а хиннав. 2015-ча шера тов бетта денз ПАО НК «Русснефть» коммерцех вице-президент ва. 2016 шера цунна еннай Россе Федарце энергетикан министерства сийлен звани «Почётный нефтяник»[2].
Дика дар
Йовлой Сулумбика Мухьмад-Ӏаьла меценат аьнна цӀихеза ва, Ӏилмеи культуреи дешареи сферашка. Хьинаре сагӀаш деш ва. Ӏаьлий-Юрта цо ший ахчах хьалдаьд Ӏали ибн Абу ТӀалиба цӀерагӀа дола маьждиг[1].
ГӀалгӀай Мехка тохкамхошта а спортсменашта а гӀо деш ва. Мехкара дуккха юкъара проекташ кхоачашъяьй цо ахчаца новкъостал а даь.
ЦӀагӀара вахар
Мухьмад-Ӏаьла саг йоалаяь ва, бераш кхедеш ва.
СовгӀаташ
- Россе Федарце энергетикан министерства сийлен звани «Почётный нефтяник» (2016);
- Россе Федарце мехкдаьттаи газацареи промышленноста сийлен болхло[1].
Белгалдаккхар
- ↑ 1 2 3 Патиев, 2023, оа. 249.
- ↑ Евлоев Магомед-Али Суламбекович. russneft.ru. компания «РуссНефть» (2015). Хоам хьаийца таьрахь: 24.09.2025.
Литература
- Ингушетия: популярная иллюстрированная энциклопедия / Сост. Я. С. Патиев; науч. ред. М. Г. Цароева, Т. Х. Матиев. — Магас : «Сердало», 2023. — 816 с. — ISBN 978-594452-185-9.